ਮਾਂ… ਇੱਕ ਸ਼ਬਦ ਨਹੀਂ, ਸਾਰਾ ਬ੍ਰਹਿਮੰਡ ਹੈ।
ਨੌਂ ਮਹੀਨੇ ਕੁੱਖ ‘ਚ ਰੱਖ ਕੇ, ਆਪਣਾ ਲਹੂ ਪਿਲਾ ਕੇ,
ਜੋ ਸਾਨੂੰ ਇਸ ਦੁਨੀਆਂ ‘ਚ ਲਿਆਈ — ਉਹ ਮਾਂ।
ਜਿਸ ਨੇ ਆਪ ਭੁੱਖੀ ਰਹਿ ਕੇ ਸਾਨੂੰ ਨਿਵਾਲਾ ਖਵਾਇਆ,
ਰਾਤਾਂ ਨੂੰ ਆਪ ਜਾਗ ਕੇ ਸਾਨੂੰ ਸੁਲਾਇਆ,
ਸਾਡੇ ਹੰਝੂ ਆਪਣੇ ਪੱਲੂ ‘ਚ ਪੂੰਝੇ,
ਤੇ ਸਾਡੀ ਹਾਸੀ ‘ਚ ਆਪਣੀ ਖੁਸ਼ੀ ਲੱਭੀ — ਉਹ ਮਾਂ।
ਮਾਂ ਦਾ ਦਿਲ ਗੁਰਦੁਆਰਾ ਹੈ,
ਜਿੱਥੇ ਬਿਨ ਮੰਗਿਆਂ ਹੀ ਸਭ ਕੁਝ ਮਿਲ ਜਾਂਦਾ।
ਮਾਂ ਦੀਆਂ ਦੁਆਵਾਂ ‘ਚ ਉਹ ਤਾਕਤ ਹੈ,
ਜੋ ਕਿਸਮਤ ਦੀਆਂ ਲਕੀਰਾਂ ਵੀ ਬਦਲ ਦੇਵੇ।
ਗੁਰਬਾਣੀ ਕਹਿੰਦੀ ਹੈ:
“ਮਾਤ ਪਿਤਾ ਕੀਰਤਿ ਕਰਿ ਦਿਨੁ ਰੈਣਿ ॥” ਅੰਗ 1039
ਭਾਵ: ਦਿਨ ਰਾਤ ਮਾਤਾ-ਪਿਤਾ ਦੀ ਸੇਵਾ ਕਰੋ।
ਇੱਕ ਦਿਨ ਨਹੀਂ, ਹਰ ਦਿਨ ਮਾਂ ਦਾ ਹੈ।
ਪਰ ਅੱਜ ਦੇ ਦਿਨ ਪ੍ਰਣ ਕਰੀਏ:
ਕਿ ਕਦੇ ਮਾਂ ਦੀ ਅੱਖ ‘ਚ ਹੰਝੂ ਨਹੀਂ ਆਉਣ ਦੇਣੇ,
ਕਦੇ ਉਸ ਦੇ ਦਿਲ ਨੂੰ ਠੇਸ ਨਹੀਂ ਪਹੁੰਚਾਉਣੀ।
ਜਿਨ੍ਹਾਂ ਦੀ ਮਾਂ ਇਸ ਦੁਨੀਆਂ ‘ਚ ਨਹੀਂ,
ਉਹਨਾਂ ਲਈ ਮਾਂ ਇੱਕ ਅਰਦਾਸ ਬਣ ਜਾਂਦੀ ਹੈ।
ਤੇ ਜਿਨ੍ਹਾਂ ਦੇ ਸਿਰ ‘ਤੇ ਮਾਂ ਦਾ ਹੱਥ ਹੈ,
ਉਹ ਦੁਨੀਆਂ ਦੇ ਸਭ ਤੋਂ ਅਮੀਰ ਇਨਸਾਨ ਹਨ।
ਮਾਂ ਦੇ ਚਰਨਾਂ ‘ਚ ਕੋਟਿ ਕੋਟਿ ਪ੍ਰਣਾਮ। 🙏
ਵਾਹਿਗੁਰੂ ਸਭ ਦੀਆਂ ਮਾਂਵਾਂ ਨੂੰ ਤੰਦਰੁਸਤੀ ਤੇ ਲੰਮੀ ਉਮਰ ਬਖਸ਼ੇ।
ਸੁਰਜੀਤ ਸਾਰੰਗ
ਇੰਟਰਨੈਸ਼ਨਲ ਸਿੱਖ ਕੌਂਸਲ
