ਤਿੱਲੇ ਵਾਲੀ ਜੁੱਤੀ

“””””””””””””””””””””
ਨਾਲ ਪਾਪੇ ਦੇ ਜਾ ਬਜ਼ਾਰੋਂ,
ਸੋਹਣੀ ਜੁਤੀ ਲਿਆਂਦੀ।
ਜਦ ਵੀ ਉਹਨੂੰ ਪਾ ਕੇ ਤੁਰਦਾ,
ਚੂ ਚੂ ਕਰਦੀ,ਰੋਲਾ ਪਾਂਦੀ।
“””””””””””
ਚਾਂਦੀ ਰੰਗੇ ਤਿੱਲੇ ਦੇ ਨਾਲ,
ਫੁੱਲ ਬੂਟੀਆਂ ਪਾਈਆਂ।
ਆਸੇ ਪਾਸੇ ਨਾਲ ਓਸ ਦੇ
ਸੁਨਹਿਰੀ ਤਾਰਾਂ ਲਾਈਆਂ।
“”””””””'””
ਵੇਖ ਵੇਖ ਖੁਸ਼ ਹੋਈ ਜਾਵਾਂ,
ਲਾਹੁਣ ਨੂੰ ਜੀ ਨਾ ਕਰਦਾ।
ਮੰਮੀ ਆਖੇ ਜੁੱਤੀ ਕਾਹਦੀ,
ਤੂੰ ਨਹੀਂ ਹੁਣ ਪੜ੍ਹਦਾ।
“””””””””””
ਹਾਣ ਮੇਰੇ ਦੇ ਹਾਣੀ ਪੁੱਛਣ,
ਤੂੰ ਇਹ ਕਿੱਥੋਂ ਲਿਆਇਆ?
ਘਰ ਦੇ ਆਖਣ ਤੂੰ ਇਹਨਾਂ ਨੂੰ
ਕਾਹਤੋਂ ਪਿੱਛੇ ਲਾਇਆ?
“”””””””””””
ਇੱਕ ਦਿਨ ਮੈਂ ਪੈਰੋਂ ਲਾਹ ਕੇ ,
ਮੰਜੇ ਉੱਤੇ ਬਹਿ ਗਿਆ।
ਬੜਾ ਸ਼ਰਾਰਤੀ ਭੋਲੂ ਆ ਕੇ
ਪੈਰੀਂ ਪਾ ਕੇ ਲ਼ੈ ਗਿਆ।
“””””””””””
ਪਤਾ ਲੱਗਿਆ,ਮੰਮੀ ਮੇਰੀ
ਦੇਣ ਗਈ ਘਰ ਉਲਾਂਭਾ।
‘ਪੱਤੋ’ ਨੇ ਕਾਹਦੀ ਜੁੱਤੀ ਲਿਆਂਦੀ,
ਭੋਲੂ ਦੇ ਫਿਰ ਗਿਆ ਝਾਂਬਾ।
“”””””””””””””””””””””””””””””””””””

ਪਿੰਡ ਪੱਤੋ ਹੀਰਾ ਸਿੰਘ (ਜ਼ਿਲਾ ਮੋਗਾ) ਫੋਨ ਨੰਬਰ::94658-21417