💥 ਤੀਰ ਪਰਖਾਂਗੇ 💥

*ਕਦੇ ਤੀਰ ਪਰਖਾਂਗੇ,
ਕਦੇ ਤਲਵਾਰ ਪਰਖਾਂਗੇ,
ਜ਼ੁਲਮ ਦੀ ਕੰਧ ਢਾਵਣ ਲਈ,
ਕਦੇ ਹਥਿਆਰ ਪਰਖਾਂਗੇ,

*ਜੋ ਸੱਚ ਤੋਂ ਰੋਸ਼ਨੀ ਲੈ ਲਿਖਦੇ,
ਉਹ ਕਲਮਕਾਰ ਪਰਖਾਂਗੇ,
ਹੋਵੇ ਵਿਚਾਰਾਂ ਦੀ ਸਾਣ ਤੇ ਤਿੱਖੀ,
ਅਸੀਂ ਉਹ ਧਾਰ ਪਰਖਾਂਗੇ,

*ਕੌਣ ਸੱਚਾ ਹੈ ਰਹਿਬਰ ਤੇ,
ਮਜ਼ਲੂਮਾਂ ਦਾ ਯਾਰ ਪਰਖਾਂਗੇ,
ਕੌਣ ਕਿਰਤੀਆਂ ਦਾ ਬਣਦਾ,
ਸੱਚਾ ਮਲਹਾਰ ਪਰਖਾਂਗੇ,

*ਕੌਣ ਲੈ ਕੇ ਆਉਂਦਾ ਕੰਮੀਆਂ ਦੇ,
ਵੇਹੜੇ ਵਿੱਚ ਬਹਾਰ ਪਰਖਾਂਗੇ,
ਜੋ ਬੇੜੀ ਪਾਰ ਲੈ ਜਾਵੇ,
ਉਹ ਪਤਵਾਰ ਪਰਖਾਂਗੇ,

*ਕੌਣ ਬੇਦਾਵਾ ਦਿੰਦਾ ਨਹੀਂ ਲਿਖ ਕੇ,
ਸੱਚਾ ਸਰਦਾਰ ਪਰਖਾਂਗੇ,
ਕੌਣ ਸੀਸ ਤਲੀ ਤੇ ਧਰ ਲੜਿਆ,
ਕੌਣ ਬਣਿਆ ਗੱਦਾਰ ਪਰਖਾਂਗੇ,

*ਜਿੱਤਾਂ ਵਿੱਚ ਤਾਂ ਹਰ ਕੋਈ ਖੜ ਜਾਂਦਾ,
ਕੌਣ ਖੜਿਆ ਵਿਚ ਹਾਰ ਪਰਖਾਂਗੇ,
ਕੌਣ ਦੁਸ਼ਮਣ ਨਾਲ ਖੜਿਆ,
ਕੀਹਦੇ ਦਿਲ ਵਿੱਚ ਸਾਡੇ ਲਈ ਪਿਆਰ ਪਰਖਾਂਗੇ….

ਕਦੇ ਤੀਰ ਪਰਖਾਂਗੇ
ਕਦੇ ਤਲਵਾਰ ਪਰਖਾਂਗੇ……

💥ਪਰਮਜੀਤ ਲਾਲੀ 💥
☎️98962-44038☎️