ਐੱਸ.ਬੀ.ਆਰ.ਐੱਸ. ਗੁਰੂਕੁਲ ਸਕੂਲ ’ਚ ਮਨਾਇਆ ਬਦੀ ’ਤੇ ਨੇਕੀ ਦੀ ਜਿੱਤ ਦਾ ਪ੍ਰਤੀਕ ਦੁਸਹਿਰਾ ਮਹਾਂਉਤਸਵ

ਦੁਸਹਿਰੇ ਦਾ ਤਿਉਹਾਰ ਸੱਚਾਈ, ਧਰਮ ਅਤੇ ਅਹਿੰਸਾ ਦੇ ਸਿਧਾਂਤਾਂ ਦਾ ਦਿੰਦੈ ਸੰਦੇਸ਼ : ਪਿ੍ਰੰਸੀਪਲ ਧਵਨ ਕੁਮਾਰ

ਕੋਟਕਪੂਰਾ, 14 ਅਕਤੂਬਰ (ਟਿੰਕੂ ਕੁਮਾਰ/ਵਰਲਡ ਪੰਜਾਬੀ ਟਾਈਮਜ਼)

ਦੁਸਹਿਰੇ ਦਾ ਤਿਉਹਾਰ, ਜਿਸ ਨੂੰ ਵਿਜਯਾਦਸ਼ਮੀ ਵੀ ਕਿਹਾ ਜਾਂਦਾ ਹੈ, ਦੇਸ਼ ਭਰ ਵਿੱਚ ਬੜੇ ਉਤਸ਼ਾਹ ਨਾਲ ਮਨਾਇਆ ਜਾਂਦਾ ਹੈ, ਇਹ ਸ਼ੱਭ ਅਵਸਰ ਬੁਰਾਈ ਉੱਤੇ ਚੰਗਿਆਈ ਦੀ ਜਿੱਤ ਦਾ ਪ੍ਰਤੀਕ ਹੈ, ਭਗਵਾਨ ਰਾਮ ਦੀ ਜਿੱਤ ਦਾ ਪ੍ਰਤੀਕ ਹੈ। ਦੈਂਤ ਰਾਜਾ ਰਾਵਣ, ਅਤੇ ਨਵਰਾਤਰੀ ਤਿਉਹਾਰ ਦੀ ਸਮਾਪਤੀ ’ਤੇ ਇਹ ਤਿਉਹਾਰ ਮਨਾਇਆ ਜਾਂਦਾ ਹੈ ਹਰ ਸਾਲ ਦੁਸਹਿਰੇ ਦੇ ਤਿਉਹਾਰਾਂ ਵਿੱਚ ਰਾਮਲੀਲਾ ਪ੍ਰਦਰਸਨ, ਜਲੂਸ, ਅਤੇ ਰਾਵਣ, ਮੇਘਨਾਦ ਅਤੇ ਕੁੰਭਕਰਨ ਦੇ ਪੁਤਲਿਆਂ ਨੂੰ ਪ੍ਰਤੀਕ ਰੂਪ ਵਿੱਚ ਸਾੜਨ ਸਮੇਤ ਕਈ ਤਰਾਂ ਦੇ ਸੱਭਿਆਚਾਰਕ ਅਤੇ ਪ੍ਰੰਪਰਾਗਤ ਪ੍ਰੋਗਰਾਮ ਪੇਸ ਕੀਤੇ ਜਾਂਦੇ ਹਨ। ਐਸ.ਬੀ.ਆਰ.ਐਸ ਗੁਰੂਕੁਲ ਸਕੂਲ ਵਿੱਚ ਵਿਆਪਕ ਰੂਪ ਵਿੱਚ ਦੁਸਹਿਰਾ ਮਹਾਂਉਤਸਵ ਮਨਾਇਆ ਗਿਆ। ਇਸ ਮੌਕੇ ਬੱਚਿਆਂ ਅਤੇ ਅਧਿਆਪਕਾਂ ਵੱਲੋਂ ਕਈ ਰੌਚਕ ਕਾਰਜਕਲਾਪਾਂ ਅਤੇ ਪ੍ਰੋਗਰਾਮ ਪੇਸ਼ ਕੀਤੇ ਗਏ। ਕਈ ਦਿਨਾਂ ਤੋਂ ਚਲਦੀਆਂ ਤਿਆਰੀਆਂ ਮਗਰੋਂ ਸੁਰੱਖਿਤਾ ਨਾਲ ਰਾਵਣ ਦੇ ਪੁਤਲੇ ਦਾ ਆਯੋਜਨ ਕੀਤਾ ਗਿਆ ਦੁਸਹਿਰੇ ਦੀ ਮਹਾਨਤਾ ਅਤੇ ਇਸਦੇ ਇਤਿਹਾਸਿਕ ਮਹੱਤਵ ਨੂੰ ਸਮਝਦੇ ਹੋਏ ਵਿਦਿਆਰਥੀਆਂ ਨੇ ਰਾਵਣ ਦੇ ਪੁਤਲੇ ਨੂੰ ਪ੍ਰਤੀਕਾਤਮਕ ਰੂਪ ਵਿੱਚ ਦਹਨ ਕੀਤਾ ਅਤੇ ਬੁਰਾਈ ਉੱਤੇ ਭਲਾਈ ਅਤੇ ਸੱਚ ਦੀ ਜਿੱਤ ਦੇ ਸੰਦੇਸ਼ ਨੂੰ ਖ਼ੁਸ਼ੀ ਨਾਲ ਫੈਲਾਇਆ। ਇਸ ਮੌਕੇ ਸਕੂਲ ਮੁਖੀ ਡਾਇਰੈਕਟਰ/ਪਿ੍ਰੰਸੀਪਲ ਡਾ. ਧਵਨ ਕੁਮਾਰ ਨੇ ਦੁਸਹਿਰੇ ਵਿਚਾਰ ਸਾਂਝੇ ਕਰਦਿਆਂ ਵਿਦਿਆਰਥੀਆਂ ਨੂੰ ਅਧਿਆਤਮਿਕ ਅਤੇ ਨੈਤਿਕ ਮੁੱਲ ਸਿਖਾਉਣ ਦੀ ਮਹੱਤਤਾ ’ਤੇ ਜੋਰ ਦਿੱਤਾ। ਇਸ ਮੌਕੇ ਬੱਚਿਆਂ ਵੱਲੋਂ ਰਾਮ, ਸੀਤਾ, ਅਤੇ ਲਕਸਮਣ ਦੇ ਰੂਪ ਵਿੱਚ ਰੂਪਾਂਤਰ ਕਰਕੇ ਪ੍ਰਸੰਗਾਂ ਦੀ ਪੇਸ਼ਕਾਰੀ ਕੀਤੀ ਗਈ। ਸਕੂਲ ਦੇ ਸਾਰੇ ਵਿਦਿਆਰਥੀ ਅਤੇ ਸਟਾਫ਼ ਮੈਂਬਰਾਂ ਵੱਲੋਂ ਸਕੂਲ ਦੇ ਖੇਡ ਮੈਦਾਨ ’ਚ ਇਕੱਤਰਤ ਹੋ ਕੇ ਰਾਵਣ ਦਹਨ ਕੀਤਾ ਗਿਆ। ਇਸ ਮੌਕੇ ਬੱਚਿਆਂ ਦੇ ਉਤਸ਼ਾਹ ਨੂੰ ਵੇਖਦਿਆਂ ਸਾਰੇ ਮੌਜੂਦ ਸਮੂਹ ਅਧਿਆਪਕ ਅਤੇ ਬਾਕੀ ਸਟਾਫ਼ ਮੈਂਬਰ ਬਹੁਤ ਖੁਸ਼ ਹੋਏ ਦੁਸਹਿਰੇ ਦੇ ਇਸ ਸਮਾਗਮ ਨੇ ਵਿਦਿਆਰਥੀਆਂ ਵਿਚ ਅੰਦਰੂਨੀ ਬੁਰਾਈਆਂ ਨਾਲ ਲੜਨ ਦਾ ਹੌਂਸਲਾ ਪੈਦਾ ਕੀਤਾ ਅਤੇ ਸੱਚਾਈ, ਧਰਮ ਅਤੇ ਅਹਿੰਸਾ ਦੇ ਸਿਧਾਂਤਾਂ ਨੂੰ ਅਪਣਾਉਣ ਦਾ ਸੰਦੇਸ਼ ਦਿੱਤਾ।