ਆਓ ਬੱਚਿਓ ਤੁਹਾਨੂੰ ਮਾਂ ਬੋਲੀ ਦੀ ਮੁਹਾਰਨੀ ਸਿਖਾਵਾਂ
ਲਾਵਾਂ ਰਹਿਤ ਮੁਕਤੇ ਅੱਖਰ ਨਾਲ ਤੁਹਾਡੀ ਸਾਂਝ ਪਵਾਵਾਂ।
ਮੁਕਤੇ ਅੱਖਰ ਨਾਲ ਲਾ ਕੰਨਾ ਅੱਖਰ ਦੀ ਆਵਾਜ਼ ਲਮਕਾਵਾਂ
ਸਿਹਾਰੀ ਅਤੇ ਬਿਹਾਰੀ ਨਾਲ ਛੋਟੀ ਲੰਮੀ ਧੁਨੀ ਸੁਣਾਵਾਂ।।
ਲਾਵਾਂ ਤੇ ਦੁਲਾਵਾਂ ਨਾਲ ਸ਼ਬਦ ਵਿਚਲੀ ਧੁਨ ਦਾ ਅੰਤਰ ਸਮਝਾਵਾਂ
ਔਕੁੜ ਤੇ ਦੁਲੈਕੜ ਦਾ ਹੇਕ ਬਦਲ ਕੇ ਫਰਕ ਦਰਸਾਵਾਂ।
ਟਿੱਪੀ ਤੇ ਅੱਧਕ ਦੋਹਾਂ ਮਾਤਰਾਵਾਂ ਨਾਲ ਸ਼ਬਦਜੋੜ ਬਣਾਵਾਂ
ਬਿੰਦੀ ਪਾਉਂਦੀ ਕੰਨੇ ਮਾਤਰਾਂ ਤੇ ਕਿੱਵੇ ਜ਼ੋਰ ਪ੍ਰਤੱਖ ਦਿਖਾਵਾਂ।।
ਮਾਂ-ਬੋਲੀ ਵਿੱਚ ਮੁਹਾਰਨੀ ਦੀ ਦੇਣ ਕਵਿਤਾ ਰਾਹੀ ਗੁਣ ਗੁਣਾਵਾਂ
ਐਸ ਪੀ ਵਰਗੇ ਨਾਚੀਜ਼ ਤੋਂ ਮਾਂ-ਬੋਲੀ ਦਾ ਪ੍ਰਚਾਰ ਕਰਾਵਾਂ।।
ਸੁਰਿੰਦਰਪਾਲ ਸਿੰਘ
ਸ੍ਰੀ ਅਮ੍ਰਿਤਸਰ ਸਾਹਿਬ।
