ਫਰੀਦਕੋਟ/ਪਟਿਆਲਾ, 3 ਮਾਰਚ (ਰਾਜਵੀਰ ਸਿੰਘ ਭਲੂਰੀਆ/ਵਰਲਡ ਪੰਜਾਬੀ ਟਾਈਮਜ਼)
ਦੁਨੀਆਂ ਭਰ ਵਿੱਚ ਆਪਣੀ ਵੱਖਰੀ ਪਹਿਚਾਣ ਬਣਾਉਣ ਵਾਲੀ ਕੈਨੇਡਾ ਦੇ ਬਰੈਂਪਟਨ ਦੀ ਵਸਨੀਕ ਰਮਿੰਦਰ ਕੌਰ ਵਾਲੀਆ ਦਾ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੇ ‘ਵਰਲਡ ਪੰਜਾਬੀ ਸੈਂਟਰ’ ਵਿੱਚ ਡਾਇਰੈਕਟਰ ਡਾ: ਭੀਮਇੰਦਰ ਸਿੰਘ ਦੇ ਸੁਚੱਜੇ ਪ੍ਰਬੰਧ ਅਧੀਨ ਕਰਵਾਏ ਗਏ ਸਾਦੇ ਪਰ ਪ੍ਰਭਾਵਸ਼ਾਲੀ ਸਮਾਗਮ ਦੌਰਾਨ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਵਰਲਡ ਪੰਜਾਬੀ ਸੈਂਟਰ ਦੇ ਇਸ ਸਮਾਗਮ ਦੌਰਾਨ ਡਾ: ਮੋਹਨ ਤਿਆਗੀ ਜੀ ਨੇ ਰੰਮੀ ਵਾਲੀਆ ਜੀ ਬਾਰੇ ਬੋਲਦਿਆਂ ਦੱਸਿਆਂ ਕਿ ਰੰਮੀ ਜੀ ਕਿਸੇ ਜਾਣ ਪਹਿਚਾਣ ਦੇ ਮੁਥਾਜ ਨਹੀ ਹਨ, ਉਹਨਾਂ ਦੀ ਜਾਣ ਪਹਿਚਾਣ ਦਾ ਘੇਰਾ ਬਹੁਤ ਵਿਸ਼ਾਲ ਹੈ । ਉਹ ਸਾਹਿਤ ਨੂੰ ਪਰਨਾਈ ਹੋਈ ਰੂਹ ਹਨ ।ਉਹ ਅੰਤਰਰਾਸ਼ਟਰੀ ਸਾਹਿਤਕ ਸਾਂਝਾਂ ਵੱਲੋਂ ਕਾਵਿ ਮਿਲਣੀ ਪ੍ਰੋਗਰਾਮ ਚਾਰ ਸਾਲਾਂ ਤੋਂ ਕਰਾ ਰਹੇ ਹਨ ਜਿਸ ਵਿੱਚ ਹੁਣ ਤੱਕ ਸੰਸਾਰ ਭਰ ਵਿੱਚੋਂ 600 ਤੋਂ ਉੱਪਰ ਕਵੀ ਆ ਚੁੱਕੇ ਹਨ ਤੇ ਸਿਰਜਨਾ ਦੇ ਆਰ ਪਾਰ ਰੂਬਰੂ ਪ੍ਰੋਗਰਾਮ 3 ਸਾਲ ਤੋਂ ਉੱਪਰ ਹੋ ਗਿਆ ਹੈ ਕਰਾ ਰਹੇ ਹਨ ਜਿਸਨੂੰ ਐਚ ਐਮ ਵੀ ਜਲੰਧਰ ਦੇ ਪ੍ਰੋਫ਼ੈਸਰ ਕੁਲਜੀਤ ਕੌਰ ਹੋਸਟ ਕਰ ਰਹੇ ਹਨ ਅਤੇ ਚਾਰ ਸਾਲਾਂ ਤੋਂ ਈ ਮੈਗਜ਼ੀਨ ਵੀ ਪਬਲਿਸ਼ ਕਰਾਂਉਂਦੇ ਆ ਰਹੇ ਹਨ ਜਿਸ ਵਿੱਚ ਵੱਡੇ ਤੇ ਨਵੇਂ ਕਵੀਆਂ ਦੀਆਂ ਰਚਨਾਵਾਂ ਨੂੰ ਪਬਲਿਸ਼ ਕਰਦੇ ਹਨ । ਉਹ ਸੰਸਾਰ ਪੱਧਰੀ “ਅੰਤਰਰਾਸ਼ਟਰੀ ਸਾਹਿਤਕ ਸਾਂਝਾਂ “ਗਰੁੱਪ ਦੀ ਫ਼ਾਊਂਡਰ ਅਤੇ ਮੀਡੀਆ ਸਲਾਹਕਾਰ ਵੀ ਹੈ।ਰੰਮੀ ਵਾਲੀਆਂ ਜੀ ਪੰਜਾਬੀ ਮਾਂ ਬੋਲੀ ਨੂੰ ਪੂਰੀ ਤਰਾਂ ਸਮਰਪਿਤ ਹਨ ਅਤੇ ਅੱਜ ਕਲ ਪੰਜਾਬ ਦੌਰੇ ‘ਤੇ ਆਏ ਹੋਏ ਹਨ ਜੋ ਕਿ ਲਗਾਤਾਰ ਵੱਖ ਵੱਖ ਸਾਹਿਤਕ ਸਮਾਗਮਾਂ ਵਿੱਚ ਭਾਗ ਲੈ ਰਹੇ ਹਨ। ਹੁਣ ਤੱਕ ਸਿਰਫ 25 ਦਿਨਾਂ ਵਿੱਚ ਵੀਹ ਤੋਂ ਵੱਧ ਥਾਵਾਂ ‘ਤੇ ਉਹਨਾਂ ਦਾ ਸਨਮਾਨ ਹੋ ਚੁੱਕਾ ਹੈ ।ਵਰਲਡ ਪੰਜਾਬੀ ਸੈਂਟਰ ਦੇ ਡਾਇਰੈਕਟਰ ਡਾ: ਭੀਮਇੰਦਰ ਸਿੰਘ ਅਤੇ ਡਾ . ਮੋਹਨ ਤਿਆਗੀ ਜੀ ਨੇ ਰਮਿੰਦਰ ਰੰਮੀ ਨੂੰ ਫੁੱਲਾਂ ਦੇ ਗੁਲਦਸਤੇ ਭੇਂਟ ਕਰਕੇ ਜੀ ਆਇਆਂ ਕਿਹਾ ਗਿਆ ਅਤੇ ਰਮਿੰਦਰ ਰੰਮੀ ਦਾ ਰੂਬਰੂ ਕੀਤਾ ਗਿਆ । ਜਿਸ ਵਿੱਚ ਰਮਿੰਦਰ ਰੰਮੀ ਨੇ ਆਪਣੀ ਸਿਰਜਨ ਪ੍ਰਕਿਰਿਆ ਬਾਰੇ ਅਤੇ ਆਪਣੇ ਜ਼ਿੰਦਗੀ ਦੇ ਤਜੁਰਬੇ ਸ਼ੇਅਰ ਕੀਤੇ ਤੇ ਆਪਣੀਆਂ ਕੁਝ ਨਜ਼ਮਾਂ ਨੂੰ ਵੀ ਸਾਂਝੇ ਕੀਤਾ । ਇਸ ਮੌਕੇ ਯੂਨੀਵਰਿਸਟੀ ਦੇ ਐਮ ਏ ਪੰਜਾਬੀ ਅਤੇ ਪੀ ਐਚ ਡੀ ਕਰ ਰਹੇ ਵਿਦਿਆਰਥੀ ਵੀ ਹਾਜ਼ਿਰ ਸੀ , ਉਹਨਾਂ ਨੇ ਵੀ ਰਮਿੰਦਰ ਰੰਮੀ ਨੂੰ ਨਜਿੱਠ ਕੇ ਸੁਣਿਆ । ਵਰਲਡ ਪੰਜਾਬੀ ਸੈਂਟਰ ਵੱਲੋਂ ਪੰਜਾਬੀ ਮਾਂ ਬੋਲੀ ਲਈ ਕੀਤੇ ਜਾਂਦੇ ਉਪਾਰਲੇ ਹਾਜਰੀਨਾਂ ਨਾਲ ਸਾਂਝੇ ਕੀਤੇ। ਇਸ ਸਮੇ ਡਾਂ: ਭੀਮ ਇੰਦਰ ਸਿੰਘ ਅਤੇ ਡਾ: ਮੋਹਨ ਤਿਆਗੀ ਜੀ ਨੇ ਫ਼ੁੱਲਾਂ ਦੇ ਗੁਲਦਸਤੇ , ਸਨਮਾਨ ਚਿੰਨ ਅਤੇ ਲੋਈਆਂ ਦੇ ਕੇ ਰੰਮੀ ਵਾਲੀਆਂ ਜੀ ਦਾ ਸਨਮਾਨ ਕੀਤਾ।ਇਸ ਮੌਕੇ ‘ਤੇ ਰੰਮੀ ਵਾਲੀਆਂ ਜੀ ਨੇ ਜਿਥੇ ਆਪਣੀਆਂ ਕੁਝ ਕਵਿਤਾਵਾਂ ਹਾਜਰੀਨਾਂ ਦੇ ਸਨਮੁੱਖ ਕੀਤੀਆਂ, ਉੱਥੇ ਹੀ ਆਪਣੀ ਜਿੰਦਗੀ ਦੇ ਬਹੁਤ ਸਾਰੇ ਪਹਿਲੂਆਂ ਨੂੰ ਵੀ ਸਰੋਤਿਆਂ ਦੇ ਸਾਹਮਣੇ ਰੱਖਿਆ। ਰੰਮੀ ਵਾਲੀਆਂ ਜੀ ਨੇ ਡਾਂ: ਭੀਮ ਇੰਦਰ ਸਿੰਘ, ਡਾ: ਮੋਹਨ ਤਿਆਗੀ ਅਤੇ ਸਮੁੱਚੇ ਸਟਾਫ ਦਾ ਉਹਨਾਂ ਨੂੰ ਦਿੱਤੇ ਹੋਏ ਮਾਣ ਸਨਮਾਨ ਲਈ ਧੰਨਵਾਦ ਕੀਤਾ। ਡਾ . ਭੀਮਇੰਦਰ ਜੀ ਨੇ ਇਹ ਕਿਹਾ ਕਿ ਰਮਿੰਦਰ ਰੰਮੀ ਜੱਦ ਕਦੀ ਵੀ ਭਾਰਤ ਆਉਣ ਤਾਂ ਵਰਲਡ ਪੰਜਾਬੀ ਸੈਂਟਰ ਵਿਖੇ ਜ਼ਰੂਰ ਹੋ ਕੇ ਜਾਇਆ ਕਰਨ । ਇਸ ਮੌਕੇ ਤੇ ਸੀਨੀਅਰ ਪੱਤਰਕਾਰ ਰਾਜਵੀਰ ਸਿੰਘ ਭਲੂਰੀਆ, ਅਧਿਆਪਕਾ ਕੰਵਲਪ੍ਰੀਤ ਕੌਰ ਸੰਧੂ, ਮੇਜਰ ਸੂਬੇਦਾਰ ਸੁਰਜੀਤ ਸਿੰਘ ਸ਼ੇਰਗਿੱਲ, ਕਵਿਤਰੀ ਸਨਮਵੀਰ ਕੌਰ ਸੰਧੂ, ਬਲਜਿੰਦਰ ਸਿੰਘ, ਰਾਕੇਸ਼ ਕੁਮਾਰ, ਡਾ: ਗੁਰਦੀਪ ਸਿੰਘ ਤੋਂ ਇਲਾਵਾ ਪੀ.ਐਚ.ਡੀ. ਕਰ ਰਹੇ ਵਿਦਿਆਰਥੀ ਵੀ ਹਾਜ਼ਰ ਸਨ।
ਇਹ ਖ਼ਬਰ ਰਾਜਵੀਰ ਸੰਧੂ ਨੇ ਰਮਿੰਦਰ ਰੰਮੀ ਨੂੰ ਸਾਂਝੀ ਕੀਤੀ । ਧੰਨਵਾਦ ਸਹਿਤ ।
