ਪਰਾਲੀ

ਐਂਤਕੀ ! ਪਰਾਲੀ ਨਹੀਂ ਜਲਾਉਂਣੀ,
ਕਿਸਾਨ ਵੀਰੋ ਨਵੀਂ ਪਿਰਤ ਪਾਉਂਣੀ।
ਸਰਕਾਰਾਂ ਦਾ ਆਪਾਂ ਨੂੰ ਸਭ ਹੈ ਪਤਾ,
ਦੇਣਾ ਨਹੀਂ ਤੁਹਾਨੂੰ ਕੋਈ ਪੈਸਾ ਟਕਾ।
ਵੋਟਾਂ ਵੇਲੇ ਵੱਡੀਆਂ ਗੱਲਾਂ ਨੇ ਕਰਦੇ,
ਜਿੱਤਣ ਮਗਰੋਂ ਨਹੀਂ ਆਉਂਦੇ ਡਰਦੇ।
ਅੱਗ ਲਾਉਣ ਦੇ ਬਹੁਤ ਨੇ ਨੁਕਸਾਨ,
ਤੁਹਾਨੂੰ ਇਸ ਦਾ ਹੈ ਪੂਰਾ ਗਿਆਨ ।
ਪਰਾਲੀ ਨੂੰ ਖੇਤਾਂ ਦੇ ਵਿੱਚ ਦਿਓ ਵਾਹ,
ਵਾਤਾਵਰਨ ਬਚਾਉਣ ਦਾ ਇੱਕੋ ਰਾਹ।
ਬਹੁਤ ਪ੍ਰਦੂਸਿ਼ਤ ਹੋ ਚੁੱਕੀ ਹੁਣ ਹਵਾ,
ਲੁੱਟੀ ਜਾਣ ਡਾਕਟਰ ਵੇਚ ਵੇਚ ਦਵਾ।
ਮੁਸ਼ਕਿਲ ਹੋਇਆ ਪਿਆ ਸਾਹ ਲੈਣਾ,
ਭਰਾਵੋ ਹੱਲ ਤੁਹਾਨੂੰ ਹੀ ਕੱਡਣਾ ਪੈਣਾ।
ਪਰਾਲੀ ਨੂੰ ਵਾਹ ਕੇ ਖਾਧ ਬਣਾ ਲਓ,
ਧਰਤੀ ਮਾਂ ਨੂੰ ਬੰਜ਼ਰ ਹੋਣੋ ਬਚਾ ਲਓ।
ਸਮਝਦੇ ਹਾਂ ਤੁਹਾਡੀ ਵੀ ਹੈ ਮਜ਼ਬੂਰੀ,
ਪਰ ਸ਼ੁੱਧ ਹਵਾ ਜਿਉਂਣ ਲਈ ਜਰੂਰੀ।