ਪੀੜਾਂ ਦਾ ਪਰਾਗਾ ਦੱਸੋ,
ਕਿਹਦੇ ਤੋਂ ਭੁਨਾਵਾਂ ਮੈਂ,
ਕੋਸੇ-ਕੋਸੇ ਹੰਜੂਆਂ ਨੂੰ,
ਕਿਸ ਕੁੱਜੇ ਵਿੱਚ ਪਾਵਾਂ ਮੈਂ,
🌹🌹🌹🌹🌹🌹

ਕਿੱਥੋਂ ਮਰ ਗਈਆਂ ਸਧਰਾਂ ਦੇ,
ਸ਼ਰਾਧ ਕਰਵਾਵਾਂ ਮੈਂ,
ਸੱਟ ਹਿਜ਼ਰਾਂ ਦੀ ਖਾ ਕੇ,
ਕੱਲਾ ਬੈਠ ਮੁਸਕਾਂਵਾ ਮੈਂ,
ਸੱਟ ਹਿਜ਼ਰਾਂ ਦੀ ਖਾ ਕੇ……………..

ਤਾਰਿਆਂ ਦੀ ਛਾਵੇਂ ਦਿਲ ਵਾਲੇ,
ਲਹੂ ਨਾਲ ਨਾਹਵਾਂ ਮੈਂ,
ਹੱਡੀਆਂ ਦਾ ਬਾਲਣ,
ਕਿਸ ਚੁੱਲੇ ਵਿੱਚ ਡਾਹਵਾਂ ਮੈਂ,
🌹🌹🌹🌹🌹🌹

ਬਿਰਹੋਂ ਦੀ ਮੰਡੀ ਵਿੱਚੋਂ,
ਖੁਸ਼ੀਆਂ ਲੱਭੀ ਜਾਵਾਂ ਮੈਂ,
ਸੱਟ ਹਿਜ਼ਰਾਂ ਦੀ ਖਾ ਕੇ,
ਕੱਲਾ ਬੈਠ ਮੁਸਕਾਂਵਾ ਮੈਂ……….

ਮੌਤ ਦੀ ਸਰਦਲ ਤੇ ਬੈਠ,
ਗੀਤ ਮੁਹੱਬਤਾਂ ਦੇ ਗਾਵਾਂ ਮੈਂ,
ਰਹਾਂ ਚੜਦੀ ਕਲਾ ਚ,
ਕਦੇ ਹੌਂਸਲਾ ਨਾ ਢਾਹਵਾਂ ਮੈਂ,
🌹🌹🌹🌹🌹🌹

ਗਿਲਾ ਕਿਸੇ ਨਾਲ ਨਹੀਂਓਂ,
ਦੇਂਵਾ ਸਭ ਨੂੰ ਦੁਆਵਾਂ ਮੈਂ,
ਸੱਟ ਹਿਜ਼ਰਾਂ ਦੀ ਖਾ ਕੇ,
ਕੱਲਾ ਬੈਠ ਮੁਸਕਾਂਵਾ ਮੈਂ,
ਸੱਟ ਹਿਜ਼ਰਾਂ ਦੀ ਖਾ ਕੇ…………

ਰਚਨਾਂ ਪਰਮਜੀਤ ਲਾਲੀ
💥9
8962-44038💥