🌾 ਪੱਕੀਆਂ ਫਸਲਾਂ 🌾

*ਜਦ ਪੱਕੀਆਂ ਫਸਲਾਂ ਤੇ ਮੀਂਹ ਵਰਦਾ,
ਕਿਰਸਾਨਾਂ ਦਾ ਦਿਲ ਧੱਕ-ਧੱਕ ਕਰਦਾ।

*ਜਦ ਹੁੰਦੀ ਗੜੇਮਾਰੀ ਤੇ ਬਿਜਲੀ ਲਿਸ਼ਕੇ,
ਸਾਰਾ ਟੱਬਰ ਠੰਡੇ ਹਉਕੇ ਭਰਦਾ।

*ਮਿੱਟੀ ਦੇ ਨਾਲ ਮਿੱਟੀ ਹੋ ਕੇ,
ਮਸਾ ਹੈ ਚਲਦਾ ਖਰਚਾ ਘਰਦਾ।

*ਹਾੜੀ-ਸੌਣੀ,ਸਿਆਲ ਤੇ ਗਰਮੀ,
ਕਿਰਤ ਕਰੇ ਤੇ ਬੜਾ ਕੁਝ ਜਰਦਾ।

*ਜਦ ਕਿਸ਼ਤਾਂ ਬੈਂਕ ਦੀਆਂ ਟੁੱਟ ਜਾਵਣ,
ਕਿਤੇ ਹੋ ਨਾ ਜਾਵੇ ਕੁਰਕੀ ਰਹਿੰਦਾ ਡਰਦਾ।

*ਹੋਰ ਤਾਂ ਸਭ ਕੁਝ ਸਰ ਜਾਊ ਰੱਬਾ,
ਪਰ ਰੋਟੀ ਬਾਝੋਂ ਤਾਂ ਨਹੀਂ ਸਰਦਾ।

*ਤਾਂ ਹੀ ਅੱਕਿਆ ਫਾਹੇ ਲੈਂਦਾ,
ਜਾਂ ਫਿਰ ਪੀ ਕੇ ਸਲਫਾਸਾਂ ਮਰਦਾ।

*ਪੁੱਤਾਂ ਵਾਂਗੂ ਫਸਲ ਪਾਲ ਕੇ,
ਅੰਨ ਦਾਤਾ ਆਖਰ ਨੂੰ ਹਰਦਾ।
ਅੰਨ ਦਾਤਾ ਆਖਰ ਨੂੰ ਹਰਦਾ……..

⭐ ਪਰਮਜੀਤ ਲਾਲੀ ⭐
🔥98962-44038🔥