ਤਰਨ ਤਾਰਨ 6 ਮਈ (ਵਰਲਡ ਪੰਜਾਬੀ ਟਾਈਮਜ਼)

ਕਿਸਾਨੀ ਮੋਰਚੇ ਸ਼ੰਬੂ ਤੇ ਪਹਿਲੀ ਸ਼ਹੀਦ ਹੋਈ ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਦੀ ਮੈਂਬਰ ਬੀਬੀ ਬਲਵਿੰਦਰ ਕੌਰ ਦਾ ਸੰਸਕਾਰ ਉਹਨਾਂ ਦੇ ਜੱਦੀ ਪਿੰਡ ਵਾਲੀਪੁਰ ਵਿਖੇ ਕੀਤਾ ਗਿਆ।
ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਪੰਜਾਬ ਜ਼ਿਲ੍ਹਾ ਤਰਨ ਤਾਰਨ ਦੇ ਪ੍ਰਧਾਨ ਸਤਨਾਮ ਸਿੰਘ ਮਾਣੋਚਾਹਲ , ਸੂਬਾ ਆਗੂ ਸਲਵਿੰਦਰ ਸਿੰਘ ਚਤਾਲਾ,ਸੂਬਾ ਆਗੂ ਹਰਪ੍ਰੀਤ ਸਿੰਘ ਸਿੱਧਵਾਂ ਨੇ ਬੀਬੀ ਬਲਵਿੰਦਰ ਕੌਰ ਦੇ ਸੰਸਕਾਰ ਮੌਕੇ ਪਰਿਵਾਰ ਨਾਲ ਦੁੱਖ ਪ੍ਰਗਟਾਉਂਦੇ ਹੋਏ ਸ਼ਰਧਾ ਦੇ ਫੁੱਲ ਭੇਟ ਕੀਤੇ। ਕਿਸਾਨ ਆਗੂਆਂ ਨੇ ਕਿਹਾ ਕੀ ਇਹ ਸਾਡੀ ਬਦਕਿਸਮਤੀ ਹੈ। ਕਿ ਸਰਕਾਰ ਦੀਆਂ ਨਲਾਇਕੀਆਂ , ਮਾੜੀਆਂ ਨੀਤੀਆਂ, ਕਾਰਪੋਰੇਟ ਪੱਖੀ ਸੋਚ ਕਰਕੇ ।ਆਮ ਲੋਕਾਂ ਦੀ ਜ਼ਿੰਦਗੀ ਬੱਤ ਤੋਂ ਬੱਤਰ ਹੁੰਦੀ ਜਾ ਰਹੀ ਹੈ। ਉਹਨਾਂ ਕਿਹਾ ਕਿ ਇਹ ਸਾਡੀ ਬਹੁਤ ਵੱਡੀ ਤਰਾਸ਼ਦੀ ਹੈ। ਕਿ ਐਡੇ ਵੱਡੇ ਲੋਕਤੰਤਰੀ ਰਾਜ ਵਿੱਚ ਅੱਜ ਸਾਡੀਆਂ ਮਾਵਾਂ ਭੈਣਾਂ ਨੂੰ ਸੜਕਾਂ ਤੇ ਬੈਠ ਕੇ ਅੱਤ ਦੀ ਗਰਮੀ ਵਿੱਚ ਆਪਣੀਆਂ ਹੱਕੀ ਮੰਗਾਂ ਨੂੰ ਮਨਵਾਉਣ ਲਈ ਮੋਰਚਾ ਲਾਉਣਾ ਪਿਆ। ਉਹਨਾਂ ਕਿਹਾ ਜੇਕਰ ਕਾਰਪੋਰੇਟ ਘਰਾਣਿਆਂ ਲਈ ਕਾਰਪੋਰੇਟ ਪੱਖੀ ਕਾਨੂੰਨ ਬਣ ਸਕਦੇ ਹਨ। ਉਹਨਾਂ ਦਾ ਹਜ਼ਾਰਾਂ ਕਰੋੜਾਂ ਦਾ ਕਰਜਾ ਮਾਫ ਹੋ ਸਕਦਾ ਹੈ ।ਤਮ ਕਿਸਾਨਾਂ ਦੀਆਂ ਮੰਗਾਂ ਤੋਂ ਸਰਕਾਰ ਕਿਉਂ ਭੱਜ ਰਹੀ ਹੈ ।ਕਿਸਾਨ ਦੇਸ਼ ਦੀ ਰੀੜ ਦੀ ਹੱਡੀ ਹੈ। ਸਾਰਾ ਅਰਥਸ਼ਾਸਤਰ ਕਿਸਾਨੀ ਦੇ ਏੜ ਗੇੜ ਘੁੰਮਦਾ ਹੈ। ਜਿੱਥੇ ਕਿਸਾਨ ਅੰਨਦਾਤਾ ਹੈ। ਉੱਥੇ ਕਿਸਾਨ ਟੈਕਸ ਵੀ ਭਰਦਾ ਹੈ। ਖਾਦਾਂ ਦਵਾਈਆਂ ਕਿਸਾਨੀ ਸੰਦਾਂ ਤੇ ਜੀਐਸਟੀ ਦੇ ਕੇ ਖਰੀਦਾ ਹੈ। ਜਿਸ ਤੇ ਸਾਰਾ ਵਪਾਰ ਨਿਰਭਰ ਕਰਦਾ ਹੈ ।ਜਿਵੇਂ ਕਿਸਾਨ ਦੁਕਾਨਾਂ ਤੋਂ ਸਮਾਨ ਲੈਂਦਾ ਹੈ। ਦੁਕਾਨਦਾਰ ਅੱਗੋਂ ਕੰਪਨੀਆਂ ਤੋਂ ਸਮਾਨ ਲੈਂਦਾ ਹੈ। ਇਸੇ ਪ੍ਰਕਿਰਿਆ ਵਿੱਚ ਅਰਥ ਸ਼ਾਸਤਰ ਚੱਲ ਰਿਹਾ ਹੈ। ਜੇਕਰ ਕਿਸਾਨੀ ਨਾ ਬਚਾਈ ਗਈ ਤਾਂ ਇਹ ਸਾਰਾ ਢਾਂਚਾ ਤਹਿਸਨੈਸ ਹੋ ਜਾਵੇਗਾ। ਜਿਸ ਨੂੰ ਬਚਾਉਣ ਲਈ ਬੀਬੀ ਬਲਵਿੰਦਰ ਕੌਰ ਨੇ ਆਪਣੀ ਜਿੰਮੇਵਾਰੀ ਸਮਝਦੇ ਹੋਏ ਲਗਾਤਾਰ ਸ਼ੰਭੂ ਮੋਰਚੇ ਵਿੱਚ ਹਾਜ਼ਰੀ ਭਰੀ ਤੇ ਹਾਜਰੀ ਭਰਦੇ ਹੋਏ ਅੰਤ ਵਿੱਚ ਸ਼ਹੀਦੀ ਪ੍ਰਾਪਤ ਕਰ ਗਏ ।ਕਿਸਾਨ ਆਗੂਆਂ ਨੇ ਕਿਹਾ ਕਿ ਬੀਬੀ ਬਲਵਿੰਦਰ ਕੌਰ ਦੀ ਸ਼ਹੀਦੀ ਨੂੰ ਅਸੀਂ ਯਾਦ ਰੱਖਦੇ ਹੋਏ ।ਉਹਨਾਂ ਦੀ ਸੋਚ ਤੇ ਚਲਦੇ ਹੋਏ ਇਸ ਮੋਰਚੇ ਨੂੰ ਜਿੱਤ ਦੀਆਂ ਰਾਹਵਾਂ ਤੇ ਲੈ ਕੇ ਜਾਵਾਂਗੇ। ਅਤੇ ਹਰ ਉਸ ਦੱਬੇ ਕੁਚਲੇ ਵਰਗ ਦਾ ਨਾਲ ਖੜੇ ਹੋ ਕੇ ਉਸ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਾਂਗੇ। ਕਿਸਾਨ ਆਗੂਆਂ ਨੇ ਅਪੀਲ ਕੀਤੀ ਇਹ ਮੋਰਚਾ ਦੇਸ਼ ਨੂੰ ਬਚਾਉਣ ਲਈ ਅਖੀਰਲੀ ਲੜਾਈ ਹੈ। ਤੇ ਇਸ ਵਿੱਚ ਹਰ ਵਰਗ ਨੂੰ ਸ਼ਾਮ ਨੂੰ ਹੋਣਾ ਚਾਹੀਦਾ ਹੈ।ਇਸ ਦੁੱਖ ਘੜੀ ਵਿੱਚ ਸ਼ਾਮਿਲ ਹੋਏ ਆਗੂ ਰੇਸ਼ਮ ਸਿੰਘ ਘੁਰਕਵਿੰਡ, ਜਰਨੈਲ ਸਿੰਘ ਨੂਰਦੀ , ਫਤਿਹ ਸਿੰਘ ਪਿੱਦੀ, ਸਲਵਿੰਦਰ ਸਿੰਘ ਜੀਉਬਾਲਾ, ਲਖਵਿੰਦਰ ਸਿੰਘ ਪਲਾਸੌਰ, ਸੁਖਵਿੰਦਰ ਸਿੰਘ ਦੁਗਲਵਾਲਾ ਕੁਲਦੀਪ ਸਿੰਘ ਬੁੱਗਾ ਆਦਿ ਆਗੂ ਹਾਜ਼ਰ ਹੋਏ।