ਕੋਟਕਪੂਰਾ, 11 ਮਈ (ਟਿੰਕੂ ਕੁਮਾਰ/ਵਰਲਡ ਪੰਜਾਬੀ ਟਾਈਮਜ਼)
ਅੱਜ ਸਾਰੇ ਵਿਸ਼ਵ ਵਿੱਚ ਮਦਰ ਡੇ ਮਨਾਇਆ ਗਿਆ। ਮਾਵਾਂ ਦਾ ਸਾਡੇ ਜੀਵਨ ਵਿਚ ਇਕ ਖ਼ਾਸ ਸਥਾਨ ਹੁੰਦਾ ਹੈ, ਜਿਸ ਦਾ ਕੋਈ ਮੁੱਲ ਨਹੀਂ ਹੁੰਦਾ। ਮਾਵਾਂ ਸਾਡੇ ਜੀਵਨ ਦੀਆਂ ਪਹਿਲੀ ਗੁਰੂ ਹੁੰਦੀਆਂ ਹਨ, ਜੋ ਸਾਨੂੰ ਦੁਨਿਆਦਾਰੀ ਅਤੇ ਨੈਤਿਕਤਾ ਦਾ ਪਾਠ ਪੜ੍ਹਾਉਂਦੀਆੱ ਹਨ। ਮਾਵਾਂ ਤੋ ਬਗੈਰ ਜੀਵਨ ਦੀ ਕਲਪਨਾ ਵੀ ਨਹੀਂ ਕੀਤੀ ਜਾ ਸਕਦੀ, ਧਰਤੀ ਦਾ ਦਰਜਾ ਵੀ ਮਾਤਾ ਬਰਾਬਰ ਹੁੰਦਾ ਹੈ। ਉਕਤ ਸ਼ਬਦਾਂ ਦਾ ਪ੍ਰਗਟਾਵਾ ਉੱਘੇ ਸਮਾਜਸੇਵੀ ਅਜੀਤ ਵਰਮਾ ਐਡਵੋਕੇਟ ਨੇ ਮਦਰ ਡੇ ਮੌਕੇ ਕੀਤਾ। ਇਸ ਮੌਕੇ ਪ੍ਰਜਾਪਤ ਸਮਾਜ ਸੇਵਾ ਸੁਸਾਇਟੀ ਮੋਗਾ ਨੇ ਬੂਟਾ ਲਗਾ ਕੇ ਮਦਰ ਡੇ ਮੌਕੇ ਧਰਤੀ ਮਾਤਾ ਦਾ ਆਸ਼ੀਰਵਾਦ ਲਿਆ। ਇਸ ਮੌਕੇ ਸੁਸਾਇਟੀ ਦੇ ਪ੍ਰਧਾਨ ਜੈ ਚੰਦ ਬੇਵਾਲ, ਹੰਸਰਾਜ ਸਰਪ੍ਰਸਤ, ਅਰਜਨ ਰਾਮ ਵਿੱਤ ਸਕੱਤਰ ਅਤੇ ਅਸ਼ੋਕ ਕੁਮਾਰ ਮੁੱਖ ਸੱਕਤਰ ਨੇ ਕਿਹਾ ਕਿ ਧਰਤੀ ‘ਤੇ ਵਧਦੇ ਪ੍ਰਦੂਸ਼ਨ ਕਾਰਨ ਧਰਤੀ ਮਾਤਾ ਦੀ ਗੁਣਵੱਤਾ ਅਤੇ ਸੰਤੁਲਣ ਵਿੱਚ ਗਿਰਾਵਟ ਆ ਰਹੀ ਹੈ, ਇਸ ਲਈ ਸੁਸਾਇਟੀ ਵਲੋਂ ਨਿੱਕਾ ਅਜਿਹਾ ਉਪਰਾਲਾ ਕੀਤਾ ਗਿਆ ਹੈ। ਧਰਤੀ ਤੋ ਬਗੈਰ ਜੀਵਨ ਸੰਭਵ ਨਹੀਂ ਹੈ, ਸੁਸਾਇਟੀ ਵਲੋਂ ”ਦਰੱਖਤ ਲਗਾਓ ਧਰਤੀ ਬਚਾਓ” ਦਾ ਨਾਰਾ ਦਿੱਤਾ ਗਿਆ।
