ਜੂਡੋ `ਚ ਡਰੀਮਲੈੱਡ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਕੋਟਕਪੂਰਾ ਦੇ ਲੜਕੇ ਜੇਤੂ

ਕੋਟਕਪੂਰਾ, 30 ਅਗਸਤ (ਟਿੰਕੂ ਕੁਮਾਰ/ਵਰਲਡ ਪੰਜਾਬੀ ਟਾਈਮਜ਼)

ਸਥਾਨਕ ਡਰੀਮਲੈਂਡ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਦੇ ਬਹੁਤ ਹੀ ਮਿਹਨਤੀ ਕੋਚ ਹਰਵਿੰਦਰ ਸਿੰਘ ਅਤੇ ਮਨਪ੍ਰੀਤ ਸਿੰਘ ਦੀ ਅਗਵਾਈ ਹੇਠ ਸਕੂਲ ਦੇ ਲੜਕਿਆਂ ਨੇ ਜੂਡੋ ਦੇ ਮੁਕਾਬਲਿਆਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਪੁਜੀਸ਼ਨਾਂ ਹਾਸਿਲ ਕੀਤੀਆਂ।ਸਕੂਲ ਦੇ ਜੂਡੋ ਖਿਡਾਰੀਆਂ ਨੇ ਉਮਰ ਵਰਗ 14 ਵਿੱਚੋਂ ਹਰਸ਼ ਕੁਮਾਰ (30 ਕਿਲੋ), ਘਨਈਆ (35 ਕਿਲੋ), ਅਨਮੋਲਵੀਰ ਸਿੰਘ (40 ਕਿਲੋ), ਜਸਮੀਤ ਸਿੰਘ (45 ਕਿਲੋ), ਕਰਨਜੋਤ ਸਿੰਘ (50 ਕਿਲੋ), ਅਕਾਸ਼ਦੀਪ ਸਿੰਘ (50 ਕਿਲੋ) ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ।ਉਮਰ ਵਰਗ 17 ਵਿੱਚੋਂ ਭਿੰਦਰ ਸਿੰਘ (40 ਕਿਲੋ), ਭਾਵਿਕ (45 ਕਿਲੋ), ਬ੍ਰਹਮਜੋਤ ਸਿੰਘ (55 ਕਿਲੋ), ਸੁਖਅੰਮ੍ਰਿਤ ਸਿੰਘ (66 ਕਿਲੋ), ਦਿਲਸ਼ਾਨ ਸਿੰਘ (73 ਕਿਲੋ) ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ। ਉਮਰ ਵਰਗ 19 ਵਿੱਚੋਂ ਗੁਰਬਾਜ਼ ਸਿੰਘ (45 ਕਿਲੋ), ਲਵਪ੍ਰੀਤ ਸਿੰਘ (60 ਕਿਲੋ), ਮਨਿੰਦਰ ਸਿੰਘ (66 ਕਿਲੋ), ਗੁਰਨੂਰ ਸਿੰਘ (73 ਕਿਲੋ) ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ।ਸਕੂਲ ਦੇ ਚੇਅਰਮੈਨ ਸ੍ਰੀ ਪ੍ਰਕਾਸ਼ ਚੰਦ ਸ਼ਰਮਾ ਜੀ ਨੇ ਇਸ ਸ਼ਾਨਦਾਰ ਪ੍ਰਾਪਤੀ ਲਈ ਵਿਦਿਆਰਥੀਆਂ ਅਤੇ ਉਨ੍ਹਾਂ ਦੇ ਮਾਪਿਆਂ ਨੂੰ ਵਧਾਈ ਦਿੱਤੀ। ਸਕੂਲ ਦੇ ਪ੍ਰਿੰਸੀਪਲ ਰਾਕੇਸ਼ ਸ਼ਰਮਾ ਜੀ ਨੇ ਵਿਦਿਆਰਥੀਆਂ ਨੂੰ ਆਪਣਾ ਮੁਕਾਮ ਹਾਸਿਲ ਕਰਨ ਲਈ ਅੱਗੇ ਹੋਰ ਮਿਹਨਤ ਕਰਨ ਲਈ ਪ੍ਰੇਰਿਤ ਕੀਤਾ। ਇਸ ਮੌਕੇ ਖਿਡਾਰੀ, ਪ੍ਰਦੀਪ ਕੁਮਾਰ, ਰਾਜਵਿੰਦਰ ਕੌਰ, ਨਿਸ਼ਾ ਸਿੰਗਲਾ, ਹਰਵਿੰਦਰ ਸਿੰਘ (ਕੋਚ) ਅਤੇ ਮਨਪ੍ਰੀਤ ਸਿੰਘ (ਕੋਚ) ਸਮੇਤ ਸਮੂਹ ਅਧਿਆਪਕ ਸਾਹਿਬਾਨ ਹਾਜ਼ਰ ਸਨ।