ਫਰੀਦਕੋਟ 21 ਸਤੰਬਰ (ਧਰਮ ਪ੍ਰਵਾਨਾਂ/ਵਰਲਡ ਪੰਜਾਬੀ ਟਾਈਮਜ਼)
ਬਾਬਾ ਫਰੀਦ ਜੀ ਦੀ ਜੀਵਨੀ ਤੇ ਰਾਸ਼ਟਰੀ ਸੈਮੀਨਾਰ ਦੌਰਾਨ ਛੋਟੀ ਉਮਰੇ ਵੱਡੀਆਂ ਪੁਲਾਂਘਾਂ ਪੁਟਣ ਵਾਲੇ ਸਾਹਿਤਕਾਰ ਸਾਹਿਬਜੋਤ ਸਿੰਘ ਦੀ ਦੂਜੀ ਕਿਤਾਬ ” ਹੀ ਹੂ ਇਜ ਦਾ ਯੂਨੀਵਰਸ” ਕੀਤੀ ਲੋਕ ਅਰਪਨ।
ਜਿਲਾ ਸੱਭਿਆਚਾਰਕ ਕਮੇਟੀ ਅਤੇ ਬਾਬਾ ਫਰੀਦ ਮੈਮੋਰੀਅਲ ਸੁਸਾਇਟੀ ਵੱਲੋਂ ਬਾਬਾ ਫਰੀਦ ਆਗਮਨ ਪੁਰਬ 2024 ਦੇ ਸ਼ੁਭ ਅਵਸਰ ਤੇ ਉਹਨਾਂ ਦੇ ਜੀਵਨ ਅਤੇ ਵਿਚਾਰਧਾਰਾ ਬਾਰੇ , ਪੰਡਿਤ ਚੇਤਨ ਦੇਵ ਸਰਕਾਰੀ ਕਾਲਜ ਆਫ ਐਜੂਕੇਸ਼ਨ ਵਿਖੇ ਚੱਲ ਰਹੇ ਰਾਸ਼ਟਰੀ ਸੈਮੀਨਾਰ ਦੌਰਾਨ ਛੋਟੀ ਉਮਰੇ ਵੱਡੀਆਂ ਪੁਲਾਂਘਾਂ ਪੁੱਟਣ ਵਾਲੇ ਸਾਹਿਤਕਾਰ ਸਾਹਿਬ ਜੋਤ ਸਿੰਘ ਦੀ ਦੂਜੀ ਕਿਤਾਬ “ਹੀ ਹੂ ਇਜ ਦਾ ਯੂਨੀਵਰਸ” ਮੁੱਖ ਮਹਿਮਾਨ ਸ੍ਰੀ ਵਨੀਤ ਕੁਮਾਰ ਆਈ ਏ ਐਸ ਡਿਪਟੀ ਕਮਿਸ਼ਨਰ ਫਰੀਦਕੋਟ , ਪ੍ਰਧਾਨਗੀ ਕਰ ਰਹੇ , ਸਿਮਰਜੀਤ ਸਿੰਘ ਸੇਖੋ ਪ੍ਰਧਾਨ ਬਾਬਾ ਫਰੀਦ ਧਾਰਮਿਕ ਅਤੇ ਵਿਦਿਆ ਸੰਸਥਾਵਾਂ ਅਤੇ ਮੁੱਖ ਬੁਲਾਰੇ ਸੱਯਦ ਮੁਹੰਮਦ ਅਸ਼ਰਫ, ਅਸਰਫੇ – ਮਿਲਤ ਸੇਖਲ ਹਿੰਦ ਵੱਲੋਂ ਸਰੋਤਿਆਂ ਦੀ ਭਰਵੇਂ ਇਕੱਠ ਵਿੱਚ ਲੋਕ ਅਰਪਣ ਕੀਤੀ ਗਈ।
ਇਸ ਕਿਤਾਬ ਬਾਰੇ ਮੰਚ ਸੰਚਾਲਕ ਪ੍ਰੋਫੈਸਰ ਦਲਬੀਰ ਸਿੰਘ ਨੇ ਦੱਸਿਆ ਕਿ ਇਹ ਇੰਗਲਿਸ਼ ਦੀ ਕਿਤਾਬ ਵਿਗਿਆਨਿਕ ਕਲਪਨਾ ਅਤੇ ਫੈਂਟਸੀ ਹੈ ਜਿਸ ਵਿੱਚ ਸਾਹਿਤਕਾਰ ਨੇ ਵਿਲੱਖਣ ਭਾਸ਼ਾ ਦੀ ਵਰਤੋਂ ਕਰਦੇ ਹੋਏ ਭਾਰਤੀ ਪਾਠਕਾਂ ਨੂੰ ਇਕ ਨਵਾਂ ਅਨੁਭਵ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਇਹ ਰਚਨਾ ਨਵੀਂ ਪੀੜੀ ਦੇ ਸਾਹਿਤਕਾਰਾਂ ਲਈ ਇੱਕ ਪ੍ਰੇਰਨਾ ਸਰੋਤ ਵੀ ਹੈ। ਇਸ ਤੋਂ ਪਹਿਲਾਂ ਵੀ ਸਾਹਿਬਜੋਤ ਸਿੰਘ ਨੇ ਨੌਵੀਂ ਵਿੱਚ ਪੜ੍ਹਦਿਆਂ ਇੰਗਲਿਸ਼ ਦੀ ਕਵਿਤਾਵਾਂ ਦੀ ਕਿਤਾਬ “ਦੀ ਫਰੋਜਨ ਡਾਇਰੀਜ਼”ਲਿਖੀ ਸੀ , ਜਿਸ ਨੂੰ ਸਰੋਤਿਆਂ ਨੇ ਬਹੁਤ ਸਾਰਾਹਿਆ ਹੈ
ਇਹ ਸੈਮੀਨਾਰ ਸਵਰਗੀਆ ਚਾਚਾ ਹਰਜਿੰਦਰ ਸਿੰਘ ਤਾਂਗੜੀ ਦੀ ਯਾਦ ਨੂੰ ਸਮਰਪਿਤ ਸੀ ਜਿਸ ਵਿੱਚ ਮੁੱਖ ਬੁਲਾਰੇ ਸੱਯਦ ਮੁਹੰਮਦ ਅਸ਼ਰਫ , ਅਸ਼ਰਫੇ- ਮਿਲਤ ਸੇਖਲ ਹਿੰਦ ਅਤੇ ਪ੍ਰੋਫੈਸਰ ਬ੍ਰਹਮ ਜਗਦੀਸ਼ ਸਿੰਘ ਪ੍ਰਸਿੱਧ ਲੇਖਕ ਤੇ ਚਿੰਤਕ ਨੇ ਵੀ ਆਪਣੇ ਵਿਚਾਰ ਸਾਂਝੇ ਕੀਤੇ।
ਇਸ ਸੈਮੀਨਾਰ ਨੂੰ ਸਫਲ ਕਰਨ ਲਈ ਹਰਜੀਤ ਸਿੰਘ ਲਿਲੀ, ਮਨਜੀਤ ਪੁਰੀ ਜਿਲਾ ਭਾਸ਼ਾ ਅਫਸਰ, ਮੰਚ ਸੰਚਾਲਕ ਪ੍ਰੋਫੈਸਰ ਦਲਬੀਰ ਸਿੰਘ , ਪ੍ਰਿੰਸੀਪਲ ਮਨਜੀਤ ਸਿੰਘ ਬੀ ਐਡ ਕਾਲਜ ਅਤੇ ਪ੍ਰਵੀਨ ਕੁਮਾਰ ਕਾਲਾ ਨੇ ਵਿਸ਼ੇਸ਼ ਯੋਗਦਾਨ ਪਾਇਆ।
ਇਸ ਸਮਾਗਮ ਦੌਰਾਨ ਸਾਹਿਤਕਾਰ ਸਾਹਿਬ ਜੋਤ ਸਿੰਘ ਦੇ ਪਰਿਵਾਰਿਕ ਮੈਂਬਰ ਨਾਨਾ ਸਟੇਟ ਅਵਾਰਡੀ ਅਧਿਆਪਕ ਕੁਲਜੀਤ ਸਿੰਘ ਵਾਲੀਆ, ਪਿਤਾ ਹਰਪ੍ਰੀਤ ਸਿੰਘ ,ਮਾਤਾ ਪ੍ਰੋਫੈਸਰ ਪਵਨ ਪ੍ਰੀਤ ਕੌਰ, ਰਾਜਬੀਰ ਕੌਰ ,ਗੁਰਸੇਵਕ ਸਿੰਘ ਵਾਲੀਆ ਤੂੰ ਇਲਾਵਾ ਸਾਬਕਾ ਮੰਤਰੀ ਪੰਜਾਬ ਸਰਕਾਰ ਉਪਿੰਦਰ ਸ਼ਰਮਾ, ਪ੍ਰੋਫੈਸਰ ਐਨ ਕੇ ਗੁਪਤਾ, ਧਰਮਵੀਰ ਸਿੰਘ, ਇੰਦਰਜੀਤ ਸਿੰਘ ਖੀਵਾ, ਦਰਸ਼ਨ ਲਾਲ ਚੁੱਘ ,ਸ੍ਰੀਮਤੀ ਹਰਜਿੰਦਰ ਕੌਰ, ਮਨਜੀਤ ਸਿੰਘ ਵਾਲੀਆ, ਪ੍ਰਿੰਸੀਪਲ ਤਜਿੰਦਰ ਸਿੰਘ ਸੇਠੀ, ਡਾਕਟਰ ਗੁਰਸੇਵਕ ਸਿੰਘ, ਡਾਕਟਰ ਗੁਰਿੰਦਰ ਮੋਹਨ ਸਿੰਘ, ਸਮਾਜ ਸੇਵੀ ਦਵਿੰਦਰ ਸਿੰਘ ਪੰਜਾਬ ਮੋਟਰਜ਼, ਸਤੀਸ਼ ਕੁਮਾਰ ਬਾਗੀ, ਪ੍ਰੇਮ ਕੁਮਾਰ, ਬਲਜੀਤ ਸਿੰਘ ਬਰਾੜ ,ਡਾਕਟਰ ਜਸਵੰਤ ਸਿੰਘ, ਜਤਿੰਦਰ ਸਿੰਘ ਤੋਂ ਇਲਾਵਾ ਕਾਲਜ ਦਾ ਸਮੂਹ ਸਟਾਫ ਅਤੇ ਵਿਦਿਆਰਥੀਆਂ ਨੇ ਪੁੱਜ ਕੇ ਸੈਮੀਨਾਰ ਦੀ ਰੌਣਕ ਵਿੱਚ ਵਾਧਾ ਕੀਤਾ।
