ਸਾਬਕਾ ਡੀ.ਈ.ਓ., ਤਿੰਨ ਪ੍ਰਿੰਸੀਪਲਾਂ ਸਮੇਤ ਖਿਲਾਫ ਮਾਮਲਾ ਦਰਜ
ਡੀ.ਈ.ਓ. ਦੀ ਸਿਫ਼ਾਰਸ਼ ‘ਤੇ 9 ਸਾਲ ਬਾਅਦ ਦਰਜ ਹੋਇਆ ਕੇਸ
ਆਰ.ਟੀ.ਆਈ. ਤਹਿਤ ਮੰਗੀ ਕਈ ਜਾਣਕਾਰੀ ਤੋਂ ਹੋਇਆ ਖ਼ੁਲਾਸਾ
ਕੋਟਕਪੂਰਾ, 7 ਫਰਵਰੀ (ਟਿੰਕੂ ਕੁਮਾਰ/ਵਰਲਡ ਪੰਜਾਬੀ ਟਾਈਮਜ਼)
ਫ਼ਰੀਦਕੋਟ ਜ਼ਿਲ੍ਹੇ ਦੇ ਪਿੰਡ ਘੁਗਿਆਣਾ ਦੇ ਸਰਕਾਰੀ ਪ੍ਰਾਇਮਰੀ ਸਕੂਲ ‘ਚ ਗ੍ਰਾਟ ‘ਚ ਹੋਰਾ-ਫੇਰੀ ਤੇ ਰਿਕਾਰਡ ਨਾਲ ਛੇੜਛਾੜ ਦੇ ਕਰੀਬ ਪੰਜ ਸਾਲ ਪੁਰਾਣੇ ਮਾਮਲੇ ‘ਚ ਥਾਣਾ ਸਦਰ ਫ਼ਰੀਦਕੋਟ ਦੀ ਪੁਲਿਸ ਨੇ ਸਿੱਖਿਆ ਵਿਭਾਗ ਦੇ ਛੇ ਅਧਿਕਾਰੀਆ ਸਮੇਤ ਕੁੱਲ 7 ਵਿਅਕਤੀਆ ਖਿਲਾਫ ਧੋਖਾਧੜੀ ਦੀਆ ਧਾਰਾਵਾ ਤਹਿਤ ਮਾਮਲਾ ਦਰਜ ਕੀਤਾ ਹੈ। ਇਹ ਕਾਰਵਾਈ ਸਾਦਿਕ ਵਾਸੀ ਰਾਜਵੀਰ ਸਿੰਘ ਦੀ ਸ਼ਿਕਾਇਤ ਮਗਰੋਂ ਅਦਾਲਤ ਦੇ ਹੁਕਮ ‘ਤੇ ਡੀਈਓ ਐਲੀਮੈਂਟਰੀ ਦੀ ਸਿਫ਼ਾਰਸ ‘ਤੇ ਕੀਤੀ ਗਈ ਹੈ। ਇਸ ‘ਚ ਸਾਬਕਾ ਡੀਈਓ ਫ਼ਰੀਦਕੋਟ ਧੰਨਾ ਸਿੰਘ ਦਿਓਲ, ਸਰਕਾਰੀ ਪ੍ਰਾਇਟਰੀ ਸਕੂਲ ਪਿਪਲੀ ਦੇ ਸੀਐਚਟੀ ਜਸਕੇਵਲ ਸਿੰਘ, ਡੀਈਓ ਦੇ ਸੀਨੀਅਰ ਹੈਲਪਰ ਸੁਖਜਿੰਦਰ ਸਿੰਘ, ਸਰਕਾਰੀ ਸੀ.ਸੈ. ਸਕੂਲ ਮਚਾਕੀ ਮੱਲ ਸਿੰਘ ਦੇ ਪ੍ਰਿੰਸੀਪਲ ਰਾਜਵਿੰਦਰ ਕੌਰ, ਸਰਕਾਰੀ ਸੀਸੇ ਸਕੂਲ ਮੋਰਾਵਾਲੀ ਦੇ ਪ੍ਰਿੰਸੀਪਲ ਵਰਿੰਦਰ ਕੁਮਾਰ ਸਲਹੋਤਰਾ, ਸਰਕਾਰੀ ਸੀ.ਸੈ. ਸਕੂਲ ਘੁਗਿਆਣਾ ਦੇ ਪ੍ਰਿੰਸੀਪੁਲ ਸੁਧਾ ਤੇ ਸਕੂਲ ਪ੍ਰਬੰਧਕੀ ਕਮੇਟੀ ਦੇ ਸਾਬਕਾ ਮੈਂਬਰ ਨਛੱਤਰ ਸਿੰਘ ਨੂੰ ਨਾਮਜ਼ਦ ਕੀਤਾ ਗਿਆ ਹੈ। ਸ਼ਿਕਾਇਤ ਕਰਤਾ ਰਾਜਵੀਰ ਸਿੰਘ ਵਾਸੀ ਸਾਦਿਕ ਨੇ ਦੱਸਿਆ ਕਿ ਉਨ੍ਹਾ ਨੇ 2019 ‘ਚ ਆਪਣੇ ਖ਼ਿਲਾਫ਼ ਦਰਜ ਇਕ ਝੂਠੇ ਮਾਮਲੇ ‘ਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਘੁਗਿਆਣਾ ਦੇ ਪ੍ਰਬੰਧਕੀ ਕਮੇਟੀ ਦੇ ਮੈਂਬਰ ਨਛਤਰ ਸਿੰਘ ਦੇ ਹਸਤਾਖਰਾ ਦੀ ਫੋਰੰਸਿਕ ਜਾਚ ਕਰਵਾਉਣ ਲਈ ਆਰਟੀਆਈ ਤਹਿਤ ਉਸ ਦੇ ਹਸਤਾਖਰ ਸਬੰਧੀ ਜਾਣਕਾਰੀ ਮੰਗੀ ਸੀ। ਉਸ ਵੇਲੇ ਸਕੂਲ ਦੇ ਪ੍ਰਿੰਸੀਪਲ ਜਸਕੇਵਲ ਸਿੰਘ ਨੇ ਕਥਿਤ ਤੌਰ ‘ਤੇ ਸਰਕਾਰੀ ਰਿਕਾਰਡ ਨਾਲ ਛੇੜਛਾੜ ਕਰਦਿਆਂ ਨਛੱਤਰ ਸਿੰਘ ਦੇ ਹਸਤਾਖਰ ਬਦਲ ਦਿੱਤੇ ਸਨ। ਇਸ ਕਾਰਨ ਉਨ੍ਹਾਂ ਦੀ ਸ਼ਿਕਾਇਤ ‘ਤੇ ਵਿਭਾਗੀ ਜਾਚ ਸ਼ੁਰੂ ਹੋਈ। ਜਾਚ ਕਮੇਟੀ ‘ਚ ਸ਼ਾਮਿਲ ਉਕਤ ਪ੍ਰਿੰਸੀਪਲਾ ਵੱਲੋਂ ਕਥਿਤ ਤੌਰ ‘ਤੇ ਤਤਕਾਲੀ ਡੀਈਓ ਧੰਨਾ ਸਿੰਘ ਦੇ ਕਹਿਣ ‘ਤੇ ਜਾਚ ‘ਚ ਜਸਕੇਵਲ ਸਿੰਘ ਨੂੰ ਦੋਸ਼ਾ ਤੋ ਬਚਾਇਆ ਗਿਆ। ਜਾਚ ਮੁਤਾਬਕ ਸਕੂਲ ਨੂੰ ਤਿੰਨ ਕਮਰਿਆ ਦੇ ਨਿਰਮਾਣ ਲਈ ਦੋ ਕਿਸ਼ਤਾਂ ਦੇ ਰੂਪ ‘ਚ 7,55,40 ਰੁਪਏ ਦੀ ਗ੍ਰਾਟ ਜਾਰੀ ਹੋਈ ਸੀ ਪਰ ਪ੍ਰਿੰਸੀਪਲ ਦੇ ਰਿਕਾਰਡ ਮੁਤਾਬਕ ਉੱਕਤ ਕਮਰਿਆ ਦੇ ਨਿਰਮਾਣ ‘ਚ 10 ਲੱਖ 83 ਹਜ਼ਾਰ 775 ਰੁਪਏ ਦੀ ਗ੍ਰਾਂਟ ਖ਼ਰਚ ਕਰ ਦਿੱਤੀ ਗਈ। ਇਸੇ ਤਰ੍ਹਾਂ ਸਕੂਲ ‘ਚ ਕੈਮਰੇ ਲਗਾਉਣ ਲਈ ਮਿਲੀ 12 ਹਜ਼ਾਰ ਰੁਪਏ ਦੀ ਗ੍ਰਾਂਟ ਦੀ ਥਾ 16 ਹਜ਼ਾਰ 500 ਰੁਪਏ ਖਰਚ ਕਰਕੇ ਸਿਰਫ਼ ਦੋ ਕੈਮਰੇ ਲਗਵਾਏ ਗਏ, ਜਦਕਿ ਜ਼ਿਲ੍ਹੇ ਦੇ ਹੋਰ ਸਕੂਲਾ ‘ਚ 12 ਹਜ਼ਾਰ ਰੁਪਏ ‘ਚ ਪੰਜ ਕੈਮਰੇ ਲਗਵਾਏ ਗਏ ਸਨ। ਇਹਨਾਂ ਹੀ ਨਹੀ ਜਸਕੇਵਲ ਸਿੰਘ ਤੋਂ ਬਾਅਦ ਬਤੌਰ ਪ੍ਰਿੰਸੀਪਲ ਪੂਜਾ ਰਾਣੀ ਵੱਲੋ ਬਲਾਕ ਪ੍ਰਾਇਮਰੀ ਸਿਖਿਆ ਅਧਿਕਾਰੀ ਨੂੰ ਪੱਤਰ ਲਿਖ ਕੇ ਉਸ ‘ਤੇ ਦਬਾਅ ਬਣਾਉਣ ਤੇ ਧਮਕੀਆ ਦੇਣ ਦਾ ਦੋਸ਼ ਵੀ ਲਗਾਇਆ ਗਿਆ ਸੀ।
ਇਸ ਸਬੰਧੀ ਡੀਈਓ ਐਲੀਮੈਂਟਰੀ ਅੰਜਨਾ ਕੌਸ਼ਲ ਨਾਲ ਗੱਲ ਕੀਤੀ ਗਈ ਤਾ ਉਨ੍ਹਾ ਦਾ ਕਹਿਣਾ ਸੀ ਕਿ ਮਾਮਲਾ ਪੁਰਾਣਾ ਹੈ ਤੇ ਹੁਕਮਾ ਮੁਤਾਬਕ ਉਨ੍ਹਾਂ ਵੱਲੋਂ ਐਫ.ਆਈ.ਆਰ. ਦਰਜ ਕਰਨ ਦੀ ਸਿਫ਼ਾਰਸ਼ ਕੀਤੀ ਗਈ ਹੈ।
