ਸ੍ਰੀ ਗੁਰੂ ਅਰਜਨ ਦੇਵ ਜੀ – ਲੜੀ ਭਾਗ 4
ਸ਼ਹੀਦਾਂ ਦੇ ਸਰਤਾਜ, ਪੰਜਵੇਂ ਪਾਤਸ਼ਾਹ
ਸ੍ਰੀ ਗੁਰੂ ਅਰਜਨ ਦੇਵ ਜੀ ਗੁਰੂ ਰਾਮਦਾਸ ਜੀ ਦੇ ਸਪੁੱਤਰ ਸਨ। 1581 ਵਿੱਚ ਗੁਰਗੱਦੀ ਸੰਭਾਲਣ ਤੋਂ ਬਾਅਦ ਉਨ੍ਹਾਂ ਨੇ ਸਿੱਖ ਪੰਥ ਨੂੰ ਸੰਗਠਨ, ਸੇਵਾ ਅਤੇ ਸ਼ਹਾਦਤ ਦੇ ਨਵੇਂ ਸਿਖਰ ‘ਤੇ ਪਹੁੰਚਾਇਆ।
- ਹਰਿਮੰਦਰ ਸਾਹਿਬ ਦੀ ਉਸਾਰੀ
ਅੰਮ੍ਰਿਤਸਰ ਦੇ ਸਰੋਵਰ ਦੇ ਵਿਚਕਾਰ ਹਰਿਮੰਦਰ ਸਾਹਿਬ ਦਾ ਨੀਂਹ ਪੱਥਰ ਰੱਖਵਾਇਆ। ਇਸਦੀ ਚਾਰੇ ਪਾਸੇ ਦਰਵਾਜ਼ੇ ਸਨ – ਸੰਦੇਸ਼ ਸੀ ਕਿ ਇਹ ਧਰਮ ਹਰ ਜਾਤ, ਧਰਮ ਦੇ ਮਨੁੱਖ ਲਈ ਖੁੱਲ੍ਹਾ ਹੈ। - ਆਦਿ ਗ੍ਰੰਥ ਦੀ ਸੰਪਾਦਨਾ
ਗੁਰੂ ਜੀ ਨੇ ਅੰਮ੍ਰਿਤਸਰ ਦੇ ਰਾਮਦਾਸ ਸਰੋਵਰ ਕੋਲ ਬੈਠ ਕੇ ਆਦਿ ਗ੍ਰੰਥ ਦੀ ਸੰਪਾਦਨਾ ਕੀਤੀ। ਭਾਈ ਗੁਰਦਾਸ ਜੀ ਲਿਖਾਰੀ ਬਣੇ ਅਤੇ 1604 ਵਿੱਚ ਪਹਿਲੀ ਬੀੜ ਤਿਆਰ ਹੋਈ। ਇਸ ਵਿੱਚ ਪਿਛਲੇ ਗੁਰੂਆਂ, ਭਗਤਾਂ ਅਤੇ ਸੂਫੀਆਂ ਦੀ ਬਾਣੀ ਇਕੱਠੀ ਕੀਤੀ ਗਈ। - ਮਸੰਦ ਪ੍ਰਥਾ ਅਤੇ ਦਸਵੰਧ
ਸੰਗਤ ਨੂੰ ਜੋੜਨ ਅਤੇ ਸੇਵਾ ਚਲਾਉਣ ਲਈ ਮਸੰਦ ਪ੍ਰਥਾ ਸਥਾਪਿਤ ਕੀਤੀ। ਆਮਦਨ ਦਾ ਦਸਵਾਂ ਹਿੱਸਾ ਗੁਰੂ ਘਰ ਲਈ ਦੇਣ ਦਾ ਸਿਧਾਂਤ ਪੱਕਾ ਕੀਤਾ। - ਸ਼ਹਾਦਤ
ਜਹਾਂਗੀਰ ਦੇ ਹੁਕਮ ‘ਤੇ 1606 ਵਿੱਚ ਲਾਹੌਰ ਵਿੱਚ ਗੁਰੂ ਜੀ ਨੂੰ ਗਰਮ ਤਵੇ ‘ਤੇ ਬਿਠਾ ਕੇ ਸ਼ਹੀਦ ਕੀਤਾ ਗਿਆ। ਉਨ੍ਹਾਂ ਨੇ ਕੋਈ ਪ੍ਰਤੀਕਾਰ ਨਹੀਂ ਕੀਤਾ, ਬਸ “ਤੇਰਾ ਕੀਤਾ ਮਿੱਠਾ ਲਾਗੇ” ਕਹਿ ਕੇ ਸ਼ਹਾਦਤ ਦਿੱਤੀ। ਇਹ ਸਿੱਖ ਇਤਿਹਾਸ ਦੀ ਪਹਿਲੀ ਵੱਡੀ ਸ਼ਹਾਦਤ ਸੀ।
ਗੁਰੂ ਅਰਜਨ ਦੇਵ ਜੀ ਨੇ ਦੁੱਖ-ਸਹਿਣ ਅਤੇ ਸੱਚ ‘ਤੇ ਅਡਿੱਗ ਰਹਿਣ ਦਾ ਮਾਰਗ ਦਿਖਾਇਆ। ਉਨ੍ਹਾਂ ਦੀ ਸਿੱਖਿਆ ਹੈ ਕਿ ਧਰਮ ਲਈ ਜਾਨ ਦੇਣੀ ਵੀ ਸੇਵਾ ਹੈ।
ਧੰਨ ਧੰਨ ਸ੍ਰੀ ਗੁਰੂ ਅਰਜਨ ਦੇਵ ਜੀ 🙏
ਵਾਹਿਗੁਰੂ ਜੀ ਕਾ ਖਾਲਸਾ, ਵਾਹਿਗੁਰੂ ਜੀ ਕੀ ਫਤਹਿ
ਨੋਟ: ਜ਼ਰੂਰੀ ਸਪਸ਼ਟੀਕਰਨ
ਸੰਗਤ ਜੀ, ਪਿਛਲੀ ਪੋਸਟ ਵਿੱਚ ਭੁੱਲਵੱਸ “ਗੋਇੰਦਵਾਲ” ਲਿਖਿਆ ਗਿਆ ਸੀ। ਸਹੀ ਤੱਥ ਇਹ ਹੈ ਕਿ ਆਦਿ ਗ੍ਰੰਥ ਦੀ ਬੀੜ ਅੰਮ੍ਰਿਤਸਰ ਦੇ ਰਾਮਦਾਸ ਸਰੋਵਰ ਕੋਲ ਲਿਖੀ ਗਈ। ਮੇਰੇ ਕੋਲੋਂ ਬਿਨਾਂ ਪੂਰੀ ਤਸਦੀਕ ਕੀਤੇ ਪੋਸਟ ਕਰਨ ਦੀ ਭੁੱਲ ਹੋਈ ਹੈ।
ਮੈਂ ਹੱਥ ਜੋੜ ਕੇ ਖਿਮਾ ਮੰਗਦੀ ਹਾਂ। ਇਤਿਹਾਸ ਗੁਰੂ ਦਾ ਹੈ, ਇਸ ਵਿੱਚ ਸ਼ੁੱਧਤਾ ਜ਼ਰੂਰੀ ਹੈ। ਸਹੀ ਜਾਣਕਾਰੀ ਦੇਣ ਵਾਲੇ ਸਾਰੇ ਪਾਠਕਾਂ ਦਾ ਧੰਨਵਾਦ। ਅੱਗੇ ਤੋਂ ਪੂਰੀ ਤਸੱਲੀ ਕਰਕੇ ਹੀ ਲਿਖਾਂਗੀ।
ਭੁੱਲ-ਚੁੱਕ ਮਾਫ਼ 🙏
ਗੁਰੂਅਰਜਨਦੇਵਜੀ #ਆਦਿਗ੍ਰੰਥ #ਹਰਿਮੰਦਰਸਾਹਿਬ #ਸਿੱਖਇਤਿਹਾਸ #ਸ਼ਹੀਦੀ
ਸੁਰਜੀਤ ਕੌਰ ਸਾਰੰਗ
ਮੈਂਬਰ ਇੰਟਰਨੈਸ਼ਨਲ ਸਿੱਖ ਕੌਂਸਿਲ
+918130660205
