ਵਾਤਾਵਰਨ

        ਕੀ ਸੋਚਿਆ ਸੀ ਕੀ ਬਣ ਬੈਠੇ 
        ਪੈਰੀਂ ਆਪਣੇ ਕੁਹਾੜਾ ਮਾਰਿਆ,
        ਝੂਠੀ ਸ਼ੌਹਰਤ ਦੌਲਤ ਖ਼ਾਤਰ 
         ਵਾਤਾਵਰਨ ਖ਼ੂਬ ਉਜਾੜਿਆ।
       ਬੋਟ ਪੰਛੀਆਂ ਦੇ ਅਨਾਥ ਨੇ ਕੀਤੇ 
        ਜੰਗਲ ਕੱਟ ਕੇ ਵਿਕਾਸ ਨੇ ਕੀਤੇ
        ਗੰਧਲਾ ਪਾਣੀਂ ਬੋਰ ਫ਼ਿਰ ਕੀਤਾ 
         ਓਹੀ ਪਾਣੀ ਘਰਾਂ ਚ ਪੀਤਾ।
      ਜਿਉਂ ਜਿਉਂ ਤਰੱਕੀ ਹੁੰਦੀ ਜਾਵੇ 
      ਮਸ਼ੀਨ ਬੰਦੇ ਨੂੰ ਗ਼ੁਲਾਮ ਬਣਾਵੇ 
      ਇੱਕ ਵਾਰੀ ਜਿਹਦੀ ਆਦਤ ਪੈ ਗਈ 
       ਵਾਰਿਸ ਸ਼ਾਹ ਫ਼ਿਰ ਕਦੇ ਨਾ ਜਾਵੇ 
         ਲਾਲਚ ਵਿੱਚ ਕੁਰਾਹੇ ਪੈ ਕੇ,
        ਕੁਦਰਤ ਦਾ ਵਿਨਾਸ਼ ਹੈ ਕੀਤਾ,
      ਮਨੁੱਖ ਆਪਣੀ ਗ਼ਲਤੀ ਨਾ ਮੰਨੇ,
         ਅਜੇ ਆਖੇ ਮੈਂ ਕੀ ਕੀਤਾ 
       ਪਹਾੜ ਕੱਟ ਕੇ ਮਹਿਲ ਉਸਾਰੇ 
      ਤਾਂ ਹੀ ਕੁਦਰਤੀ ਆਫ਼ਤ ਮਾਰੇ।
        ਸਮਾਂ ਅਜੇ ਹੈ ਸੰਭਲ ਜਾਈਏ 
         ਧਰਤੀ ਮਾਂ ਦੀ ਹੋਂਦ ਬਚਾਈਏ।

ਰਜਵਿੰਦਰ ਪਾਲ ਸ਼ਰਮਾ
ਪਿੰਡ ਕਾਲਝਰਾਣੀ
ਡਾਕਖਾਨਾ ਚੱਕ ਅਤਰ ਸਿੰਘ ਵਾਲਾ
ਤਹਿ ਅਤੇ ਜ਼ਿਲ੍ਹਾ ਬਠਿੰਡਾ
ਮੋਬਾਇਲ- 7087367969