ਫ਼ਰੀਦਕੋਟ, 14 ਅਕਤੂਬਰ ( ਧਰਮ ਪ੍ਰਵਾਨਾਂ /ਵਰਲਡ ਪੰਜਾਬੀ ਟਾਈਮਜ਼)
ਜ਼ਿਲਾ ਕਿ੍ਕਟ ਐਸੋਸੀਏਸ਼ਨ ਫਰੀਦਕੋਟ ਦੇ ਜਨਰਲ ਸਕੱਤਰ ਡਾ.ਏ.ਜੀ.ਐੱਸ.ਬਾਵਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਫ਼ਰੀਦਕੋਟ ਜ਼ਿਲੇ ਲਈ ਬੜੇ ਮਾਨ ਦੀ ਗੱਲ ਹੈ ਕਿ ਫ਼ਰੀਦਕੋਟੀਆ ਕਿ੍ਕਟ ਖਿਡਾਰੀ ਨਮਨ ਧੀਰ, ਰਣਜੀ ਟਰਾਫੀ ’ਚ ਪੰਜਾਬ ਦੀ ਟੀਮ ਦੀ ਕਪਤਾਨੀ ਕਰੇਗਾ। ਉਨ੍ਹਾਂ ਦੱਸਿਆ ਕਿ ਨਮਨ ਧੀਰ ਪਿਛਲੇ 2 ਸਾਲਾਂ ਤੋਂ ਪੰਜਾਬ ਰਣਜੀ ਟਰਾਫੀ ਦੀ ਟੀਮ ਵਿਚ ਖੇਡ ਰਿਹਾ ਸੀ ਅਤੇ ਹੁਣ 2025 ਦੇ ਸੈਸ਼ਨ ਵਿਚ ਪੰਜਾਬ ਦੀ ਰਣਜੀ ਟਰਾਫੀ ਟੀਮ ਦੀ ਕਪਤਾਨੀ ਕਰੇਗਾ। ਇਹ ਫਰੀਦਕੋਟ ਦੇ ਕਿ੍ਕਟ ਇਤਿਹਾਸ ਵਿਚ ਪਹਿਲੀ ਵਾਰ ਅਤੇ ਨਾਲ ਦੇ ਜ਼ਿਲਿਆ ’ਚੋਂ ਵੀ ਪੰਜਾਬ ਦੀ ਰਣਜੀ ਟਰਾਫੀ ਟੀਮ ਦੀ ਕਪਤਾਨੀ ਕਰਨ ਵਾਲਾ ਪਹਿਲਾ ਖਿਡਾਰੀ ਬਣ ਗਿਆ ਹੈ। ਡਾ.ਬਾਵਾ ਨੇ ਦੱਸਿਆ ਕਿ ਨਮਨ ਦੀ ਇਸ ਪ੍ਰਾਪਤੀ ’ਚ ਉਸ ਦੀ ਕਿ੍ਕਟ ਪ੍ਰਤੀ ਲਗਨ, ਨਿਮਰਤਾ, ਸਾਦਗੀ ਅਤੇ ਅਨੁਸ਼ਾਸ਼ਨ ’ਚ ਰਹਿਣਾ ਗੁਣ ਹੀ ਉਸ ਨੂੰ ਇਸ ਮੁਕਾਮ ਤੇ ਲੈ ਗਏ ਹਨ। ਫ਼ਰੀਦਕੋਟੀਏ ਨਮਨ ਧੀਰ ਦੀ ਇਸ ਵੱਡੀ ਪ੍ਰਾਪਤੀ ਤੇ ਫ਼ਰੀਦਕੋਟ ਜ਼ਿਲੇ ਦੇ ਬਾਕੀ ਕਿ੍ਕਟ ਖਿਡਾਰੀਆਂ ਨੂੰ ਹੋਰ ਉਤਸ਼ਾਹ ਮਿਲੇਗਾ। ਫਰੀਦਕੋਟ ਦੇ ਕਿ੍ਕਟ ਪ੍ਰੇਮੀਆਂ ਅੰਦਰ ਖੁਸ਼ੀ ਦੀ ਲਹਿਰ ਹੈ। ਇੱਥੇ ਜ਼ਿਕਰਯੋਗ ਹੈ ਇਸ ਤੋਂ ਪਹਿਲਾਂ ਨਮਨ ਧੀਰ ਮੁੰਬਈ ਇੰਡੀਅਨ ਵੱਲੋਂ ਆਈ.ਪੀ.ਐਲ.’ਚ ਵੀ ਆਪਣੀ ਸ਼ਾਨਦਾਰ ਖੇਡ ਦੇ ਜੌਹਰ ਵਿਖਾ ਚੁੱਕਾ ਹੈ। ਹੁਣ ਨਮਨ ਧੀਰ ਨੂੰ ਇਸ ਅਹਿਮ ਪ੍ਰਾਪਤੀ ਤੇ ਜ਼ਿਲਾ ਖੇਡ ਅਫ਼ਸਰ ਫ਼ਰੀਦਕੋਟ ਬਲਜਿੰਦਰ ਸਿੰਘ, ਸ਼ਾਮ ਗਰਗ ਕਾਰਜਕਾਰੀ ਪ੍ਰਧਾਨ ਫਰੀਦਕੋਟ ਕਿ੍ਕਟ ਐਸੋਸੀਏਸ਼ਨ, ਸੰਦੀਪ ਸਿੰਘ ਧਾਲੀਵਾਲ ਸੂਚਨਾ ਕਮਿਸ਼ਨਰ ਪੰਜਾਬ, ਸਤੀਸ਼ ਸ਼ਰਮਾ ਕੈਸ਼ੀਅਰ,ਜ਼ਿਲਾ ਖੇਡ ਕੋਆਰਡੀਨੇਟਰ ਸਿੱਖਿਆ ਵਿਭਾਗ ਕੇਵਲ ਕੌਰ, ਜ਼ਿਲਾ ਟੂਰਨਾਮੈਂਟ ਕਮੇਟੀ ਫ਼ਰੀਦਕੋਟ ਦੇ ਜਨਰਲ ਸਕੱਤਰ ਨਵਪ੍ਰੀਤ ਸਿੰਘ,ਕੁਲਦੀਪ ਸਿੰਘ ਗਿੱਲ,ਪਰਮਿੰਦਰ ਸਿੰਘ ਗਿੱਲ,ਤਰਕੇਸ਼ਵਰ ਭਾਰਤੀ, ਬਲਜਿੰਦਰ ਸਿੰਘ ਜਿੰਦ, ਰਮੇਸ਼ ਕੁਮਾਰ ਨਿੱਕਾ, ਦਵਿੰਦਰ ਧਵਨ,ਯੁਗੇਸ਼ ਚਾਵਲਾ, ਸਰਵਣ ਕੁਮਾਰ, ਗੁਰਕਰਨ ਸਿੰਘ, ਅਰੁਣ ਦੇਵਗਣ (ਮਿੱਕੀ), ਲੈਕਚਰਰਾਰ ਗਗਨਦੀਪ ਸਿੰਘ ਸੰਧੂ, ਲੈਕਚਰਾਰ ਅਮਿਤ ਗਰੋਵਰ,ਮੰਚ ਸੰਚਾਲਕ ਜਸਬੀਰ ਸਿੰਘ ਜੱਸੀ ਨੇ ਵਧਾਈ ਦਿੱਤੀ ਹੈ।
