ਰੁੱਤ ਬਸੰਤ ਦਾ ਮੌਸਮ ਆਇਆ, ਨਾ ਗਰਮੀ ਨਾ ਸਰਦੀ।
ਛੇ ਰੁੱਤਾਂ ‘ਚੋਂ ਸਿਰਕੱਢ ਹੈ ਇਹ, ਰਾਣੀ ਭਾਰਤ-ਭਰ ਦੀ।
ਫੁੱਲ-ਪੱਤੀਆਂ ਸਭ ਮਹਿਕ ਰਹੇ ਨੇ, ਦਿੱਸੇ ਅਜਬ ਨਜ਼ਾਰਾ।
ਰੰਗ ਬਸੰਤੀ ਹਰ ਪਾਸੇ ਹੈ, ਖ਼ੁਸ਼ ਹੈ ਆਲਮ ਸਾਰਾ।
ਵਿੱਚ ਹਵਾ ਦੇ ਘੁਲੀ ਸੁਗੰਧੀ, ਉਡਦੀਆਂ ਵੇਖ ਪਤੰਗਾਂ।
ਵੱਖੋ-ਵੱਖ ਆਕਾਰ ਇਨ੍ਹਾਂ ਦੇ, ਦਿਲਕਸ਼ ਜਾਪਣ ਰੰਗਾਂ।
‘ਵੋਹ ਕਾਟਾ’ ਦੀਆਂ ਆਉਣ ਅਵਾਜ਼ਾਂ, ਪੇਚੇ ਪਏ ਨੇ ਲੱਗਦੇ।
ਡੀ.ਜੇ. ਉੱਤੇ ਤਾਲ ਮਿਲਾਵਣ, ਸਾਰੇ ਕਿੰਨਾ ਫ਼ਬਦੇ।
ਏਸ ਬਸੰਤੀ ਮੌਸਮ ਵਿੱਚ, ਕੁਦਰਤ ਵੰਡਦੀ ਹੈ ਖੇੜੇ।
ਸਾੜਾ ਛੱਡੀਏ ਅਸੀਂ ਵੀ, ਇੱਕ-ਦੂਜੇ ਦੇ ਆਈਏ ਨੇੜੇ।
* ਪ੍ਰੋ. ਨਵ ਸੰਗੀਤ ਸਿੰਘ
# ਅਕਾਲ ਯੂਨੀਵਰਸਿਟੀ, ਤਲਵੰਡੀ ਸਾਬੋ (ਬਠਿੰਡਾ)
