ਕੋਈ ਅਜੇ ਤੱਕ ਜਾਣ ਨਾ ਸਕਿਆ,

ਦਿਲ ਮੇਰੇ ਦਾ ਰਾਜ਼।

ਏਨੀ ਉੱਚੀ-ਸੁੱਚੀ ਮੇਰੇ,

ਖ਼ਿਆਲਾਂ ਦੀ ਪਰਵਾਜ਼।

ਸਭ ਨੂੰ ਹੁੰਦੈ ਘਰ ਆਪਣੇ ਦੇ,

ਜੀਆਂ ਉੱਤੇ ਨਾਜ਼।

ਕੋਈ ਪਾਲਦਾ ਤੋਤੇ, ਬਿੱਲੀਆਂ,

ਕਿਸੇ ਨੂੰ ਸੋਂਹਦਾ ਬਾਜ਼।

ਲੈਅ-ਤਾਨਾਂ ‘ਚੋਂ ਗੂੰਜਣ ਨਗ਼ਮੇ,

ਸੁਰ ਹੋਵੇ ਜਦ ਸਾਜ਼।

ਬੋਲ ਅਗੰਮੀ, ਨਾਦ ਇਲਾਹੀ,

ਖ਼ਾਸਮ-ਖ਼ਾਸ ਅੰਦਾਜ਼।

ਦਿਲ ‘ਚੋਂ ਨਿਕਲੀ ਸੁਣਦੈ ਹਰਦਮ,

ਪ੍ਰਭੂ ਸਾਡੀ ਆਵਾਜ਼।

ਭਵਸਾਗਰ ਤੋਂ ਪਾਰ ਕਰੇਂਦਾ,

ਨਾਨਕ ਨਾਮ ਜਹਾਜ਼।

# ਪ੍ਰੋ. ਨਵ ਸੰਗੀਤ ਸਿੰਘ

# ਅਕਾਲ ਯੂਨੀਵਰਸਿਟੀ, ਤਲਵੰਡੀ ਸਾਬੋ-151203 (ਬਠਿੰਡਾ)  9417692015.