ਕਿੱਥੇ?

ਕਿੱਥੇ ਚੂਰੀ ਕਿੱਥੇ ਛੰਨੇ ਨੇ
ਇੱਥੇ ਅੱਖਾਂ ਵਾਲੇ ਅੰਨ੍ਹੇ ਨੇ

ਬਚੀੰ ਤੂੰ ਮੂੰਹ  ਦੇ ਮਿੱਠੇ ਤੋੰ
ਇੱਥੇ  ਜ਼ਹਿਰੀਲੇ ਗੰਨ੍ਹੇ ਨੇ

ਸੀਨੇ ਚ ਚੁੱਭੇ ਚਿੱਬ ਸਾਰੇ
ਭਾਂਡੇ ਚਾਅਵਾਂ ਨੇ ਭੰਨ੍ਹੇ ਨੇ

ਬੋਲੀ ਨੈਣਾਂ ਦੀ ਕੀ ਦੱਸਾਂ
ਨੁਕਤੇ ਨਾ ਕਿਤੇ ਕੰਨੇ ਨੇ

ਰੂਪ ਕੱਖਾਂ ਦਾ ਸੱਪਾਂ ਜੇਹਾ
ਮੈੰ ਕਿੰਨੇ ਕੁੱਲੜੇ  ਛੰਨੇ ਨੇ

ਵਲ਼ ਮਨ ਚ ਕਾਇਮ ਏ
ਮੈੰ ਪੀਰ ਔਲ੍ਹੀਏ ਮੰਨੇ ਨੇ

ਕਈ ਖਸਮ ਤੋਰੇ ਇਹਨੇ
ਉੱਥੇ ਪੈਲ਼ੀ ਉੱਥੇ ਬੰਨੇ ਨੇ

ਚੰਦਨ ਪੀੜਾਂ ਨੂੰ ਲਿਖਦੈ
ਭਾਵੇੰ ਕੋਰੇ ਸਾਰੇ  ਪੰਨੇ ਨੇ

ਚੰਦਨ ਹਾਜੀਪੁਰੀਆ
pchauhan5572@gmail.com