ਸੰਗਰੂਰ 2 ਮਈ (ਸਾਧਾ ਸਿੰਘ/ਵਰਲਡ ਪੰਜਾਬੀ ਟਾਈਮਜ਼)

ਬੀਐਸਐਨਐਲ ਪੈਨਸ਼ਨਰਜ਼ ਐਸੋਸੀਏਸ਼ਨ ਦੀ ਮੀਟਿੰਗ ਬੀਐਸਐਨਐਲ ਪਾਰਕ ਸੰਗਰੂਰ ਵਿਖੇ ਖ਼ਾਲਸਾ ਪੰਥ ਸਿਰਜਣਾ ਦਿਵਸ ਅਤੇ ਡਾਕਟਰ ਬੀਆਰ ਅੰਬੇਦਕਰ ਜੈਅੰਤੀ ਨੂੰ ਸਮਰਪਿਤ ਕੀਤੀ ਗਈ। ਸ਼ੁਰੂਆਤ ਵਿੱਛੜੀਆਂ ਰੂਹਾਂ ਸ਼੍ਰੀ ਸੁਖਦੇਵ ਸਿੰਘ ਬਸ਼ੋਆਨਾ ਦੇ ਛੋਟੇ ਸਪੁੱਤਰ,ਸ਼੍ਰੀ ਰਾਮ ਚੰਦਰ ਦਿੜ੍ਹਬਾ ਦੇ ਭਰਜਾਈ ਜੀ,ਸ਼੍ਰੀ ਨਿਖਿਲ ਸੂਰੀ ਦੇ ਪਿਤਾ ਜੀ,ਸ਼੍ਰੀ ਕਰਨੈਲ ਸਿੰਘ ਅਹਿਮਦਗੜ੍ਹ ਦੀ ਪੋਤਰੀ ਅਤੇ ਸ਼੍ਰੀ ਬਲਰਾਜ ਸਿੰਘ ਨਾਈਵਾਲਾ ਦੇ ਮਾਤਾ ਜੀ ਦੀ ਯਾਦ ਵਿੱਚ ਇੱਕ ਮਿੰਟ ਦਾ ਮੌਨ ਧਾਰਨ ਕਰਕੇ ਕੀਤੀ ਗਈ।ਇਸ ਮਹੀਨੇਂ ਜਨਮ ਦਿਨ ਅਤੇ ਵਿਆਹ ਸਾਲ ਗਿਰਾਹ ਵਾਲ਼ੇ ਸਾਥੀਆਂ ਨੂੰ ਤੋਹਫ਼ੇ ਦੇ ਕੇ ਸਨਮਾਣਿਤ ਕੀਤਾ ਗਿਆ। ਵਿਸ਼ੇਸ਼ ਤੌਰ ਤੇ ਸ਼ਮੂਲੀਅਤ ਕਰਨ ਵਾਲੇ ਸ਼੍ਰੀ ਐਸ ਐਚ ਗਰੇਵਾਲ Mangwal ਅਤੇ ਸ਼੍ਰੀ ਆਰ ਪੀ ਰਿਖੀ kalanwali ਜੀ ਦਾ ਨਿੱਘਾ ਸੁਆਗਤ ਕਰਦਿਆਂ ਸਨਮਾਣਿਤ ਕੀਤਾ ਗਿਆ। ਸ਼੍ਰੀ ਸ਼ਾਮ ਸੁੰਦਰ ਕੱਕੜ ਅਤੇ ਸ਼੍ਰੀ ਬਲਵੀਰ ਸਿੰਘ ਧੂਰੀ ਨੇ ਆਪਣੇ ਨਿਵੇਕਲੇ ਅੰਦਾਜ਼ ਵਿੱਚ ਹਾਸਰਸੀ ਸ਼ੈਲੀ ਨਾਲ ਖੂਬ ਮਨੋਰੰਜਨ ਕੀਤਾ।ਸ਼੍ਰੀ ਇੰਦਰ ਪਾਲ ਸਿੰਘ ਨੇ ਆਪਣੇ ਬੇਟੇ ਦੇ ਵਿਆਹ ਦੀ ਖ਼ੁਸ਼ੀ ਵਿੱਚ ਮਿਠਾਈ ਵੰਡੀ।ਸ਼੍ਰੀ ਬਲਰਾਜ ਸਿੰਘ ਨਾਈਵਾਲਾ ਨੂੰ ਆਪਣੀ ਮਾਤਾ ਦੇ ਮਰਨ ਉਪਰੰਤ ਸਰੀਰ ਦਾਨ ਕਰਨ ਕਰਕੇ ਸਨਮਾਣਿਤ ਕੀਤਾ ਗਿਆ।ਸ਼੍ਰੀ ਸਾਧਾ ਸਿੰਘ ਵਿਰਕ ਨੇ ਕੋਰਟ ਵਿੱਚ ਚਲ ਰਹੇ ਕੇਸਾਂ ( ਪੈਨਸ਼ਨ ਰੇਵਿਜਨ, ਅਤੇ ਪੈਨਸ਼ਨ ਕਮੁਟੇਸ਼ਨ ਦੀ ਰਿਕਵਰੀ ਬਾਰੇ ਕੇਸ ਜਿਸ ਵਿੱਚ ਪਟੀਸ਼ਨ ਕਰਤਾਵਾਂ ਵੱਲੋਂ ਰਿਕਵਰੀ ਦੀ ਮਿਆਦ 15 ਸਾਲ ਤੋਂ 10 ਸਾਲ ਕਰਨ ਵਾਸਤੇ ਮੰਗ ਕੀਤੀ ਗਈ ਹੈ ਅਤੇ ਹੋਰ ਵਿਚਾਰ ਅਧੀਨ ਮਾਮਲਿਆਂ) ਬਾਰੇ ਵਿਸਥਾਰ ਪੂਰਵਕ ਚਾਨਣਾ ਪਾਇਆ। ਸ਼੍ਰੀ ਵੀ ਕੇ ਮਿੱਤਲ, ਸ਼੍ਰੀ ਰਘਬੀਰ ਸਿੰਘ ਛਾਜਲੀ, ਸ਼੍ਰੀ ਪੀ ਕੇ
ਗਰਗ ਅਤੇ ਸ਼੍ਰੀ ਮੋਹਿੰਦਰ ਸਿੰਘ ਚੌਧਰੀ ਨੇ ਆਪਣੇ ਵਿਚਾਰ ਪੇਸ਼ ਕੀਤੇ ਅਤੇ ਪਿਛਲੇ ਸਮੇਂ ਦਰਮਿਆਨ ਸਰਕਲ ਸੈਕਟਰੀ ਸ੍ਰੀ ਜੀ ਐਸ ਬਾਜਵਾ ਦੇ ਇਕਤਰਫਾ ਰੋਲ ਬਾਰੇ ਜ਼ਿਕਰ ਕੀਤਾ ਅਤੇ ਮੀਟਿੰਗ ਵਿੱਚ ਹਾਜਰ ਸਮੂਹ ਪੈਨਸ਼ਨਰਾਂ ਨੇ ਧੂਰੀ ਵਿੱਚ ਹੋਣ ਵਾਲੀ 4 ਮਈ ਦੀ ਮੀਟਿੰਗ ਦੇ ਬਾਈਕਾਟ ਦਾ ਮਤਾ ਪਾਸ ਕੀਤਾ।
ਅੰਤ ਵਿੱਚ ਸ਼੍ਰੀ ਪੀ ਸੀ ਬਾਘਾ ਨੇ ਸੰਗਰੂਰ ਟੀਮ ਵੱਲੋਂ ਪੈਨਸ਼ਨਰਾਂ ਦੇ ਕਲਿਆਣ ਲਈ ਕੀਤੇ ਜਾ ਰਹੇ ਕਾਰਜਾਂ ਦੀ ਭਰਪੂਰ ਸ਼ਲਾਘਾ ਕੀਤੀ ਅਤੇ ਪਿਛਲੇ ਸਮੇਂ ਦਰਮਿਆਨ ਵਾਪਰੇ ਘਟਨਾਕ੍ਰਮ ਦੀ ਰੌਸ਼ਨੀ ਵਿੱਚ ਬਾਈਕਾਟ ਦੇ ਸੱਦੇ ਦੀ ਪ੍ਰੋੜਤਾ ਕੀਤੀ ਅਤੇ ਮੀਟਿੰਗ ਵਿੱਚ ਵੱਖ ਵੱਖ ਥਾਵਾਂ ਤੋਂ ਆਏ ਪੈਨਸ਼ਨਰਾਂ ਦਾ ਧੰਨਵਾਦ ਕੀਤਾ।
ਮੰਚ ਸੰਚਾਲਨ ਸ਼੍ਰੀ ਸਾਧਾ ਸਿੰਘ ਵਿਰਕ ਵੱਲੋਂ ਬਾਖੂਬੀ ਕੀਤਾ ਗਿਆ।