ਮੁੱਦਤਾਂ

ਮੁੱਦਤਾਂ ਹੋ ਗਈਆਂ ਮੁਖੜਾ ਤੱਕਿਆ

ਤੇ ਦਿਲੋਂ ਮੁਹੱਬਤਾਂ ਮੁੱਕੀਆਂ ਨੂੰ ,

ਬਹੁਤੀ ਨਹੀਂ ਲੋੜ ਫਰੋਲਣ ਦੀ,

ਬਸ ਗੱਲਾਂ ਕੁਝ ਢੱਕੀਆਂ ਨੂੰ ,

ਦੂਰੋਂ ਹੀ ਸਿਜਦਾ ਕਰ ਛੱਡੀਏ

ਸੱਜਣਾ ਦੀਆਂ ਸੋਚਾਂ ਘਟੀਆ ਨੂੰ ,

ਖਸਮ ਜਿਨ੍ਹਾਂ ਦੇ ਕਰਨ ਚਾਕਰੀ ,

ਗੁੰਦ ਗੁੰਦ ਬਹਿੰਦੀਆਂ ਪੱਟੀਆਂ ਨੂੰ ,

ਹਨ੍ਹੇਰਿਆਂ ਤੋਂ ਡਰਦੇ ਰਹਿੰਦੇ ਸੀ ,

ਹੁਣ ਚਾਨਣ ਚੁੱਭਦਾ ਅੱਖੀਆਂ ਨੂੰ ,

ਕੋਟ ਕਚਹਿਰੀ ਗੱਲ ਨਹੀਂ ਸੁਣਦੇ ,

ਘਸੀਆਂ ਵੇਖ ਕੇ ਜੁੱਤੀਆਂ ਨੂੰ

ਫੈਸ਼ਨ ਨਹੀਂ ਪ੍ਰਿੰਸ ਗਰੀਬੀ ਹੈ ,

ਜੋ ਤਕਦਾ ਨੰਗੀਆਂ ਵੱਖੀਆਂ ਨੂੰ

ਇੱਥੇ ਅਣਖ ਜਮੀਰਾਂ ਮਰ ਚੁੱਕੀਆਂ,

ਤਾਂਹੀ ਰਾਜ ਬਹਾਇਆ ਖੱਸੀਆਂ ਨੂੰ

ਰਣਬੀਰ ਸਿੰਘ ਪ੍ਰਿੰਸ

9872299613

# 37/1 ਬਲਾਕ ਡੀ-1

ਆਫਿਸਰ ਕਲੋਨੀ ਸੰਗਰੂਰ

148001