ਮਿਹਨਤ ਕਰ ਮਿਹਨਤ ਹੀ ਜ਼ਿੰਦਗ਼ੀ ਚ ਰੰਗ ਭਰਦੀ ਏ।
ਕਿਸੇ ਦੇ ਅੱਜ ਭਰਦੀ ਏ  ਤੇ ਕਿਸੇ ਦੇ  ਕੱਲ੍ਹ ਭਰਦੀ ਏ।।

ਕਈ ਔਕੜਾਂ ਤੋਂ ਬਾਅਦ ਹੀ ਸਫਲਤਾਂ ਪੈਰ ਚੁੰਮਦੀ ਏ।
ਕਿਸੇ ਦੇ  ਅੱਜ  ਚੁੰਮਦੀ ਏ  ਕਿਸੇ  ਦੇ  ਕੱਲ੍ਹ  ਚੁੰਮਦੀ ਏ।।

ਸਫਲਤਾਂ ਤੋਂ ਬਾਅਦ ਹੀ ਬੰਦੇ ਦੀ ਪਹਿਚਾਣ ਬਣਦੀ ਏ।
ਕਿਸੇ  ਦੀ  ਘੱਟ  ਬਣਦੀ  ਏ  ਕਿਸੇ ਦੀ ਵੱਧ ਬਣਦੀ ਏ।।

ਕੜ੍ਹੀ ਮਿਹਨਤ ਸਦਕਾ ਹੀ ਜ਼ਿੰਦਗੀ ਉੱਡਾਰੀ ਲਾਉਂਦੀ ਏ।
ਕਿਸੇ ਦੀ ਉੱਚੀ ਲਾਉਂਦੀ ਏ ਕਿਸੇ ਦੀ ਨੀਂਵੀਂ ਲਾਉਂਦੀ ਏ।।

ਸੂਦ ਵਿਰਕ ਕਲਮ ਤੇਰੀ ਨਜ਼ਮਾਂ ਬੇ- ਖੌਫ ਲਿਖਦੀ ਏ।
ਜ਼ਿੰਦਗੀ ਦਾ ਸੱਚ ਲਿਖਦੀ ਏ ਸਿੱਦਕ ਨਾਲ ਲਿਖਦੀ ਏ।।

ਮਿਹਨਤ ਕਰ ਮਿਹਨਤ ਹੀ ਜ਼ਿੰਦਗ਼ੀ ਚ ਰੰਗ ਭਰਦੀ ਏ।
ਕਿਸੇ ਦੇ ਅੱਜ ਭਰਦੀ ਏ  ਤੇ ਕਿਸੇ ਦੇ  ਕੱਲ੍ਹ  ਭਰਦੀ ਏ।।

ਲੇਖਕ -ਮਹਿੰਦਰ ਸੂਦ (ਵਿਰਕ)
           ਜਲੰਧਰ
    ਮੋਬ: 98766-66381