ਲੁਧਿਆਣਾ 31 ਮਾਰਚ (ਵਰਲਡ ਪੰਜਾਬੀ ਟਾਈਮਜ਼)
ਪੀ ਏ ਯੂ ਦੇ ਕਮਿਊਨਿਟੀ ਸਾਇੰਸ ਕਾਲਜ ਦੇ ਮਨੁੱਖੀ ਵਿਕਾਸ ਅਤੇ ਪਰਿਵਾਰਕ ਅਧਿਐਨ ਵਿਭਾਗ ਦੀ ਪੋਸਟ ਗ੍ਰੈਜੂਏਟ ਵਿਦਿਆਰਥਣ ਮਹਿਕਦੀਪ ਕੌਰ ਨੂੰ ਬੀਤੇ ਦਿਨੀਂ ਆਈਸੀਐਫਆਰਈ-ਐਚਐਫਆਰਆਈ ਸ਼ਿਮਲਾ ਵਿਖੇ ਆਯੋਜਿਤ ‘ਖੇਤੀਬਾੜੀ, ਬਾਗਬਾਨੀ ਅਤੇ ਜੰਗਲਾਤ ਅਤੇ ਸਹਾਇਕ ਵਿਗਿਆਨ ‘ ਬਾਰੇ 13ਵੀਂ ਅੰਤਰਰਾਸ਼ਟਰੀ ਕਾਨਫਰੰਸ ਵਿੱਚ ਬੈਸਟ ਐਮਐਸਸੀ ਥੀਸਿਸ ਅਵਾਰਡ ਪ੍ਰਾਪਤ ਹੋਇਆ ਹੈ। ਵਿਦਿਆਰਥਣ ਨੂੰ ਇਹ ਪੁਰਸਕਾਰ ਸ਼ਹਿਰੀ ਕਿਸ਼ੋਰਾਂ ਵਿੱਚ ਏ ਸਮਾਜਿਕ-ਨਿੱਜੀ ਪਰਿਵਰਤਨ ਨਾਲ ਲਿੰਗਕ ਰਵਈਏ ਦਾ ਸਬੰਧ ਵਿਸ਼ੇ ਤੇ ਉਸਦੀ ਖੋਜ ਲਈ ਦਿੱਤਾ ਗਿਆ।
ਇਸ ਵਿੱਚ ਦੋ ਤਨਖਾਹਾਂ ਲੈਣ ਵਾਲੇ ਲੁਧਿਆਣਾ ਦੇ ਪਰਿਵਾਰਾਂ ਦੇ 400 ਕਿਸ਼ੋਰਾਂ ਦਾ ਅਧਿਐਨ ਕਰਕੇ ਅੱਜ ਦੇ ਨੌਜਵਾਨਾਂ ਦੇ ਬਦਲਦੇ ਲਿੰਗ ਦ੍ਰਿਸ਼ਟੀਕੋਣ ਬਾਰੇ ਮਹੱਤਵਪੂਰਨ ਸੂਝ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਹੋਈ ਹੈ। ਇਹ ਖੋਜ ਮੁੰਡਿਆਂ ਵਿੱਚ ਰਵਾਇਤੀ ਨਜ਼ਰੀਏ ਦੀ ਥਾਂ ਆਧੁਨਿਕ ਲਿੰਗਕ ਰਵੱਈਏ ਵੱਲ ਮਹੱਤਵਪੂਰਨ ਤਬਦੀਲੀ ਦਾ ਖੁਲਾਸਾ ਕਰਦੀ ਹੈ, ਜੋ ਸ਼ਹਿਰੀ ਪਰਿਵਾਰਾਂ ਵਿੱਚ ਬਦਲਦੇ ਸਮਾਜਿਕ ਨਿਯਮਾਂ ਨੂੰ ਵੀ ਦਰਸਾਉਂਦੀ ਹੈ।
ਕੁਮਾਰੀ ਮਹਿਕਦੀਪ ਕੌਰ ਨੇ ਉਸੇ ਕਾਨਫਰੰਸ ਵਿੱਚ ਨੌਜਵਾਨ ਬਾਲਗਾਂ ਦੀ ਲਿੰਗ ਭੂਮਿਕਾ ਦੀ ਧਾਰਨਾ ਨੂੰ ਬਦਲਣ ਵਿੱਚ ਮਰਦ ਭੈਣ-ਭਰਾ ਦੀ ਭੂਮਿਕਾ ਨੂੰ ਉਜਾਗਰ ਕਰਨ ਵਾਲੇ ਪੇਪਰ ਲਈ ‘ਬੈਸਟ ਓਰਲ ਪੇਪਰ ਪ੍ਰੈਜ਼ੈਂਟੇਸ਼ਨ ਅਵਾਰਡ’ ਵੀ ਪ੍ਰਾਪਤ ਕੀਤਾ।
ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ, , ਡਾ.ਮਾਨਵ ਇੰਦਰਾ ਸਿੰਘ ਗਿੱਲ, ਡੀਨ ਪੋਸਟ ਗ੍ਰੈਜੂਏਟ ਸਟੱਡੀਜ਼, ਡਾ.ਅਜਮੇਰ ਸਿੰਘ ਢੱਟ ਨਿਰਦੇਸ਼ਕ ਖੋਜ, ਡਾ. ਕਿਰਨ ਬੈਂਸ, ਡੀ ਨਕਾਲਜ ਅਤੇ ਵਿਭਾਗ ਦੇ ਮੁਖੀ ਡਾ. ਸੀਮਾ ਸ਼ਰਮਾ ਨੇ ਵਿਦਿਆਰਥੀ ਨੂੰ ਉਸਦੀ ਪ੍ਰਾਪਤੀ ਲਈ ਵਧਾਈ ਦਿੱਤੀ।
