ਨੇਕੀ ਦੀ ਰਾਹ ਚੱਲ ਓ ਬੰਦਿਆ।
ਸੱਚਾ ਪਿੜ ਫਿਰ ਮੱਲ ਓ ਬੰਦਿਆ।
ਇਹ ਰਸਤਾ ਭਾਵੇਂ ਮੁਸ਼ਕਿਲ ਹੈ।
ਇਸਤੇ ਚੱਲਣੋਂ ਡਰਦਾ ਦਿਲ ਹੈ।
ਰਾਹ ਇਹ ਨਹੀਂ ਹੈ ਕੋਈ ਸੁਖਾਵਾਂ।
ਚੱਲਦਾ ਇਸਤੇ ਟਾਵਾਂ ਟਾਵਾਂ।
ਨੇਕੀ ਕਰੀਏ ਤੇ ਭੁੱਲ ਜਾਈਏ।
ਕਦੇ ਵੀ ਇਹਦਾ ਫ਼ਲ ਨਾ ਚਾਹੀਏ।
ਨੇਕੀ ਅਤੇ ਦਿਆਨਤਦਾਰੀ।
ਕਿਵੇਂ ਚੱਲੇਗੀ ਦੁਨੀਆਂਦਾਰੀ।
ਨੇਕੀ ਦਾ ਫ਼ਲ ਹੋਵੇ ਮਿੱਠਾ।
ਕਿਸੇ ਕਿਸੇ ਨੇ ਚਖ਼ ਕੇ ਡਿੱਠਾ।
ਆਪਾਂ ਵੀ ਨੇਕੀ ਅਪਣਾਈਏ।
ਮਨ-ਇੱਛਿਤ ਫ਼ਲ ਰੱਬ ਤੋਂ ਪਾਈਏ।
ਜਿਨ੍ਹਾਂ ਮੱਤ ਪ੍ਰਭੂ ਨੂੰ ਟੇਕੀ।
ਉਹਦੇ ਪੱਲੇ ਆਵੇ ਨੇਕੀ।
~ ਪ੍ਰੋ. ਨਵ ਸੰਗੀਤ ਸਿੰਘ
1, ਲਤਾ ਗਰੀਨ ਐਨਕਲੇਵ, ਪਟਿਆਲਾ-147002.
(9417692015)
