ਬੱਚਿਆਂ ਨੂੰ ਮੋਬਾਈਲ ਫੋਨ ਤੋਂ ਦੂਰ ਕਰ ਕੁਦਰਤੀ ਮਨੋਰੰਜਨ ਕਰ ਰਹੀ ਹੈ ਅਮਰ ਸਰਕਸ

    ਬਠਿੰਡਾ, 27 ਦਸੰਬਰ (ਗੁਰਪ੍ਰੀਤ ਚਹਿਲ/ਵਰਲਡ ਪੰਜਾਬੀ ਟਾਈਮਜ਼)

ਭਾਰਤੀ ਸੱਭਿਆਚਾਰ ਵਿੱਚ ਮਨੋਰੰਜਨ ਦਾ ਇਕ ਵਿਸ਼ੇਸ਼ ਅਤੇ ਵੱਖਰਾ ਸਥਾਨ ਰਿਹਾ ਹੈ। ਇਸ ਕਰਕੇ  ਮੇਲੇ, ਸਿਨੇਮੇ ਆਦਿ ਭਾਰਤੀਆਂ ਦੇ ਮਨੋਰੰਜਨ ਕਰਨ ਲਈ ਪ੍ਰਸਿੱਧ ਰਹੇ ਹਨ। ਇਹਨਾ ਸਭ ਮਨੋਰੰਜਨ ਸਾਧਨਾ ਚੋਂ ਵੀ ਪੁਰਾਤਨ ਅਤੇ ਕੁਦਰਤੀ ਰਿਹਾ ਹੈ ਸਰਕਸ। ਸਰਕਸ ਵਿੱਚ ਕਲਾਕਾਰਾਂ ਵੱਲੋਂ ਸਾਹਮਣੇਂ ਦਿਖਾਏ ਜਾਂਦੇ ਕਰਤੱਵਾਂ ਕਾਰਨ ਇਹ ਸਾਧਨ ਇੱਕ ਵੱਖਰੇ ਅਤੇ ਨਿਵੇਕਲੇ ਸਾਧਨ ਵਜੋਂ ਦਰਸ਼ਕਾਂ ਦੀ ਖਿੱਚ ਦਾ ਕੇਂਦਰ ਬਣਦਾ ਹੈ। ਕੁੱਝ ਅਜਿਹਾ ਹੀ ਮਨੋਰੰਜਨ ਕਰਨ ਲਈ ਬਠਿੰਡਾ ਦੀ ਦਾਣਾ ਮੰਡੀ ਨੇੜੇ ਖਾਲਸਾ ਗਰਾਉਂਡ ਵਿਖੇ ਮਨੋਰੰਜਨ ਦੇ ਰੂਪ ਵਿਚ ਭਾਰਤੀ ਸੱਭਿਆਚਾਰ ਨੂੰ ਦਰਸਾਉਂਦੀ ਅਮਰ ਸਰਕਸ ਸ਼ੁਰੂ ਹੋ ਗਈ ਹੈ। ਅਮਰ ਸਰਕਸ ਦੇ ਮੈਨੇਜਰ ਸੰਤੋਸ਼ ਨਈਅਰ, ਬਬਲੂ ਅਤੇ ਮੈਨੇਜਰ ਰਾਜੂ ਨੇ ਮੀਡੀਆ ਨੂੰ ਅਮਰ ਸਰਕਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸਰਕਸ ਦੇ ਦੁਪਹਿਰ 1 ਵਜੇ, ਸ਼ਾਮ 4:00 ਵਜੇ ਅਤੇ ਸ਼ਾਮ 7:00 ਵਜੇ ਰੋਜਾਨਾ 3 ਸ਼ੋਅ ਹੁੰਦੇ ਹਨ ।  ਉਹਨਾ ਨੇ ਕਿਹਾ ਕਿ ਅਮਰ ਸਰਕਸ ਦੁਨੀਆਂ ਦੀ ਸਭ ਤੋਂ ਮਸ਼ਹੂਰ ਸਰਕਸ ਹੈ। ਇਸ ਸਰਕਸ ਵਿੱਚ ਮਿਜ਼ੋਰਮ ਦੇ ਵਿਸ਼ੇਸ਼ ਕਲਾਕਾਰ ਆਪਣੀ ਕਲਾ ਦਾ ਪ੍ਰਦਰਸ਼ਨ ਕਰਦੇ ਹਨ ਇਸ ਤੋਂ ਇਲਾਵਾ ਮੌਤ ਦਾ ਖੂਹ ਵਿਸ਼ੇਸ਼ ਖਿੱਚ ਦਾ ਕੇਂਦਰ ਬਣਿਆ ਹੈ ਨਾਲ ਹੀ ਜੋਕਰ ਬੱਚਿਆਂ ਨੂੰ ਹਸਾਉਣ ਲਈ ਆਪਣੀ ਪ੍ਰਤਿਭਾ ਦਿਖਾਉਂਦੇ ਹਨ ਇਸ ਤੋਂ ਇਲਾਵਾ ਇਸ ਸਰਕਸ ਵਿੱਚ ਸਵਿੰਗ ਗੇਮਜ਼, ਸਾਈਕਲ ਗੇਮਜ਼, ਹੂਲਾ ਹੂਪ ਅਤੇ ਹੋਰ ਕਈ ਨਵੇਂ ਟ੍ਰਿਕ ਦਿਖਾਏ ਜਾਂਦੇ ਹਨ । ਉਹਨਾ ਨੇ ਕਿਹਾ ਕਿ ਸਕੂਲਾਂ ਲਈ 50 ਫੀਸਦੀ ਛੂਟ ਹੈ। ਜੇਕਰ ਕੋਈ ਸਕੂਲ 500 ਦੇ ਕਰੀਬ ਬੱਚੇ ਲਿਆਉਂਦਾ ਹੈ ਤਾਂ ਉਹਨਾ ਲਈ ਵੱਖਰਾ ਸ਼ੋਅ ਵੀ ਦਿਖਾਇਆ ਜਾਵੇਗਾ। ਉਹਨਾ ਨੇ ਕਿਹਾ ਕਿ ਸਰਕਸ ਸਾਡੇ ਭਾਰਤ ਦੀ ਸੱਭਿਆਚਾਰਕ ਵਿਰਾਸਤ ਹੈ ਜਿਸ ਨੂੰ ਅਸੀਂ ਅੱਜ ਤੱਕ ਸੰਭਾਲ ਕੇ ਰੱਖਿਆ ਹੈ। ਸਰਕਸ ਵਿੱਚ ਬੱਚਿਆਂ ਨੂੰ ਬਹੁਤ ਕੁਝ ਸਿੱਖਣ ਨੂੰ ਮਿਲਦਾ ਹੈ। ਅੱਜ ਦੇ ਸਮੇੰ ਵਿੱਚ ਬੱਚੇ ਹਮੇਸ਼ਾ ਮੋਬਾਈਲ ਫੋਨਾਂ ਵਿੱਚ ਹੀ ਖੁੱਭੇ ਰਹਿੰਦੇ ਹਨ ਜਿਸ ਕਾਰਨ ਉਹਨਾਂ ਨੂੰ ਕਈ ਤਰ੍ਹਾਂ ਦੀਆਂ ਅੱਖਾਂ ਦੀਆਂ ਬਿਮਾਰੀਆਂ ਲੱਗਣ ਦਾ ਡਰ ਬਣਿਆਂ ਰਹਿੰਦਾ ਹੈ ਉੱਥੇ ਹੀ ਉਹਨਾਂ ਵਿੱਚ ਚਿੜਚਿੜਾਪਣ ਅਤੇ ਹੋਰ ਕਈ ਪ੍ਰਕਾਰ ਦੀਆਂ ਮਾਨਸਿਕ ਬਿਮਾਰੀਆਂ ਲੱਗਣ ਦਾ ਡਰ ਬਣਿਆਂ ਰਹਿੰਦਾ ਹੈ। ਇਸ ਕਰਕੇ ਉਹਨਾ ਨੂੰ ਕੁਝ ਸਮੇਂ ਲਈ ਉਨ੍ਹਾ ਦੇ ਮੋਬਾਈਲ ਤੋਂ ਦੂਰ ਲੈ ਜਾਣਾ ਅਤੇ ਉਨ੍ਹਾ ਨੂੰ ਸਰਕਸ ਦੇ ਰੰਗ ਦਿਖਾਓਣਾ ਬੇਹੱਦ ਜਰੂਰੀ ਹੈ ਤਾਂ ਜੋ ਉਹ ਕੁਝ ਜਾਣਕਾਰੀ ਪ੍ਰਾਪਤ ਕਰ ਸਕਣ ਅਤੇ ਭਾਰਤੀ ਸੱਭਿਆਚਾਰ ਦੀ ਇਸ ਵਿਰਾਸਤ ਬਾਰੇ ਜਾਣ ਸਕਣ। ਉਹਨਾ ਨੇ ਦੱਸਿਆ ਕਿ ਸਰਕਸ ਦੀ ਐਡਵਾਂਸ ਬੁਕਿੰਗ ਵੀ ਕਰਵਾਈ ਜਾਂਦੀ ਹੈ ਜਿਸ ਲਈ 70733-43743 ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।