ਰਾਜਪੁਰਾ, 02 ਅਕਤੂਬਰ (ਗੁਰਬਿੰਦਰ ਸਿੰਘ ਰੋਮੀ/ਵਰਲਡ ਪੰਜਾਬੀ ਟਾਈਮਜ਼)
ਤੇਰੇ ਉੱਤੇ ਮੈਂ ਮਰਗੀ, ਸਹਿਬਾ ਬਦਨਾਮ ਹੋ ਗਈ, ਸਾਨੂੰ ਤਾਂ ਸਾਡੀ ਸੰਗ ਮਾਰ ਗਈ ਆਦਿ ਹਿੱਟ ਗੀਤਾਂ ਵਾਲ਼ੇ ਗਾਇਕ ਫੌਜੀ ਰਾਜਪੁਰੀ ਆਪਣੀ ਸਹਿ-ਗਾਇਕਾ ਨਿਰਮਲ ਨੀਰ ਨਾਲ਼ ਨਵਾਂ ਦੋਗਾਣਾ ‘ਥਾਪੀਆਂ’ ਲੈ ਕੇ ਹਾਜਰ ਹੋਏ ਹਨ। ਜੋ ਕਿ ਅੱਜ ਯੂ-ਟਿਊਬ ਚੈਨਲ JASHAN N RECORDS ‘ਤੇ ਰਿਲੀਜ਼ ਕਰ ਦਿੱਤਾ ਗਿਆ। ਗੀਤਕਾਰ ਤੇ ਪੇਸ਼ਕਾਰ ਰਾਜੂ ਨਾਹਰ ਦੁਆਰਾ ਰਚੇ ਇਸ ਦੋਗਾਣੇ ਨੂੰ ਨਾਮਵਰ ਸੰਗੀਤਕਾਰ ਮਨੀ ਬਚਨ ਨੇ ਸੰਗੀਤ-ਬੱਧ ਕੀਤਾ ਹੈ। ਇਸ ਮੌਕੇ ਐੱਸ.ਪੀ. ਫਰੀਦਪੁਰੀ, ਜਗਸੀਰ ਸਿੰਘ ਗੁੱਜਰਾਂ, ਰਾਜ ਰਾਏਪੁਰੀ, ਲੱਕੀ ਬਨੂੰੜ ਤੇ ਹੋਰ ਪਤਵੰਤੇ ਸੱਜਣਾਂ ਨੇ ਫੌਜੀ ਸਾਹਬ ਅਤੇ ਸਮੁੱਚੀ ਟੀਮ ਨੂੰ ਉਚੇਚੇ ਤੌਰ ‘ਤੇ ਮੁਬਾਰਕਾਂ ਦਿੱਤੀਆਂ।
