ਫਰੀਦਕੋਟ, 5 ਦਸੰਬਰ (ਵਰਲਡ ਪੰਜਾਬੀ ਟਾਈਮਜ਼)

ਪੰਜਾਬ ਮਿਉਂਸਪਲ ਵਰਕਰ ਯੂਨੀਅਨ ਦੀ ਇਕੱਤਰਤਾ ਜਤਿੰਦਰ ਕੁਮਾਰ ਫਰੀਦਕੋਟ ਦੀ ਪ੍ਰਧਾਨਗੀ ਹੇਠ ਹੋਈ, ਜਿਸ ’ਚ ਪੰਜਾਬ ਭਰ ਤੋਂ ਪੁੱਜੀਆਂ ਲਗਭਗ 15 ਦੇ ਕਰੀਬ ਮਿਉਂਸਪਲ ਕਮੇਟੀਆਂ ਨਗਰ ਪੰਚਾਇਤਾਂ ਦੇ ਵੱਖ-ਵੱਖ ਕਰਮਚਾਰੀ ਆਊਟ ਸੋਰਸ ਕੰਟਰੈਕਟ ਫਾਇਰਮੈਨ ਰਿਟਾਇਰਮੈਂਟ ਅਤੇ ਸਫਾਈ ਸੇਵਕ ਕਲੈਰੀਕਲ ਕਾਮਿਆਂ ਨੇ ਹਿੱਸਾ ਲਿਆ। ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਉਕਤ ਆਗੂਆਂ ਨੇ ਕੇਂਦਰ ਅਤੇ ਪੰਜਾਬ ਸਰਕਾਰਾਂ ਦੀਆਂ ਮੁਲਾਜਮ ਮਾਰੂ ਨੀਤੀਆਂ ਬਾਰੇ ਦੱਸਦਿਆਂ ਕਿਹਾ ਕਿ ਅੱਜ ਮਿਉਂਸਪਲ ਕਮੇਟੀਆਂ ਅੰਦਰ ਲਗਭਗ 15-20 ਹਜਾਰ ਦੇ ਕਰੀਬ ਕਰਮਚਾਰੀ ਕੱਚੇ ਤੌਰ ’ਤੇ ਕੰਮ ਕਰ ਰਹੇ ਹਨ, ਪੁਰਾਣੀ ਪੈਨਸ਼ਨ ਬਹਾਲ ਨਹੀਂ ਕੀਤੀ ਜਾ ਰਹੀ, ਡੀ.ਏ. ਦੀਆਂ ਕਿਸ਼ਤਾਂ ਜਾਰੀ ਨਹੀਂ ਕੀਤੀਆਂ ਜਾ ਰਹੀਆਂ, ਗਰੈਚੂਟੀ 20 ਲੱਖ, ਜੋ ਕਿ ਮੁਲਾਜਮਾਂ ਨੇ ਲੜ ਕੇ ਪ੍ਰਾਪਤ ਕੀਤੀ ਹੈ ਕਮੇਟੀਆਂ ਦੇ ਅੰਦਰ ਲਗਾਤਾਰ ਵੱਖੋ ਵੱਖਰੇ ਇਹ ਪੱਤਰ ਜਾਰੀ ਕਰਕੇ ਉਸ ਨੂੰ ਉਲਝਾਇਆ ਜਾ ਰਿਹਾ ਹੈ ਜਥੇਬੰਦੀ ਇਹ ਮੰਗ ਕਰਦੀ ਹੈ ਕਿ 2016 ਤੋਂ ਬਣਦਾ ਮੁਲਾਜਮਾ ਦਾ ਬਕਾਇਆ ਤੇ ਹੋਰ ਜੋ ਭੱਤੇ ਬੰਦ ਕੀਤੇ ਗਏ ਹਨ ਜਲਦ ਲਾਗੂ ਕੀਤੇ ਜਾਣ। ਜਥੇਬੰਦੀ ਵੱਲੋਂ ਗੰਭੀਰ ਨੋਟਿਸ ਲੈਂਦਿਆਂ ਲੋਕਲ ਬਾਡੀ ਡਾਇਰੈਕਟਰ ਨੂੰ ਮੰਗ ਪੱਤਰ ਦਿੱਤੇ ਗਏ ਹਨ। ਜੇਕਰ ਜਲਦ ਹੀ ਮੰਗਾਂ ਦਾ ਹੱਲ ਨਾ ਹੋਇਆ ਤਾਂ ਅਗਲੇ ਮਹੀਨੇ ਮੀਟਿੰਗ ਕਰਕੇ ਅਗਲੇ ਐਕਸ਼ਨ ਦਾ ਐਲਾਨ ਕੀਤਾ ਜਾਵੇਗਾ। ਜਿਸ ਦੀ ਸਾਰੀ ਜਿੰਮੇਵਾਰੀ ਡਾਇਰੈਕਟਰ ਦਫਤਰ ਲੋਕਲ ਬਾਡੀ ਤੇ ਪੰਜਾਬ ਗੌਰਮੈਂਟ ਦੀ ਹੋਵੇਗੀ। ਇਸੇ ਸਮੇਂ ਐਲਾਨ ਕਰਦਿਆਂ ਪੰਜਾਬ ਮਿਊਸਪਲ ਵਰਕਰ ਯੂਨੀਅਨ ਵੱਲੋਂ ਅਮਰਨਾਥ ਕੋਟਕਪੂਰਾ ਨੂੰ ਜਿਲਾ ਪ੍ਰਧਾਨ ਅਤੇ ਸੋਹਣ ਸਿੰਘ ਨੂੰ ਜਿਲਾ ਮੋਗਾ ਦਾ ਪੰਜਾਬ ਮਿਉਂਸਪਲ ਰਿਟਾਇਰ ਵਰਕਰ ਯੂਨੀਅਨ ਦਾ ਪ੍ਰਧਾਨ ਬਣਾਇਆ ਗਿਆ।