ਜਿੰਦਗੀ

1- ਨਰਾਜ਼ਗੀ ਜੇ ਕਿਸੇ ਸਮਝਣੀ
ਤਾਂ ਅੱਖਾਂ ਦੀ ਘੂਰ ਤੋਂ ਸਮਝ ਜਾਣਾ
ਬੋਲਣ ਦੀ ਲੋੜ ਨਾਂ ਪਏ ਉੱਥੇ
ਜਿੰਨੇ ਚੁੱਪ ਨੂੰ ਹੀ ਕਹਿਰ ਸਮਝ ਜਾਣਾ

2- ਜਿੰਦਗੀ ਦਾ ਬੋਝ ਹੁਣ ਢੋਣਾ ਹੀ ਪੈਣਾ ਏ
ਖੁਦ ਨੂੰ ਖੁਦ ਨਾਲ ਹੁਣ ਸੰਝੋਣਾ ਹੀ ਪੈਣਾ ਏ
ਰਹਿ ਗਏ ਜੋ ਕਲਾਮ ਅਧੂਰੇ
ਉਨਾਂ ਨੂੰ ਲਫਜ਼ਾਂ ਵਿੱਚ ਪਰੋਣਾ ਹੀ ਪੈਣਾ ਏ

3- ਜੇਕਰ ਬਹੁਤ ਖੂਬ ਹਰ ਕੋਈ ਕਹਿੰਦਾ
ਜਿੰਦਗੀ ਦੇ ਉਹ ਉਖੜੇ ਪੰਨੇ
ਅੱਜ ਦਿਲਾ ਤੇਰਾ ਸਰੂਰ ਹੋ ਜਾਂਦੇ

4- ਜੋ ਬੇਈਮਾਨ ਏ
ਉਸਨੂੰ ਉਸਦੀ ਭਾਸ਼ਾ ਵਿੱਚ ਹੀ ਸਮਝਾਣਾ ਪੈਂਦਾ ਹੈ
ਤਾਂ ਜੋ ਉਸਨੂੰ ਬੇਇਮਾਨੀ ਦਾ ਕੈਤਾ ਪੜਣ ਦੀ ਲੋੜ ਪੈ ਜਾਏ

5- ਚੁੱਪ ਰਹਿ ਕਿ ਵੀ ਲੜਨਾ ਹੈ, ਪਰ ਖੁਦ ਨਾਲ
ਸਵਾਲ ਵੀ ਕਰਣਾ ਹੈ ਪਰ ਖੁਦ ਨਾਲ
ਇਹ ਜੰਗ ਨਹੀਂ ਖਤਮ ਹੋਣੀ ਮੇਰੇ ਤੋਂ
ਤਾ ਉਮਰ ਅਜਮਾਇਸ਼ ਵੀ ਹੋਣੀ ਏ ਪਰ ਖੁਦ ਨਾਲ

6- ਬਸ ਇੱਥੇ ਆ ਕੇ ਹੀ ਤਾਂ ਹਾਰ ਜਾਈ ਦਾ ਏ
ਕਿ ਸਮਝੇਗਾ ਕੌਣ ਤੇ ਸਮਝਾਏਗਾ ਕੌਣ

7- ਮਜਬੂਰੀਆਂ ਦੂਰ ਲੈ ਆਈਆਂ ਆਪਣਿਆਂ ਤੋਂ
ਨਹੀਂ ਤਾਂ ਸਮਾਂ ਕੁਝ ਹੋਰ ਹੋਣਾ ਸੀ
ਇੱਕਲਾਪਣ ਬਰੂਹਾਂ ਉੱਤੇ
ਤੇ ਹਮਜਾਇਆਂ ਦਾ ਸਾਥ ਹੋਣਾ ਸੀ

8- ਸਮਾਜ ਦੀ ਖਾਤਿਰ ਪਿਆਰ ਛੱਡਿਆ
ਪਰਿਵਾਰ ਦੀ ਖਾਤਿਰ ਘਰ ਬਾਰ ਛੱਡਿਆ
ਛੱਡ ਦਿੱਤੀਆਂ ਨੇ ਹੁਣ ਉਹ ਖਵਾਇਸ਼ਾਂ ਵੀ ਅਧੂਰੀਆਂ
ਜਿੰਨਾ ਸਦਕਾ ਅਸੀਂ ਆਪਣਾ ਆਪ ਵਾਰ ਛੱਡਿਆ

9- ਸਾਰੀ ਜਿੰਦਗੀ ਹਰ ਸ਼ਖਸ ਨਾਲ
ਆਪਣੇ ਹਕ ਲਈ ਲੜਨਾ ਪਿਆ
ਥਕ ਗਈ ਮੈਂ ਹੰਭ ਗਈ ਮੈਂ
ਅਖੀਰ ਮੈਨੂੰ ਹੀ ਸੜਣਾ ਪਿਆ

10- ਦੋਹਾਂ ਨੂੰ ਇਹਸਾਸ ਏ ਜੁਦਾਈ ਦਾ
ਸੰਗ ਬਿਤਾਏ ਲਮਹਿਆਂ ਦੀ ਤਨਹਾਈ ਦਾ
ਜੋ ਅਹਿਸਾਸ ਕਦੇ ਹੈ ਹੀ ਨਹੀਂ ਸੀ ਦੋਵਾਂ ਵਿੱਚ
ਉਸ ਅਹਿਸਾਸ ਨੂੰ ਹੁਣ ਰੋਜ ਹੰਡਾਈ ਦਾ

ਰਸ਼ਪਿੰਦਰ ਕੌਰ ਗਿੱਲ