ਬੋਲਾ ਬੱਦਲ ਆਇਆ ਚੜ੍ਹਕੇ।
ਪਾਣੀ ਵਾਂਗ ਸਮੁੰਦਰ ਗੜ੍ਹਕੇ।
ਕੁਦਰਤ ਕਹਿਰਵਾਨ ਜੀ।
ਟੋਏ ਟਿੱਬੇ ਨੇ ਇੱਕ ਕਰਤੇ।
ਪਾਣੀ ਨਾਲ ਕਿਆਰੇ ਭਰਤੇ।
ਭਰ ਦਿੱਤੇ ਮੈਦਾਨ ਜੀ।
ਕੁਦਰਤ ਕਹਿਰਵਾਨ ਜੀ।
ਘਰ ਬਾਰ ਕਈਆ ਦੇ ਢਹਿਗੇ।
ਮੰਜੇ ਪੀੜ੍ਹੀਆਂ ਵਿੱਚੇ ਵਹਿਗੇ।
ਚੋਰ ਲੈ ਗਏ ਸਮਾਨ ਜੀ।
ਕੁਦਰਤ ਕਹਿਰਵਾਨ ਜੀ।
ਰੱਬ ਮੂਹਰੇ ਜ਼ੋਰ ਨਾ ਕੋਈ।
ਏਦੂ ਬਿਨਾਂ ਹੋਰ ਨਾ ਕੋਈ।
ਜੋ ਸੁਣੇ ਕਰ ਕਾਨ ਜੀ।
ਕੁਦਰਤ ਕਹਿਰਵਾਨ ਜੀ।
ਮਾੜਾ ਹੁੰਦਾ ਬਹੁਤਾ ਰੋੜ੍ਹ।
ਨਾ ਸੋਕੇ ਨਾ ਡੋਬੇ ਦੀ ਲੋੜ।
‘ਪੱਤੋ’ ਕਰੇ ਬਿਆਨ ਜੀ।
ਕੁਦਰਤ ਕਹਿਰਵਾਨ ਜੀ।
****
ਹਰਪ੍ਰੀਤ ਪੱਤੋ*
ਪਿੰਡ ਪੱਤੋ ਹੀਰਾ ਸਿੰਘ ( ਮੋਗਾ )
ਫੋਨ ਨੰਬਰ : 94658-21417
