ਚਾਂਦਨੀ ਚੌਕ ਵਿੱਚ ਭਾਈ ਜੈਤਾ ਜੀ ਅਤੇ ਪਿਤਾ ਭਾਈ ਸਦਾ ਨੰਦ ਜੀ ਦਰਮਿਆਨ  ਗੱਲਬਾਤ ।

ਘੜੀ ਪਰਖ ਦੀ ਆ ਗਈ ਹੁਣ ਬਾਪੂ
ਜਾਂਨ ਤਲੀ ਤੇ ਧਰਕੇ  ਸੀਸ ਚੁੱਕਣਾ
ਸੀਸ ਚੁੱਕਣ ਦੀ ਫੀਸ ਹੈ ਸੀਸ ਬਾਪੂ
ਤੂੰ ਦੱਸ  ਫੀਸ ਦੇਣੀ ਜਾਂ ਸੀਸ ਚੁੱਕਣਾ

ਸੀਸ ਹਾਜ਼ਰ ਹੈ ਮੇਰੇ ਸ਼ੇਰ ਪੁਤਰਾਂ
ਇਸ ਗੱਲੋਂ ਨਾ ਕਿਤੇ ਦੇਰ ਕਰ ਦਈਂ
ਸੀਸ ਚੁੱਕ ਲਈ ਨਾਲ ਸਤਿਕਾਰ ਦੇ ਤੂੰ
ਬਦਲੇ ਸੀਸ ਦੇ ਭੇਟਾ ਸੀਸ ਕਰ ਦਈਂ

ਚੁਗਲਖੋਰ ਬਿਜਲੀ ਕੜਕਦੀ ਸੀ
ਸਦਾ ਨੰਦ ਜੀ ਕਰਮ ਕਮਾ  ਚੱਲੇ
ਮੁਗਲ ਫੌਜ ਦੇ ਲੱਗੇ  ਲੱਖ ਪਹਿਰੇ
ਬੂਟਾ  ਹਿੱਕ ਤੇ ਅਣਖ਼ ਦਾ ਲਾ ਚੱਲੇ

ਬਿਜਲੀ ਵਾਂਗਰਾਂ ਬਦਲਿਆ ਸੀਸ ਉਥੇ
ਸੀਸ ਲੈ‌ ਕੇ ਯੋਧਾ  ਤੂਫ਼ਾਨ  ਹੋਇਆ
ਲੱਖਾਂ ਪਹਿਰੇ  ਲਾਏ ਸੀ ਜ਼ਾਲਮਾਂ ਨੇ
ਕਿਸੇ  ਕੋਲੋਂ ਨਾ ਯੋਧਾ ਪਹਿਚਾਣ ਹੋਇਆ

ਦਿਲ ਵਿੱਚ ਵੈਰਾਗ ਸੀ ਬਹੁਤ ਡਾਹਢਾ
ਭੁਲੱਥ ਦਿਲ ਨੇ ਸਬਰ ਦਾ ਘੁੱਟ ਪੀਤਾ
ਬੜਾ ਔਖਾ ਇਮਤਿਹਾਨ ਸੀ ਪਾਸ ਕੀਤਾ
ਸੀਸ ਬਦਲੇ  ਸੀਸ ਪਿਤਾ ਦਾ ਭੇਂਟ ਕੀਤਾ
ਸੀਸ ਬਦਲੇ ——————
ਸੀਸ ਬਦਲੇ ———————–

ਸ ਕਸ਼ਮੀਰ ਸਿੰਘ ਭੁਲੱਥ
8146091954