ਮੇਰੀ ਦੁਨੀਆਂ ਵਿੱਚ ਵੱਸਦੇ ਨੇ,
ਤਰ੍ਹਾਂ-ਤਰ੍ਹਾਂ ਦੇ ਲੋਕ।
ਕੁਝ ਨੇ ਹੱਸਣ-ਖੇਡਣ ਵਾਲੇ,
ਕੁਝ ਰਹਿੰਦੇ ਵਿੱਚ ਸ਼ੋਕ।
ਓਸ ਪ੍ਰਭੂ ਨੇ ਸਾਜੀ ਹੈ,
ਇਹ ਦੁਨੀਆਂ ਰੰਗ-ਬਿਰੰਗੀ।
ਕਿਸੇ ਲਈ ਇਹ ਮਾਇਆ-ਛਾਇਆ,
ਕਿਸੇ ਲਈ ਹੈ ਚੰਗੀ।
ਜੀਵਨ ਹੈ ਇਹ ਚਾਰ ਦਿਹਾੜੇ,
ਏਥੇ ਸਦਾ ਨਹੀਂ ਰਹਿਣਾ।
ਚਾਨਣ ਵੰਡੀਏ, ਖੁਸ਼ਬੋ ਦੇਈਏ,
ਜੀਕਰ ਕੋਈ ਟਟਹਿਣਾ।
ਦੁਨੀਆਂ ਵਿੱਚ ਜੇ ਆਏ ਹਾਂ,
ਤਾਂ ਨੇਕ ਕੰਮ ਅਸੀਂ ਕਰੀਏ।
ਗਲੇ ਲਗਾਈਏ ਹਰ ਇੱਕ ਨੂੰ,
ਤੇ ਸਭ ਦੇ ਦੁਖ ਨੂੰ ਹਰੀਏ।
ਖਾਲੀ ਕੋਈ ਨਾ ਜਾਏ,
ਦਰ ਤੇ ਕਰਦਾ ਜੋ ਫ਼ਰਿਆਦ।
ਐਸੇ ਕੰਮ ਕਰ ਜਾਈਏ,
ਪਿੱਛੋਂ ਦੁਨੀਆਂ ਰੱਖੇ ਯਾਦ।
~ ਪ੍ਰੋ. ਨਵ ਸੰਗੀਤ ਸਿੰਘ
# ਅਕਾਲ ਯੂਨੀਵਰਸਿਟੀ, ਤਲਵੰਡੀ ਸਾਬੋ-151302 (ਬਠਿੰਡਾ) 9417692015.
