💥💥 ਨੂਰ 💥💥 The enlightenment

ਸਾਨੂੰ ਮਿਹਨਤਾਂ ਦਾ ਰਹਿੰਦਾ ਏ ਸਰੂਰ ਬੱਲੀਏ,
ਭਾਵੇਂ ਨਹੀਓਂ ਬਹੁਤੇ ਮਸ਼ਹੂਰ ਬਲੀਏ,
ਮਾੜੀ-ਮੋਟੀ ਗੱਲ ਨੂੰ ਕਦੇ ਨੀਂ ਗੌਲਦੇ,
ਤਾਹੀਓਂ ਮੁੱਖੜੇ ਤੇ ਰਹਿੰਦਾ ਸਾਡੇ ਨੂਰ ਬੱਲੀਏ,
ਸਾਨੂੰ ਮਿਹਨਤਾਂ ਦਾ ਰਹਿੰਦਾ ਏ……

*ਖੜ ਜਾਈਏ ਜੇ ਮੈਦਾਨੋਂ ਨਾ ਕਦੇ ਵੀ ਭੱਜੀਏ,
ਜੋ ਕੰਮ ਸ਼ੁਰੂ ਕੀਤਾ,ਸਿਰੇ ਲਾ ਕੇ ਛੱਡੀਏ,
ਲੋੜ ਪੈਣ ਉੱਤੇ ਬਸ ਵਰ ਜਾਈਦਾ,
ਦੂਰੋਂ-ਦੂਰੋਂ ਐਵੇਂ ਨਾ ਕਦੇ ਵੀ ਗੱਜੀਏ -੨
ਯਾਰਾਂ ਦੀਆਂ ਯਾਰੀਆਂ ਤੇ ਮਾਣ ਹੈ ਬੜਾ,
ਨਾ ਕੀਤਾ ਕਿਸੇ ਗੱਲ ਦਾ ਗਰੂਰ ਬੱਲੀਏ,
ਸਾਨੂੰ ਮਿਹਨਤਾਂ ਦਾ ਰਹਿੰਦਾ ਏ………

*ਨਾ ਡਰੇ ਅਸੀਂ ਕਦੇ ਨਾ ਡਰਾਇਆ ਕਦੇ ਨੀਂ,
ਬਿਨਾਂ ਗੱਲੋਂ ਵੈਰ ਨਹੀਓਂ ਪਾਇਆ ਕਦੇ ਨੀਂ,
ਨਸ਼ੇ ਪੱਤੇ ਕੋਲੋਂ ਸਦਾ ਦੂਰ ਰਹਿਨੇ ਆਂ,
ਨਾ ਮਾੜਿਆਂ ਕੰਮਾਂ ਨੂੰ ਹੱਥ ਲਾਇਆ ਕਦੇ ਨੀ -੨
ਅਸਲੇ ਦੀ ਸਾਨੂੰ ਬਹੁਤੀ ਪੈਂਦੀ ਲੋੜ ਨਾ,
ਵੈਰੀਆਂ ਲਈ ਵਾਧੂ ਸਾਡੀ ਘੂਰ ਬੱਲੀਏ…….

*ਤੇਰੇ ਨਾਲ ਨਾਲ ਰਹਿਣਾ ਪਰਛਾਵਾਂ ਬਣ ਕੇ,
ਖੜੂੰ ਤੇਰੇ ਨਾਲ ਸਦਾ ਹਿੱਕ ਤਣ ਕੇ,
ਧੰਨ-ਧੰਨ ਹੋ ਜੂ ਸਾਰੇ ਪਿੰਡ ਵਿੱਚ ਨੀਂ,
ਵਿਹੜੇ ਸਾਡੇ ਵਿੱਚ ਤੇਰੀ ਜੇ ਪੰਜੇਬ ਛਣਕੇ -੨
ਤੇਰੇ ਨਾਂ ਲੰਘਾਉਣੀ ਅਸੀਂ ਸਾਰੀ ਜ਼ਿੰਦਗੀ,
ਕਿਤੇ ਕਰ ਜੀ ਨਾ,ਸੁਫ਼ਨੇ ਤੂੰ ਚੂਰ ਬੱਲੀਏ,
ਸਾਨੂੰ ਮਿਹਨਤਾਂ ਦਾ ਰਹਿੰਦਾ ਏ.…..

*ਤੇਰੇ ਲਈ ਤਾਂ ਲਾਲੀ ਬਿੱਲੋ ਜਿੰਦ ਵਾਰ ਦਿਓ,
ਜਿੰਨਾ ਸੋਚਦੀ ਏਂ, ਉਦੋਂ ਵੱਧ ਪਿਆਰ ਦਿਓ,
ਜੇ ਸਾਡੀ ਜ਼ਿੰਦਗੀ ਨੂੰ ਚਾਰ ਚੰਨ ਲਾ ਦੇਵੇਂ,
ਕੱਲਾ-ਕੱਲਾ ਨਖਰੇ ਦਾ ਮੁੱਲ ਤਾਰ ਦਿਓ -੨
ਵੇਖੀ ਕਿਤੇ ਛੱਡ ਜੀ ਨਾ ਲਾਲੀ ਵਾਲੇ ਨੂੰ,
ਬੜਾ ਔਖਾ ਰਹਿਣਾ,ਤੈਥੋਂ ਦੂਰ ਬੱਲੀਏ,
ਸਾਨੂੰ ਮਿਹਨਤਾਂ ਦਾ ਰਹਿੰਦਾ ਏ ਸਰੂਰ ਬਲੀਏ,
ਭਾਵੇਂ ਨਹੀਓਂ ਬਹੁਤੇ ਮਸ਼ਹੂਰ ਬਲੀਏ,
ਮਾੜੀ ਮੋਟੀ ਗੱਲ ਨੂੰ ਕਦੇ ਨਹੀਂ ਗੌਲਦੇ,
ਤਾਹੀਓਂ ਮੁੱਖੜੇ ਤੇ ਰਹਿੰਦਾ ਸਾਡੇ ਨੂਰ ਬਲੀਏ….…

💥ਗੀਤ ਰਚਨਾ 💥
💥ਪਰਮਜੀਤ ਲਾਲੀ 💥
☎️98962-44038☎️