ਚੇਤਨਾ ਪ੍ਰੀਖਿਆ ਸਫਲਤਾ ਪੂਰਵਕ ਸੰਪੰਨ

ਇਕਾਈ ਸੰਗਰੂਰ ਵੱਲੋਂ 100 ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ

ਲਹਿਰਾਗਾਗਾ 23 ਅਕਤੂਬਰ (ਵਰਲਡ ਪੰਜਾਬੀ ਟਾਈਮਜ਼)

ਬੱਚਿਆਂ ਵਿੱਚ ਵਿਗਿਆਨਕ ਚੇਤਨਾ ਵਿਕਸਤ ਕਰਨ, ਉਨ੍ਹਾਂ ਨੂੰ ਅੰਧਵਿਸ਼ਵਾਸਾਂ, ਵਹਿਮਾਂ ਭਰਮਾਂ, ਰੂੜੀਵਾਦੀ ਵਿਚਾਰਾਂ ਤੇ ਸਮਾਜਿਕ ਬੁਰਾਈਆਂ ਦੇ ਹਨੇਰੇ ਵਿੱਚੋਂ ਕੱਢਣ ਤੇ ਵਿਗਿਆਨਕ ਵਿਚਾਰਾਂ ਦੀ ਰੋਸ਼ਨੀ ਵਿੱਚ ਲਿਆਉਣ ਦੇ ਯਤਨ ਵੱਜੋਂ ਤਰਕਸ਼ੀਲ ਸੁਸਾਇਟੀ ਪੰਜਾਬ ਇਕਾਈ ਸੰਗਰੂਰ ਵੱਲੋਂ ਪਹਿਲੀ ਵਾਰ ਲਹਿਰਾਗਾਗਾ ਇਲਾਕੇ ਦੇ ਪੰਜ ਪ੍ਰੀਖਿਆ ਕੇਂਦਰਾਂ ਸਹਸਕੂਲ ਗਾਗਾ,ਸਸਸਸ ਸੰਗਤਪੁਰਾ,ਸਸਸਸ ਹਰਿਆਊ ,ਸੀਬਾ ਇੰਟਰਨੈਸ਼ਨਲ ਸਕੂਲ,ਸਸਹਸਕੂਲ ਚੂੜਲ ਵਿੱਚ ਦੋ ਦਿਨਾਂ ਵਿਦਿਆਰਥੀ ਚੇਤਨਾ ਪਰਖ਼ ਪ੍ਰੀਖਿਆ ਦਾ ਅਯੋਜਨ ਕੀਤਾ ਗਿਆ ।ਇਨ੍ਹਾਂ ਪ੍ਰੀਖਿਆ ਕੇਂਦਰਾਂ ਵਿੱਚ 7 ਸਕੂਲਾਂ ਦੇ 579 ਵਿਦਿਆਰਥੀ ਨੇ ਪ੍ਰੀਖਿਆ ਵਿੱਚ ਸ਼ਮੂਲੀਅਤ ਕੀਤੀ। ਪ੍ਰੀਖਿਆ ਨਕਲ ਰਹਿਤ ਤੇ ਵਧੀਆ ਪ੍ਰਭਾਵ ਤੇ ਵਿਦਿਆਰਥੀਆਂ ਵਿੱਚ ਪੂਰਾ ਉਤਸ਼ਾਹ ਛੱਡਦੀ ਸਮਾਪਤ ਹੋਈ।
ਇਨ੍ਹਾਂ ਪ੍ਰੀਖਿਆ ਦੀ ਸਫਲਤਾ ਪੂਰਵਕ ਸਮਾਪਤੀ ਲਈ ਜਮਹੂਰੀ ਅਧਿਕਾਰ ਸਭਾ ਪੰਜਾਬ ਜ਼ਿਲ੍ਹਾ ਸੰਗਰੂਰ ਦੇ ਪ੍ਰਧਾਨ ਤੇ ਤਰਕਸ਼ੀਲ ਮੈਂਬਰ ਜਗਜੀਤ ਸਿੰਘ ਭੂਟਾਲ, ਕਮਲਜੀਤ ਸਿੰਘ ਢੀਂਡਸਾ,ਲੈਕਚਰਾਰ ਰਘਵੀਰ ਸਿੰਘ ਭੂਟਾਲ, ਬਲਰਾਜ ਸੰਗਤਪੁਰਾ, ਮਾਸਟਰ ਜਗਨ ਨਾਥ ਬਖੋਰਾ ਦਰਸ਼ਨ ਸਿੰਘ ਖਾਈ, ਪ੍ਰਵੀਨ ਖੋਖਰ,ਲੈਕਚਰਾਰ ਨਰੇਸ਼ ਕੁਮਾਰ, ਬੀਰਬਲ ਗਾਗਾ,ਰਣਦੀਪ ਸਿੰਘ ਸੰਗਤਪੁਰਾ,ਮਾਸਟਰ ਜਗਨ ਨਾਥ ਬਖੋਰਾ, ਅਵਤਾਰ ਸਿੰਘ ਚੂੜਲ, ਜਸਵਿੰਦਰ ਸਿੰਘ ਲਹਿਰਾ, ਲੈਕਚਰਾਰ ਜਸਵੀਰ ਸਿੰਘ, ਹਰਪ੍ਰੀਤ ਸਿੰਘ ਬਖੋਰਾ ਭਰਵਾਂ ਸਹਿਯੋਗ ਦਿੱਤਾ । ਜੋਨ ਜਥੇਬੰਦਕ ਮੁਖੀ ਮਾਸਟਰ ਪਰਮਵੇਦ ਨੇ ਰਿਪੋਰਟਿੰਗ ਕਰਦਿਆਂ ਕਿਹਾ ਕਿ ਅਗਲੇ ਮਹੀਨੇ ਨਤੀਜਾ ਘੋਸ਼ਿਤ ਕੀਤਾ ਜਾਵੇਗਾ। ਦੱਸਿਆ ਗਿਆ ਕਿ ਸੂਬਾ, ਜੋਨ ਤੇ ਇਕਾਈ ਪੱਧਰੀ ਮੈਰਿਟ ਵਿੱਚ ਆਉਣ ਵਾਲੇ ਵਿਦਿਆਰਥੀਆਂ ਨੂੰ ਨਕਦ ਇਨਾਮ, ਵਿਗਿਆਨਕ ਵਿਚਾਰਾਂ ਵਾਲੀਆਂ ਪੁਸਤਕਾਂ, ਸਰਟੀਫਿਕੇਟ ਤੇ ਪੜ੍ਹਨ ਸਮੱਗਰੀ ਦੇ ਕੇ ਸਨਮਾਨਿਤ ਕੀਤਾ ਜਾਵੇਗਾ। ਸੰਗਰੂਰ ਇਕਾਈ ਵੱਲੋਂ ਘੱਟੋ ਘੱਟ 100 ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਜਾਵੇਗਾ।
ਮਾਸਟਰ ਪਰਮਵੇਦ