ਮਹਿੰਦਰ ਸੂਦ ਵਿਰਕ ਇੱਕ ਉੱਭਰਦਾ ਹੋਇਆ ਕਵੀ ਹੈ। ਜਿਸ ਨੇ
ਆਪਣੀ ਸਖ਼ਤ ਮਿਹਨਤ ਤੇ ਸਿਰੜ ਨਾਲ ਥੋੜ੍ਹੇ ਸਮੇਂ ਵਿੱਚ ਹੀ ਕਾਵਿ – ਖੇਤਰ ਵਿੱਚ ਇੱਕ ਵਿਸ਼ੇਸ ਮੁਕਾਮ ਹਾਸਲ ਕੀਤਾ ਹੈ। ਭਾਵੇਂ ਕਿ ਉਹ ਮਾਮੂਲੀ ਜਿਹਾ ਤਾਂ ਲੰਬੇ ਸਮੇਂ ਤੋਂ ਕਾਵਿ ਸਿਰਜਣਾ ਕਰਦਾ ਆ ਰਿਹਾ ਹੈ ਪਰ ਉਸਦੇ ਪਿਤਾ ਸ਼੍ਰੀ ਗੁਲਜ਼ਾਰ ਚੰਦ ਸੂਦ ਦੇ ਦਿਹਾਂਤ ਤੋਂ ਬਾਅਦ ਉਸ ਨੇ ਆਪਣੀ ਕਾਵਿ ਸਿਰਜਣਾ ਦੀ ਰਫ਼ਤਾਰ ਨੂੰ ਐਨੀ ਤੇਜ਼ੀ ਦਿੱਤੀ ਕਿ ਜਿਸ ਦੇ ਫਲਸਰੂਪ ਉਸ ਦੀ ਪਹਿਲੀ ਈ-ਬੁੱਕ “ਸੱਚ ਦਾ ਹੋਕਾ” ਪਾਠਕਾਂ ਦੇ ਰੁਬਰੂ ਹੋ ਗਈ।  ਇਸ ਪੁਸਤਕ ਨੂੰ ਪਾਠਕਾਂ ਦੇ ਮਿਲੇ ਪਿਆਰ ਸਤਿਕਾਰ ਨੇ ਸੂਦ ਵਿਰਕ ਨੂੰ ਹੋਰ ਬਲ਼ ਬਖ਼ਸ਼ਿਆ ਤੇ ਇਸ ਨੇ ਆਪਣੀ ਲਿਖਣ ਪ੍ਰਕ੍ਰਿਆ ਨੂੰ ਹੋਰ ਤੇਜ਼ ਕੀਤਾ।ਭਾਵੇਂ ਕਿ ਇਸ ਨੂੰ ਪਿੰਗਲ – ਆਰੂਜ਼ ਬਾਰੇ ਬਹੁਤੀ ਜਾਣਕਾਰੀ ਨਹੀਂ ਹੈ ਪਰ ਉਹ ਆਪਣੇ ਖਿਆਲਾਂ/ਜਜ਼ਬਾਤਾਂ ਦੀ ਤਰਜ਼ਮਾਨੀ ਕਰਦਾ ਹੋਇਆ ਆਪਣੀ ਕਾਵਿ ਸਿਰਜਣਾ ਵਿੱਚ ਜੁੱਟਿਆ ਹੋਇਆ ਹੈ ਤੇ ਉਸ ਦੀ ਇਸ ਕਲਾ ਨੂੰ ਪਾਠਕਾਂ ਨੇ ਸਵੀਕਾਰਿਆ ਵੀ ਹੈ ਤੇ ਸਤਿਕਾਰ ਵੀ ਦਿੱਤਾ ਹੈ। ਲੇਖਕ ਲਈ ਸਰੋਤਿਆਂ ਦਾ ਪਿਆਰ ਹੀ ਉਸ ਦੀ ਅਸਲੀ ਪੂੰਜੀ ਹੁੰਦੀ ਹੈ।
             ਜ਼ਿੰਦਗ਼ੀ ਕਦੇ ਸਮਤਲ ਨਹੀਂ ਹੁੰਦੀ, ਇਸ ਵਿੱਚ ਉਤਰਾਅ ਚੜਾਅ ਆਉਂਦੇ ਰਹਿੰਦੇ ਹਨ। ਇਨ੍ਹਾਂ ਵਲ- ਵਲੇਂਵਿਆ
ਦੇ ਚੱਕਰਵਿਊ ਵਿੱਚ ਮਹਿੰਦਰ ਸੂਦ ਆਪਣੀ ਜਨਮ ਭੂਮੀ ਫਿਲੌਰ ਨੂੰ ਤਿਆਗ ਕੇ ਚਰਚਿੱਤ ਪਿੰਡ ਵਿਰਕ (ਜਲੰਧਰ) ਵਿੱਚ ਆਪਣਾ ਰੈਣ ਬਸੇਰਾ ਬਣਾ ਕੇ ਇੱਥੇ ਦਾ ਵਸਨੀਕ ਬਣ ਗਿਆ ਤੇ ਫਿਰ ਇਹ ਮਹਿੰਦਰ ਸੂਦ ਤੋਂ ਮਹਿੰਦਰ ਸੂਦ ਵਿਰਕ ਬਣ ਗਿਆ ਤੇ ਇਹ ਨਾਂ ਇਸ ਦੇ ਰਾਸ ਵੀ ਆ ਗਿਆ ਤੇ ਇਹ ਨਾਂ ਕਾਵਿ ਜਗਤ ਵਿੱਚ ਸਾਗ਼ਰ ਦੇ ਵਹਾਅ ਵਾਂਗ ਪਲਾਂ ਛਿਨ੍ਹਾਂ ਵਿੱਚ ਹੀ ਚਰਚਿੱਤ ਹੋ ਗਿਆ ਹੈ।
               ਮਹਿੰਦਰ ਸੂਦ ਵਿਰਕ ਜਿਆਦਾ ਆਨਲਾਈਨ  ਲਿੱਖਦਾ ਹੈ ਤੇ ਇਹ ਲੱਗਭਗ ਦੋ ਦਰਜਨਾਂ ਤੋਂ ਵੱਧ ਆਨਲਾਈਨ ਅਖ਼ਬਾਰਾਂ ਵਿੱਚ ਧਾਂਕ ਜਮਾਈ ਬੈਠਾ ਹੈ ਜਿਸ ਵਿੱਚ ਦੇਸ਼ ਦੁਆਬਾ, ਅਦਬੀ ਮਹਿਕ (ਮਾਸਿਕ),ਪੰਜਾਬੀ ਸਪੈਕਟ੍ਰਮ ਸਰਵਿਸ, ਸਮਾਜ ਨਿਊਜ਼ ਵੀਕਲੀ,ਪੰਜਾਬੀ ਸਾਂਝ, ਇਕੁਐਲਿਟੀ ਐਂਡ ਜਸਟਿਸ, , ਅੱਜ ਦੀ ਆਵਾਜ਼, ਪੰਜਾਬੀ ਜਾਗਰਣ, ਨਾਇਕ ਹੈਡਲਾਈਨਜ਼, ਫਿਲੌਰ ਲਾਈਵ, ਲਿਸ਼ਕਾਰਾ ਟਾਈਮਜ਼, ਦੇਸ਼ ਦੁਨੀਆ, ਸਪਤਾਹਿਕ ਬੇਗਮਪੁਰਾ ਸ਼ਹਿਰ ਪੱਤ੍ਰਿਕਾ, ਪਰਦੇਸੀ ਮੈਗਜ਼ੀਨ, ਚਾਨਣ-ਮੁਨਾਰਾ ਪੰਜਾਬੀ ਆਨ-ਲਾਈਨ ,ਕੋਹਿਨੂਰ ਟਾਈਮਜ਼ ਜਰਮਨੀ ਅਖਬਾਰ,ਪੰਜਾਬ ਬੋਲਿਆ ਅਖਬਾਰ, ਸਮਾਰਟ ਨਿਊਜ਼ ਇਟਲੀ,ਸਾਹਿਤ ਸਿਰਜਣਾ, ੳਅੲ ਅਦਬੀ ਕਿਰਨਾਂ, ਕਾਵਿ ਸੰਸਾਰ ਇੰਟਰਨੈਸ਼ਨਲ, ਸ਼ਬਦ ਕਾਫ਼ਲਾ, ਕਰੂੰਬਲਾਂ ਨਿਊਜ਼, ਆਵਾਜ਼-ਏ-ਅਵਾਮ, ਗੁਰਮੁਖੀ ਦੇ ਵਾਰਿਸ, ਕਲਮਾਂ ਦੇ ਰੰਗ,
ਪਿੰਡੋ ਡਾਕਾਂ ਆਈਆਂ, ਜਨ ਪੰਜਾਬੀ ਨਿਊਜ਼, ਵਰਲਡ ਪੰਜਾਬੀ ਟਾਈਮਜ਼, ਕੌਮੀ ਸਵਤੰਤਰ ਕਾਵਿ ਸਾਂਝਾਂ, ਹਰਫਾਂ ਦੀ ਡਾਰ ਪਾਲ ਜਲੰਧਰੀ ਪੰਜਾਬ ਤੋਂ ਦੁਬਈ, ਡੇਲੀ ਟਾਈਮ ਨਿਊਜ਼(ਸਾਹਿਤ), ਪੀਂਘਾਂ ਸੋਚ ਦੀਆਂ ਮੈਗਜ਼ੀਨ,7 ਰਿਵਰ ਟਾਈਮਜ਼, ਸਤਰੰਗੀ ਪੀਂਘ, ਪੰਜਾਬੀ ਵਿਰਾਸਤ ਟੀ ਵੀ, ਪੰਚਾਇਤ ਹੈੱਡਲਾਈਨਜ਼, ਸ਼ਿਵਾਲਿਕ ਨਿਊਜ਼, ਜੇ ਪੀ ਨਿਊਜ਼ ਦੁਬਈ, ਲਫ਼ਜ਼ਾਂ ਦੇ ਹਾਣੀ, ਅੰਤਰਰਾਸ਼ਟਰੀ ਸਾਹਿਤਕ ਸਾਂਝਾਂ, ਟਾਈਮ ਟੀ ਵੀ ਪੰਜਾਬ, ਟਰੇਂਡਿੰਗ ਫਿਲੌਰ ਨਿਊਜ਼, ਕਲਮਾਂ ਦਾ ਕਾਫ਼ਲਾ, ਸਾਹਿਤਧਾਰਾ ਯੂ ਐਸ ਏ, ਪੰਜਾਬੀ ਵਰਲਡ ਵਾਇਡ, ਏਕਤਾ ਲਹਿਰ, ਫਸ਼ਟ ਐਂਡ ਫਾਸਟ ਨਿਊਜ਼,ਰੂਹਦਾਰੀ ਸਾਂਝ, ਸਹਿਬਾਜ਼ਪੁਰ ਟਾਈਮਜ਼, ਰਾਮੇਆਣਾ ਸੱਥ,ਕਲਮਾਂ ਬੋਲਦੀਆਂ, ਢੀਂਡਸਾ ਦੀ ਸੱਥ, ਜਨ ਸ਼ਕਤੀ ਨਿਊਜ਼ ਯੂ ਕੇ,ਪੰਜਾਬੀ ਜਾਗਰਣ, ਅਮਾਨਤੀ ਸਤਰਾਂ, ਪੰਜਾਬ ਸਟਾਰ,ਬੀ ਬੀ ਸੀ ਇੰਟਰਨੈਸ਼ਨਲ ਰੇਡੀਉ, ਪੰਜਾਬੀ ਨਿਊਜ਼ ਲੰਡਨ, ਸਨਸਨੀ ਪੰਜਾਬ ਨਿਊਜ਼,ਇੰਡੀਆ ਨਿਊਜ਼ 48, ਪੰਜਾਬ ਭਵਨ ਜਲੰਧਰ, ਦੋਆਬਾ ਨਿਊਜ਼ 24 ਸ਼ਾਨ, , ਨਿਊਜ਼ 13 ਪੰਜਾਬ, ਟ੍ਰਿਪਲ ਸਿਕਸ ਨਿਊਜ਼ ਆਦਿ ਦੇ ਨਾਂ ਵਿਸ਼ੇਸ ਤੌਰ ਤੇ ਵਰਨਣ ਯੋਗ ਹਨ।
               ਸੂਦ ਵਿਰਕ ਆਪਣੀ ਰਚਨਾ ਦੀ ਸਟੇਜ਼ ਤੋਂ ਪੇਸ਼ਕਾਰੀ
ਬਹੂਤ ਕਾਰੀਗਰੀ ਨਾਲ ਕਰਦਾ ਹੈ। ਜਿਸ ਨਾਲ ਸਰੋਤੇ ਪ੍ਰਭਾਵਤ ਹੁੰਦੇ ਹਨ। ਹੰਸੂ ਹੰਸੂ ਕਰਦੇ ਚਿਹਰੇ ਵਿੱਚੋਂ ਨਿਕਲੇ ਬੋਲ ਸਰੋਤਿਆਂ
ਦੇ ਧੁਰ ਅੰਦਰ ਤੱਕ ਪੁੱਜਦੇ ਹਨ। ਇਹੀ ਪਿਆਰ ਹੀ ਉਸ ਨੂੰ ਹੋਰ ਲਿੱਖਣ ਲਈ ਪ੍ਰੇਰਿਤ ਕਰਦਾ ਹੈ।
               ਅਨੇਕਾਂ ਸੰਸਥਾਵਾਂ ਵੱਲੋਂ ਇਸ ਦੀ ਕਾਵਿ ਕਲਾ ਨੂੰ ਸਨਮਾਨਿਤ ਵੀ ਕੀਤਾ ਹੈ ਤੇ ਬਹੁਤੀਆਂ ਸੰਸਥਾਵਾਂ ਨੇ ਇਸ ਨੂੰ ਬੁਲਾ ਕੇ ਸਨਮਾਨਿਤ ਕੀਤਾ ਹੈ ਅਤੇ ਕੁੱਝ ਇੱਕ ਨੇ ਇਸ ਨੂੰ ਸਨਮਾਨ ਪੱਤਰ ਭੇਜ ਕੇ ਜਿੱਥੇ ਇਸ ਦਾ ਮਾਣ ਵਧਾਇਆ ਹੈ ਉੱਥੇ ਇਸ ਦੀ ਕਲਮ ਨੂੰ ਬਲ ਵੀ ਬਖਸ਼ਿਆ ਹੈ। ਇਨ੍ਹਾਂ ਸੰਸਥਾਵਾਂ ਵਿੱਚ
.ਬੀ.ਆਰ.ਅੰਬੇਡਕਰ ਸੋਸ਼ਲ ਵੈਲਫੇਅਰ ਸੁਸਾਇਟੀ (ਰਜ਼ਿ.)ਪਿੰਡ ਵਿਰਕ,ਸ਼ਹੀਦ ਭਗਤ ਸਿੰਘ ਯੋਗ ਸਪੋਰਟਸ ਲੋਕ ਭਲਾਈ ਕਲੱਬ (ਰਜ਼ਿ.) ਪਿੰਡ ਵਿਰਕ,ਗੁਰਮੁਖੀ ਦੇ ਵਾਰਿਸ ਪੰਜਾਬੀ ਸਾਹਿਤ ਸਭਾ ਅਤੇ ਵੈੱਲਫ਼ੇਅਰ ਸੁਸਾਇਟੀ (ਰਜਿ114) ਪੰਜਾਬ,ੳਅੲ ਅਦਬੀ ਕਿਰਨਾਂ ਸਾਹਿਤਕ ਮੰਚ ਬਠਿੰਡਾ,ਸਮੂਹ ਸਤਿਗੁਰ ਰਵਿਦਾਸ ਸਭਾਵਾ ਅਤੇ ਵੈਲਫੇਅਰ ਟਰੱਸਟ, ਸਾਈਂ ਪੱਪਲ ਸ਼ਾਹ ਭਰੋ ਮਜਾਰਾ,ਆਨਲਾਈਨ ਅਖਬਾਰ ਸਮਾਰਟ ਨਿਊਜ਼ ਇਟਲੀ, ਆਨਲਾਈਨ ਪਰਦੇਸੀ ਅਖਬਾਰ ਪੁਰਤਗਾਲ,ਸਾਹਿਤ ਸਿਰਜਣਾ ਪੰਜਾਬੀ ਪੱਤ੍ਰਿਕਾ, ਸੂਦ ਜਠੇਰੇ ਪ੍ਰਬੰਧਕ ਕਮੇਟੀ (ਰਜਿ:)ਪਿੰਡ ਕੁੱਕੜਾਂ, ਸਾਹਿਤਕਦੀਪ ਵੈਲਫੇਅਰ ਸੁਸਾਇਟੀ (ਰਜਿ:), ਲਫ਼ਜ਼ਾਂ ਦੇ ਹਾਣੀ ਫੇਸ ਬੁੱਕ ਮੰਚ, ਮਾਣ ਪੰਜਾਬੀਆਂ ਤੇ ਅੰਤਰ ਰਾਸ਼ਟਰੀ ਸਾਹਿਤਕ ਮੰਚ ਯੂ.ਕੇ, ਡੀ ਏ ਵੀ ਸਕੂਲ ਫਿਲੌਰ, ਸਤਰੰਗੀ ਪੀਂਘ ਫੇਸ ਬੁੱਕ ਮੰਚ, ਪਰਮਦੀਪ ਸਿੰਘ ਦੀਪ ਵੈਲਫੇਅਰ ਸੁਸਾਇਟੀ (ਰਜਿ.) ਆਦਿ ਦੇ ਨਾਂ ਵਿਸ਼ੇਸ ਤੌਰ ਤੇ ਵਰਨਣ ਯੋਗ ਹਨ।
               ਮਹਿੰਦਰ ਸੂਦ ਵਿਰਕ ਤੋਂ ਕਾਵਿ ਖ਼ੇਤਰ ਨੂੰ ਬਹੁਤ ਸੰਭਾਵਨਾਵਾਂ ਹਨ। ਹਥਲਾ ਕਾਵਿ ਸੰਗ੍ਰਹਿ “ਸੱਚ ਕੌੜਾ ਆ” ਪਾਠਕਾਂ ਨੂੰ ਬਹੁਤ ਕੁੱਝ ਦੇ ਰਿਹਾ ਹੈ। ਜਿਸ ਤੋਂ ਪਾਠਕ ਵਿਸ਼ੇਸ਼ ਲਾਹਾ ਲੈਣਗੇ ਤੇ ਅਗਾਂਹ ਤੋਂ ਹੋਰ ਵੱਡੀ ਆਸ ਰੱਖਣਗੇ ਕਿ ਉਹ ਹੋਰ ਸੇਧ ਵਰਧਕ ਰਚਨਾਵਾਂ ਉਹਨ੍ਹਾਂ ਦੀ ਝੋਲੀ ਵਿੱਚ ਪਾਵੇ।
             ਮੈਂ ਉਸਦੀ ਹੱਥਲੀ ਪੁਸਤਕ ਨੂੰ ਖੁਸ਼ ਆਮਦੀਦ ਕਹਿੰਦਾ ਹੋਇਆ ਗੁਰੂ ਮਹਾਰਾਜ ਅੱਗੇ ਬੇਨਤੀ ਕਰਦਾ ਹਾਂ ਕਿ ਉਹ ਇਸ ਦੀ ਕਲਮ ਨੂੰ ਹੋਰ ਬਲ ਬਖਸ਼ਿਸ ਕਰਨ ਤਾਂ ਜੋ ਸੂਦ ਵਿਰਕ ਕਾਵਿ
ਜਗਤ ਵਿੱਚ ਆਪਣਾ ਉੱਚਪਾਏ ਦਾ ਸਥਾਨ ਬਣਾ ਸਕੇ। ਧੰਨਵਾਦ

ਸਤਪਾਲ ਸਾਹਲੋਂ
ਸੰਪਾਦਕ ਅਦਬੀ ਮਹਿਕ(ਮਾਸਿਕ)