ਅੰਮ੍ਰਿਤਸਰ 26 ਅਗਸਤ (ਵਰਲਡ ਪੰਜਾਬੀ ਟਾਈਮਜ਼)
ਅਨਾਮਿਕਾ ਆਰਟਸ ਅਸੋਸੀਏਸ਼ਨ ਅਤੇ ਪੰਜਾਬ ਨਾਟਸ਼ਾਲਾ ਅੰਮ੍ਰਿਤਸਰ ਦੇ ਸਹਿਯੋਗ ਨਾਲ ਡਾ. ਆਤਮਾ ਸਿੰਘ ਗਿੱਲ ਦਾ ਲਿਖਿਆ ਨਾਟਕ ਲਵ ਸ਼ਵ ਤੇ ਸ਼ਸ਼ਕਾ ਦਾ ਮੰਚਣ 24- 2024 ਨੂੰ ਪੰਜਾਬ ਨਾਟਸ਼ਾਲਾ ਵਿੱਚ ਹੋਇਆ।
ਕ੍ਰੀਏਟਵ ਡਾਇਰੈਕਟਰ ਵੱਜੋਂ ਜਾਣੇ ਜਾਂਦੇ ਪ੍ਰੋ. ਇਮੈਨੂਅਲ ਸਿੰਘ ਦੁਆਰਾ ਨਿਰਦੇਸ਼ਤ ਨਾਟਕ ਲਵ ਸ਼ਵ ਤੇ ਸ਼ਸ਼ਕਾ ਸਮਾਜ ਦੇ ਦੋਗਲੇ ਚਿਹਰਿਆਂ ਦੀ ਕਹਾਣੀ ਪੇਸ਼ ਕਰਦਾ ਹੈ। ਵਰਤਮਾਨ ਸਮੇਂ ਵਿੱਚ ਜਿਸ ਤਰ੍ਹਾਂ ਮਨੁੱਖ ਚੀਜਾਂ ਨੂੰ ਵਰਤ ਕੇ ਸੁੱਟ ਦਿੰਦਾ ਹੈ, ਇਸੇ ਤਰ੍ਹਾਂ ਮਨੁੱਖੀ ਰਿਸ਼ਤਿਆਂ ਨੂੰ ਵੀ ਵਰਤਿਆ ਜਾ ਰਿਹਾ ਹੈ ਇਹ ਨਾਟਕ ਇਨ੍ਹਾਂ ਰਿਸ਼ਤਿਆਂ ਦੀਆਂ ਜਟਿਲਤਾਵਾਂ ਨੂੰ ਦਰਸਾਉਂਦਾ ਹੈ, ਵਿਅਕਤੀਆਂ ਦੁਆਰਾ ਦਰਪੇਸ਼ ਸੰਘਰਸ਼ਾਂ ਅਤੇ ਚੁਣੌਤੀਆਂ ਨੂੰ ਉਜਾਗਰ ਕਰਦਾ ਹੈ। ਸਵਾ ਘੰਟੇ ਦਾ
ਇਹ ਨਾਟਕ ਮਿਲਾਵਟਖੋਰੀ, ਕਲਾਕਾਰਾਂ ਦੇ ਸੰਘਰਸ਼, ਪ੍ਰਗਟਾਵੇ ਦੀ ਆਜ਼ਾਦੀ ਆਦਿ ਵਿਸ਼ਿਆਂ ਨੂੰ ਵਿਅੰਗਆਤਮਕ, ਬੇਹੱਦ ਭਾਵੁਕ ਅਤੇ ਹਾਸਰਸ ਵਿਧੀ ਦੁਆਰਾ ਨਿਵੇਕਲੀਆਂ ਪੈੜਾਂ ਸਿਰਜਦਾ ਹੋਇਆ ਦਰਸ਼ਕਾਂ ਨੂੰ ਸੋਚਣ ਲਈ ਮਜਬੂਰ ਕਰ ਗਿਆ।
ਰੰੰਗਮੰਚ ਦੇ ਇਤਿਹਾਸ ਵਿਚ ਪਹਿਲੀ ਵਾਰ ਪ੍ਰੋ. ਈਮੈਨੂਅਲ ਸਿੰਘ ਨੇ ਇਸ ਨਾਟਕ ਵਿੱਚ ਨਿਵੇਕਲੀ ਨਾਟ-ਸ਼ੈਲੀ ਦੀ ਵਰਤੋਂ ਕੀਤੀ।
ਨਾਟਕ ਡਾਇਰੈਕਟਰ ਈਮੈਨੂਅਲ ਸਿੰਘ ਤੋਂ ਇਲਾਵਾ ਗੁਰਪ੍ਰੀਤ ਸਿੰਘ ਗਰਚਾ, ਧਿਆਨ ਚੰਦ, ਗਿਫਟੀ, ਪੂਜਾ , ਤਾਨੀਆ, ਵਰੁਨ, ਸਤਿਗੁਰ, ਗੁਰਜੰਟ, ਸਾਹਿਲ, ਹਰਮਨ, ਮਨਦੀਪ, ਸਮਿਅਕ, ਸੁੱਖੀ, ਮਧੁਰ ਭਾਟੀਆ, ਪ੍ਰਭਜੋਤ ਸੰਘਾ, ਰਜਿੰਦਰ ਬਾਠ, ਸੁਮੇਸ਼, ਲਵਪ੍ਰੀਤ ਕੌਰ, ਰਮਨਾ, ਅਕਸ਼ਦੀਪ,ਬਿੱਟੂ, ਵਿਕਰਮ ਗੁਮਟਾਲਾ ਅਤੇ ਮਰਕਸ ਪਾਲ ਆਦਿ ਅਦਾਕਾਰਾਂ ਨੇ ਅਦਾਕਾਰੀ ਦੇ ਜੌਹਰ ਦਿਖਾਏ।
ਇਸ ਮੌਕੇ ਪੰਜਾਬ ਨਾਟਸ਼ਾਲਾ ਦੇ ਸੰਸਥਾਪਕ ਉਘੇ ਨਾਟਕਕਾਰ ਸ੍ਰੀ ਜਤਿੰਦਰ ਬਰਾੜ, ਸਮਾਜ ਸੇਵਿਕਾ ਡਾ. ਸਵਰਾਜ ਗਰੋਵਰ, ਅੰਮ੍ਰਿਤਸਰ ਦੀ ਪ੍ਰਸਿੱਧ ਡਾਇਟੀਸ਼ਨ ਸ਼ਵੇਤਾ ਸ਼ਰਮਾ, ਪੀ ਸੀ ਐੱਸ ਮੈਡਮ ਸੁਪਨੰਦਨ, ਐੱਸ ਪੀ ਸਿਟੀ ਸ੍ਰੀ ਹੰਸ ਰਾਜ ਜੀ, ਟੈਗੋਰ ਥੀਏਟਰ ਦੇ ਸਾਬਕਾ ਡਾਇਰੈਕਟਰ ਚਕਰੇਸ਼ ਕੁਮਾਰ ਮੁੱਖ ਮਹਿਮਾਨ ਵੱਜੋਂ ਸ਼ਾਮਿਲ ਹੋਏ।
