ਸੰਗਰੂਰ 3 ਜਨਵਰੀ (ਡਾ. ਭਗਵੰਤ ਸਿੰਘ/ਵਰਲਡ ਪੰਜਾਬੀ ਟਾਈਮਜ਼)
ਡਾ. ਸਵਰਾਜ ਸਿੰਘ ਨੇ ਉਪਰੋਕਤ ਵਿਚਾਰ ਡਾ. ਤੇਜਵੰਤ ਮਾਨ ਦੇ ਜਨਮ ਦਿਨ ਸਮਾਗਮ ਦੀ ਪ੍ਰਧਾਨਗੀ ਕਰਦਿਆਂ ਕਹੇ। ਡਾ. ਮਾਨ ਨਾ ਕੇਵਲ ਇਸ ਮਤ ਦੇ ਸਮਰਥਕ ਹਨ ਸਗੋਂ ਆਪਣੀ ਮੁਲੰਕਣੀ ਵਿਧੀ ਦਾ ਅਧਾਰ ਬਣਾਉਂਦੇ ਹਨ। ਇਸ ਅਵਸਰ ਤੇ ਭਾਵਪੁਰਤ ਸਮਾਗਮ ਦੇ ਪ੍ਰਧਾਨਗੀ ਮੰਡਲ ਵਿੱਚ ਡਾ. ਨਰਵਿੰਦਰ ਸਿੰਘ ਕੌਸ਼ਲ, ਪਵਨ ਹਰਚੰਦਪੁਰੀ, ਡਾ. ਭਗਵੰਤ ਸਿੰਘ ਸ਼ਾਮਲ ਹੋਏ। ਵਿਸ਼ਵ ਚਿੰਤਕ ਡਾ. ਸਵਰਾਜ ਸਿੰਘ ਨੇ ਪਰਵਾਸ ਦੇ ਹਵਾਲੇ ਨਾਲ ਬੜੇ ਗੰਭੀਰ ਨੁਕਤੇ ਉਠਾਏ। ਇਸ ਵਿਚਾਰ ਚਰਚਾ ਵਿੱਚ ਡਾ. ਭਗਵੰਤ ਸਿੰਘ, ਡਾ: ਨਰਵਿੰਦਰ ਸਿੰਘ ਕੌਸ਼ਲ, ਡਾ. ਇਕਬਾਲ ਸਿੰਘ, ਪਵਨ ਹਰਚੰਦਪੁਰੀ, ਅਮਰ ਗਰਗ ਕਲਮਦਾਨ, ਜਗਦੀਪ ਸਿੰਘ ਗੰਧਾਰਾ, ਸੁਰਿੰਦਰਪਾਲ ਕੌਰ, ਗੁਲਜ਼ਾਰ ਸਿੰਘ ਸ਼ੌਂਕੀ, ਡਾ. ਪੂਰਨ ਚੰਦ ਜੋਸ਼ੀ, ਰਾਜਿੰਦਰ ਪਾਲ, ਪਰਮਿੰਦਰ ਸਿੰਘ ਪੰਮੀ, ਮੀਤ ਸਕਰੌਦੀ, ਨਿਹਾਲ ਸਿੰਘ ਮਾਨ, ਕੁਲਵੰਤ ਕਸਕ, ਅੰਮ੍ਰਿਤਪਾਲ ਆਦਿ ਨੇ ਡਾ. ਤੇਜਵੰਤ ਮਾਨ ਵੱਲੋਂ ਪੰਜਾਬੀ ਭਾਸ਼ਾ, ਸੱਭਿਆਚਾਰ ਅਤੇ ਸਾਹਿਤ ਦੇ ਖੇਤਰ ਵਿੱਚ ਪਾਏ ਯੋਗਦਾਨ ਨੂੰ ਸਵਿਕਾਰ ਕਰਦਿਆਂ ਆਪਣੇ ਆਪਣੇ ਦ੍ਰਿਸ਼ਟੀਕੋਣ ਤੋਂ ਪ੍ਰਸ਼ੰਸਾ ਕੀਤੀ। ਇਸ ਮੌਕੇ ਤੇ ਪੰਜਾਬੀ ਸਾਹਿਤ ਸਭਾ ਸੰਗਰੂਰ ਵੱਲੋਂ ਡਾ. ਤੇਜਵੰਤ ਮਾਨ ਦਾ ਸਨਮਾਨ ਕੀਤਾ। ਡਾ. ਸਵਰਾਜ ਸਿੰਘ, ਡਾ. ਨਰਵਿੰਦਰ ਸਿੰਘ ਕੌਸ਼ਲ, ਸੁਰਿੰਦਰਪਾਲ ਕੌਰ, ਜਗਦੀਪ ਸਿੰਘ ਐਡਵੋਕੇਟ, ਅਮਰ ਗਰਗ ਕਲਮਦਾਨ ਦਾ ਵੀ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਤੇ ਇੰਦਰਜੀਤ ਸਿੰਘ ਵਾਸੂ ਦੁਆਰਾ ਪਵਨ ਹਰਚੰਦਪੁਰੀ ਰਚਿਤ ‘ਜਨਮ ਏ ਖਾਲਸਾ* ਦੇ ਕੀਤੇ ਵਿਸਤਰਿਤ ਅਧਿਐਨ ਪੁਸਤਕ ਲੋਕ ਅਰਪਣ ਕੀਤੀ ਗਈ। ਡਾ. ਇਕਬਾਲ ਸਿੰਘ ਨੇ ਪੁਸਤਕ ਉਤੇ ਪੇਪਰ ਪੜਿ੍ਹਆ। ਇਸ ਮੌਕੇ ਕਵੀ ਦਰਬਾਰ ਵਿੱਚ ਸੁਰਿੰਦਰਪਾਲ ਸਿੰਘ ਸਿਦਕੀ, ਪਰਮਿੰਦਰ ਸਿੰਘ ਪੰਮੀ, ਮੀਤ ਸਕਰੌਦੀ, ਰਾਜਿੰਦਰ ਪਾਲ, ਇਕਬਾਲ ਸਿੰਘ, ਗੁਲਜ਼ਾਰ ਸਿੰਘ ਸ਼ੌਂਕੀ, ਕੁਲਵੰਤ ਕਸਕ, ਦੇਸ਼ ਭੂਸ਼ਣ ਮਾਨਵਤਾਵਾਦੀ, ਅਵਤਾਰ ਸਿੰਘ, ਪ੍ਰੋ. ਨਰਿੰਦਰ ਸਿੰਘ, ਏ.ਪੀ. ਸਿੰਘ ਪਟਿਆਲਾ ਆਦਿ ਨੇ ਆਪਣੀਆਂ ਕਾਵਿ ਰਚਨਾਵਾਂ ਸੁਣਾਈਆਂ। ਸਮਾਗਮ ਦੇ ਆਰੰਭ ਵਿੱਚ ਵਿੱਛੜ ਚੁੱਕੇ ਸਿੱਖ ਚਿੰਤਕ ਸ. ਗੁਰਬਚਨ ਸਿੰਘ ਦੀ ਯਾਦ ਵਿੱਚ ਦੋ ਮਿੰਟ ਦਾ ਮੋਨ ਧਾਰਨ ਕੀਤਾ। ਸਭਾ ਦੇ ਜਨਰਲ ਸਕੱਤਰ ਸ. ਗੁਰਨਾਮ ਸਿੰਘ ਦੀ ਸ਼ੀਘਰ ਸਿਹਤਯਾਬੀ ਦੀ ਕਾਮਨਾ ਕੀਤੀ।ਸ. ਜਗਦੀਪ ਸਿੰਘ ਨੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ।
