ਲੁਧਿਆਣਾ 6 ਮਈ (ਵਰਲਡ ਪੰਜਾਬੀ ਟਾਈਮਜ਼)
ਪੀ ਏ ਯੂ ਦੇ ਪਸਾਰ ਸਿੱਖਿਆ ਵਿਭਾਗ ਦੇ ਵਿਦਿਆਰਥੀਆਂ ਨੇ ਇੰਡੀਅਨ ਈਕੋਲੋਜੀਕਲ ਸੋਸਾਇਟੀ ਦੁਆਰਾ ਸ਼ੇਰ-ਏ-ਕਸ਼ਮੀਰ ਯੂਨੀਵਰਸਿਟੀ ਆਫ਼ ਐਗਰੀਕਲਚਰਲ ਸਾਇੰਸਜ਼ ਐਂਡ ਤਕਨਾਲੋਜੀ ਆਫ਼ ਜੰਮੂ ਵਿਖੇ ਆਯੋਜਿਤ ਕੀਤੀ ਗਈ ਰਾਸ਼ਟਰੀ ਕਾਨਫਰੰਸ ਵਿੱਚ ਪੋਸਟਰ ਪੇਸ਼ਕਾਰੀ ਦੇ ਕਈ ਥੀਮਾਂ ਵਿੱਚ ਇਨਾਮ ਜਿੱਤੇ ਹਨ। ਇਹ ਕਾਨਫਰੰਸ ਜਲਵਾਯੂ ਸਥਿਰਤਾ ਅਤੇ ਲਚਕੀਲੇਪਨ ਬਾਰੇ ਯੋਜਨਾਬੰਦੀ ਵਿਸ਼ੇ ਬਾਰੇ ਕਾਰਵਾਈ ਗਈ ਸੀ। ਇਨ੍ਹਾਂ ਵਿਦਿਆਰਥੀਆਂ ਵਿੱਚ ਡਾ. ਵਿਪਨ ਕੁਮਾਰ ਰਾਮਪਾਲ ਦੀ ਨਿਗਰਾਨੀ ਹੇਠ ਖੋਜ ਕਰਨ ਵਾਲੇ ਮਨਜਿੰਦਰ ਸਿੰਘ ਨੇ ਪੋਸਟਰ ਲਈ ਥੀਮ-7 ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ।
ਅਪਰ ਨਿਰਦੇਸ਼ਕ ਸੰਚਾਰ ਦੀ ਨਿਗਰਾਨੀ ਹੇਠ ਪੀਐਚ.ਡੀ. ਕਰ ਰਹੇ ਸਕਾਲਰ ਹਰਸ਼ ਭੂਸ਼ਣ ਨੇ ਥੀਮ-8 ਦੇ ਤਹਿਤ ਆਪਣੀ ਪੋਸਟਰ ਪੇਸ਼ਕਾਰੀ ਲਈ ਪਹਿਲਾ ਇਨਾਮ ਪ੍ਰਾਪਤ ਕੀਤਾ ਜਿਸਦਾ ਸਿਰਲੇਖ ‘ ਜੰਮੂ ਖੇਤਰ ਵਿੱਚ ਕਿਸਾਨਾਂ ਵੱਲੋਂ ਵਾਧੂ ਝੋਨਾ ਵੇਚਣ ਲਈ ਜਿੰਮੇਵਾਰ ਕਾਰਕ’ ਸੀ। ਅਤੇ ਡਾ. ਪੰਕਜ ਕੁਮਾਰ ਦੀ ਨਿਗਰਾਨੀ ਹੇਠ ਕਾਰਜ ਕਰ ਰਹੇ ਦਿਨੇਸ਼ ਸੂ, ਅਤੇ ਅਰਜੁਨ ਪੀਐਚ.ਡੀ. ਸਕਾਲਰਾਂ ਨੇ ਵੀ ਪੋਸਟਰ ਪੇਸ਼ਕਾਰੀ ਰਾਹੀਂ ਆਪਣੇ ਥੀਮ ਵਰਗ ਵਿੱਚ ਪਹਿਲਾ ਸਥਾਨ ਹਾਸਿਲ ਕੀਤਾ।
