💥 ਪੁੱਤਰਾਂ ਦਾ ਦਾਨੀ 💥

ਗੁਰੂ ਗੋਬਿੰਦ ਦੇ ਨੇ ਚਾਰ ਦੁਲਾਰੇ,
ਦੋ ਨੀਹਾਂ ਚੋ ਚਿਣਾਏ,ਦੋ ਜੰਗ ਵਿੱਚ ਵਾਰੇ,
ਧੰਨ ਜਿਗਰਾ ਏ ਤੇਰਾ,ਧੰਨ ਤੇਰੀ ਕੁਰਬਾਨੀ,
ਤੇਰੇ ਵਰਗਾ ਨਾ ਹੋਇਆ,ਕੋਈ ਪੁੱਤਰਾਂ ਦਾ ਦਾਨੀ,
ਤੇਰੇ ਵਰਗਾ ਨਾ ਹੋਇਆ,ਕੋਈ ਪੁੱਤਰਾਂ ਦਾ ਦਾਨੀ……..

ਆਉਂਦੀ ਇਤਿਹਾਸ ਵਿੱਚ ਹੋਰ ਮਿਸਾਲ ਨਾ ਕੋਈ ਮੂਹਰੇ,
ਹੱਥੀਂ ਕਲਗੀ ਸਜਾ ਕੇ, ਪਿਤਾ ਜੰਗ ਵਿੱਚ ਤੋਰੇ-੨
ਲੱਖਾਂ ਦੀ ਫੌਜ ਅੱਗੇ ਨੱਚਦੀ,ਖੰਡੇ ਦੀ ਧਾਰ ਤੇ ਜਵਾਨੀ,
ਤੇਰੇ ਵਰਗਾ ਨਾ ਹੋਇਆ,ਕੋਈ ਪੁੱਤਰਾਂ ਦਾ ਦਾਨੀ……..

ਜਦ ਨਿੱਕੇ-ਨਿੱਕੇ ਬੱਚਿਆਂ ਨੇ ਸੀਸ ਨਾ ਝੁਕਾਇਆ,
ਸੂਬੇ ਸਰਹੰਦ ਨੇ ਸੀ,ਫਿਰ ਕਹਿਰ ਕਮਾਇਆ-੨
ਨਿੱਕੀ ਉਮਰੇ ਹੀ ਦੇ ਗਏ,ਸ਼ਹਾਦਤ ਲਾਸਾਨੀ,
ਤੇਰੇ ਵਰਗਾ ਨਾ ਹੋਇਆ,ਕੋਈ ਪੁੱਤਰਾਂ ਦਾ ਦਾਨੀ……

ਲੱਖਾਂ ਦੀ ਫੌਜ ਨਾਲ ਸਿੰਘ ਚਾਲੀ,ਲੜੇ ਡੱਟ ਕੇ ਮੈਦਾਨ ਚ,
ਗੁਜਾਉਂਦੇ ਸੀ ਜੈਕਾਰੇ, ਉੱਚੀ-ਉੱਚੀ ਆਸਮਾਨ ਚ-੨
40 ਸਿੰਘ ਯਾਦ ਕਰਵਾ ਗਏ,ਵੈਰੀ ਨੂੰ ਸੀ ਨਾਨੀ,
ਤੇਰੇ ਵਰਗਾ ਨਾ ਹੋਇਆ,ਕੋਈ ਪੁੱਤਰਾਂ ਦਾ ਦਾਨੀ…….

ਹਿਲਾ ਦਿੱਤੀ ਮੁਗਲ ਹਕੂਮਤ,ਲਿਖ ਦਿੱਲੀ ਨੂੰ ਜਫਰਨਾਮਾ,
ਸਿਰ ਝੁਕਦਾ ਏ ਸਾਡਾ,ਵੇਖ ਦਸ਼ਮੇਸ਼ ਪਿਤਾ ਦਾ ਕਾਰਨਾਮਾ-੨
ਕਹਿੰਦੇ ਬਾਦਸ਼ਾਹ ਹਿੰਦ, ਤੇਰੀ ਸੋਚ ਹੈ ਸ਼ੈਤਾਨੀ,
ਤੇਰੇ ਵਰਗਾ ਨਾ ਹੋਇਆ,ਕੋਈ ਪੁੱਤਰਾਂ ਦਾ ਦਾਨੀ,
ਤੇਰੇ ਵਰਗਾ ਨਾ ਹੋਇਆ,ਕੋਈ ਪੁੱਤਰਾਂ ਦਾ ਦਾਨੀ………

🌹ਰਚਨਾ ਪਰਮਜੀਤ ਲਾਲੀ 🌹
☎️98962-44038☎️