ਕੋਟਕਪੂਰਾ, 24 ਅਗਸਤ (ਟਿੰਕੂ ਕੁਮਾਰ/ਵਰਲਡ ਪੰਜਾਬੀ ਟਾਈਮਜ਼)
ਪੰਜਾਬ ਸਕੂਲ ਸਿੱਖਿਆ ਵਿਭਾਗ ਵੱਲੋਂ ਇਹਨੀ ਦਿਨੀਂ ਜੋਨ ਪੱਧਰੀ ਖੇਡ ਮੁਕਾਬਲੇ ਹੋ ਰਹੇ ਹਨ, ਜਿਸ ਵਿੱਚ ਜ਼ੋਨ ਪੰਜਗਰਾਈਂ ਕਲਾਂ ਅਧੀਨ ਆਉਂਦੇ ਸਰਕਾਰੀ ਹਾਈ ਸਕੂਲ ਔਲਖ ਦੇ ਵਿਦਿਆਰਥੀਆਂ ਨੇ ਮੁੱਖ ਅਧਿਆਪਕ ਜਗਜੀਵਨ ਸਿੰਘ ਦੀ ਅਗਵਾਈ ਹੇਠ ਇਹਨਾਂ ਖੇਡ ਮੁਕਾਬਲਿਆਂ ਵਿੱਚ ਸ਼ਾਨਦਾਰ ਪ੍ਰਾਪਤੀਆਂ ਕੀਤੀਆਂ ਹਨ। ਜੋਨ ਪ੍ਰਧਾਨ ਅਤੇ ਮੁੱਖ ਅਧਿਆਪਕ ਸਰਕਾਰੀ ਹਾਈ ਸਕੂਲ ਔਲਖ ਜਗਜੀਵਨ ਸਿੰਘ ਜੀ ਨੇ ਦੱਸਿਆ ਕਿ ਸਕੂਲ ਦੀਆਂ ਟੀਮਾਂ ਵਿੱਚੋਂ ਅੰਡਰ-14 ਅਤੇ ਅੰਡਰ-17 ਫੁੱਟਬਾਲ ਲੜਕੇ ਪਹਿਲਾਂ ਸਥਾਨ , ਅੰਡਰ-17 ਟੇਬਲ ਟੈਨਿਸ ਲੜਕੇ ਪਹਿਲਾਂ ਸਥਾਨ, ਅੰਡਰ-14 ਟੇਬਲ ਟੈਨਿਸ ਲੜਕੀਆਂ ਦੂਜਾ ਸਥਾਨ, ਅੰਡਰ-17 ਬੈਡਮਿੰਟਨ ਮੁੰਡੇ ਦੂਜਾ ਸਥਾਨ, ਅੰਡਰ-14 ਬੈਡਮਿੰਟਨ ਲੜਕੀਆਂ ਪਹਿਲਾ ਸਥਾਨ, ਅੰਡਰ-17 ਬੈਡਮਿੰਟਨ ਸਿੰਗਲ ਅਤੇ ਡਬਲਜ ਲੜਕੀਆਂ ਪਹਿਲਾ ਸਥਾਨ, ਅੰਡਰ-17 ਕ੍ਰਿਕਟ ਲੜਕੇ ਦੂਜਾ, ਅੰਡਰ-14 ਅਤੇ ਅੰਡਰ-17 ਸਾਈਕਲਿੰਗ ਲੜਕੇ ਪਹਿਲਾ ਸਥਾਨ, ਅੰਡਰ-14 ਅਤੇ ਅੰਡਰ-17 ਰੱਸਾ-ਕਸ਼ੀ ਲੜਕੇ ਦੂਜਾ, ਅੰਡਰ-14 ਰੱਸਾ ਕੱਸੀ ਵਿਚ ਦੂਜਾ, ਅੰਡਰ -17 ਰੱਸਾ ਕੱਸੀ ਵਿਚ ਤੀਜਾ ਸਥਾਨ ਪ੍ਰਾਪਤ ਕੀਤੇ ਹਨ ਤੇ ਸਕੂਲ ਦਾ ਨਾਮ ਰੌਸ਼ਨ ਕੀਤਾ ਹੈ। ਉਨਾਂ ਅੱਗੇ ਦੱਸਿਆ ਕਿ ਇਹ ਸਭ ਪ੍ਰਾਪਤੀਆਂ ਦਾ ਸਿਹਰਾ ਜੋਨ ਵਿੱਤ ਸਕੱਤਰ ਡੀ.ਪੀ.ਈ. ਸੱਜਣ ਕੁਮਾਰ ਦੀ ਮਿਹਨਤ ਨੂੰ ਜਾਂਦਾ ਹੈ। ਕ੍ਰਿਕੇਟ ਅਤੇ ਬੈਡਮਿੰਟਨ ਦੀ ਖੇਡ ਵਿੱਚ ਗੁਰਿੰਦਰ ਪਾਲ ਸਿੰਘ ਅਤੇ ਨਵਲ ਕਿਸ਼ੋਰ ਜੀ ਦਾ ਵਿਸ਼ੇਸ਼ ਸਹਿਯੋਗ ਰਿਹਾ ਹੈ। ਸਕੂਲ ਦੇ 200 ਵਿਦਿਆਰਥੀਆਂ ਵਿੱਚੋਂ 150 ਦੇ ਕਰੀਬ ਵਿਦਿਆਰਥੀਆਂ ਨੇ ਖੇਡਾਂ ਵਿੱਚ ਭਾਗ ਲਿਆ। ਇਸ ਮੌਕੇ ਜਿਲਾ ਪ੍ਰਧਾਨ ਬਲਵਿੰਦਰ ਸਿੰਘ ਮੁੱਖ ਅਧਿਆਪਕ ਸਰਕਾਰੀ ਹਾਈ ਸਕੂਲ ਢਿਲਵਾਂ ਕਲਾਂ ਅਤੇ ਜੋਨਲ ਸਕੱਤਰ ਸਤਵੀਰ ਕੌਰ, ਗੁਰਵਿੰਦਰ ਸਿੰਘ, ਭੁਪਿੰਦਰਪਾਲ ਸਿੰਘ, ਰੇਸ਼ਮ ਸਿੰਘ ਸਰਾਂ, ਰੁਪਿੰਦਰ ਸਿੰਘ ਪੰਜਾਬੀ ਮਾਸਟਰ ਤੋਂ ਇਲਾਵਾ ਸਮੂਹ ਸਟਾਫ ਮੈਂਬਰਜ਼ ਸਰਕਾਰੀ ਹਾਈ ਸਕੂਲ ਔਲਖ ਹਾਜ਼ਰ ਸਨ।
