ਚੰਡੀਗੜ੍ਹ, 25 ਮਾਰਚ ( ਅੰਜੂ ਅਮਨਦੀਪ ਗਰੋਵਰ/ਵਰਲਡ ਪੰਜਾਬੀ ਟਾਈਮਜ਼)
ਮਹਿਕਦੇ ਅਲਫ਼ਾਜ਼ ਸਾਹਿਤ ਸਭਾ ਵੱਲੋਂ ਮਹਿਲਾ ਦਿਵਸ ਨੂੰ ਸਮਰਪਿਤ 42ਵਾਂ ਕਵੀ ਦਰਬਾਰ 18ਮਾਰਚ ਨੂੰ ਜੂਮ ਮਧਿਅਮ ਰਾਹੀਂ ਆਨਲਾਈਨ ਆਯੋਜਿਤ ਕੀਤਾ ਗਿਆ।
ਸਭ ਤੋਂ ਪਹਿਲੇ ਸਭਾ ਦੇ ਸਰਪ੍ਰਸਤ ਨਾਮਵਰ ਗ਼ਜ਼ਲਗੋ ਡਾ.ਗੁਰਚਰਨ ਕੌਰ ਕੋਚਰ ਨੇ ਅਤੇ ਸਭਾ ਦੀ ਸੰਸਥਾਪਕ ਤੇ ਪ੍ਰਧਾਨ ਡਾ. ਰਵਿੰਦਰ ਕੌਰ ਭਾਟੀਆ ਨੇ ਸਾਰੀਆਂ ਮਾਣਮੱਤੀ ਸ਼ਖਸੀਅਤਾਂ ਦਾ ਨਿੱਘਾ ਸਵਾਗਤ ਕੀਤਾ ਅਤੇ ਸਭ ਨੂੰ ਜੀ ਆਇਆਂ ਆਖਿਆ। ਉਸ ਤੋਂ ਬਾਅਦ ਸੁਰੀਲੀ ਆਵਾਜ਼ ਦੀ ਮਲਿਕਾ, ਨਾਮਵਰ ਗੀਤਕਾਰ ਅਤੇ ਸ਼ਾਇਰਾ, ਸਭਾ ਦੀ ਮੀਤ ਪ੍ਰਧਾਨ ਮੀਤਾ ਖੰਨਾ ਨੇ ਆਪਣੀ ਮਿੱਠੀ ਆਵਾਜ਼ ਵਿਚ ਗੀਤ ਗਾ ਕੇ ਪ੍ਰੋਗਰਾਮ ਦਾ ਵਧੀਆ ਆਗਾਜ਼ ਕੀਤਾ ਅਤੇ ਆਪਣੀ ਮਿੱਠੀ ਆਵਾਜ਼ ਵਿਚ ਬਹੁਤ ਵੀ ਵਧੀਆ ਮੰਚ ਸੰਚਾਲਨ ਕੀਤਾ ਅਤੇ ਸਭ ਤੋਂ ਵਾਹ ਵਾਹ ਖੱਟੀ।ਮਿਸਿਜ਼ ਇਡਿਆ ਰਹਿ ਚੁੱਕੀ, ਖੂਬਸੂਰਤ ਮੋਡਲ ਗਰਿਮਾ ਕਵਾਥੇਕਰ ਨੇ ਪ੍ਰੋਗਰਾਮ ਵਿੱਚ ਸ਼ਾਮਿਲ ਹੋ ਕੇ ਮਹਿਲਾ ਦਿਵਸ ਤੇ ਆਪਣੇ ਵਿਚਾਰ ਸਾਝੇ ਕੀਤੇ।
ਨਾਮਵਰ ਸ਼ਾਇਰਾ ਤੇ ਸੂਫ਼ੀ ਗਾਇਕਾ ਅਮਨ ਸੂਫ਼ੀ ਨੇ ਆਪਣੀ ਮਿਠੀ ਨਾਲ ਸਮਾਂ ਬੰਨ੍ਹ ਦਿੱਤਾ। ਮਹਿਲਾ ਦਿਵਸ ਦੀ ਇਸ ਮਹਿਫਿ਼ਲ ਵਿੱਚ ਡਾ. ਦਲਬੀਰ ਸਿੰਘ ਕਥੂਰੀਆ,ਮਨਦੀਪ ਕੌਰ ਟਾਂਗਰਾ, ਹਰਜੀਤ ਕੌਰ ਟਾਂਗਰਾ, ਡਾ.ਆਂਚਲ ਅਰੋੜਾ, ਮੰਗਤ ਖਾਨ, ਮੀਤਾ ਖੰਨਾ, ਅਮਨਬੀਰ ਸਿੰਘ ਧਾਮੀ, ਡਾ.ਰਾਜਬੀਰ ਕੌਰ ਗਰੇਵਾਲ, ਸਰਬਜੀਤ ਕੌਰ ਹਾਜੀਪੁਰ, ਮਨਦੀਪ ਭਦੌੜ ਆਦਿ ਨੇ ਗੀਤ,ਗ਼ਜ਼ਲ ਅਤੇ ਕਵਿਤਾਵਾਂ ਰਾਹੀਂ ਮਹਿਫ਼ਿਲ ‘ਚ ਚਾਰ ਚੰਨ ਲਗਾਏ। ਪੰਜਾਬੀ ਵਿਸ਼ਵ ਸਭਾ ਦੇ ਚੈਅਰਮੈਨ, ਨਾਮਵਰ ਸਮਾਜਸੇਵੀ ਦਲਬੀਰ ਸਿੰਘ ਕਥੂਰੀਆ ਜੀ ਨੇ ਸਮਾਗਮ ਵਿੱਚ ਸ਼ਾਮਿਲ ਨਾਰੀ ਸ਼ਕਤੀ ਨੂੰ ਮੁਬਾਰਕਬਾਦ ਦਿੱਤੀ ਤੇ ਸਾਰੇ ਪ੍ਰੰਬਧਕਾ ਨੂੰ ਵਧੀਆ ਸਮਾਗਮ ਉਲੀਕਣ ਲਈ ਵਧਾਈ ਦਿੱਤੀ।
ਅੰਤ ਵਿੱਚ ਸਭਾ ਦੀ ਸੰਸਥਾਪਕ / ਪ੍ਰਧਾਨ ਡਾ.ਰਵਿੰਦਰ ਕੌਰ ਭਾਟੀਆ ਅਤੇ ਅਮਨਬੀਰ ਸਿੰਘ ਧਾਮੀ ਨੇ ਸਭ ਦਾ ਦਿਲ ਦੀਆਂ ਗਹਿਰਾਈਆਂ ਤੋਂ ਧੰਨਵਾਦ ਕੀਤਾ ਅਤੇ ਭਵਿੱਖ ਵਿਚ ਵੀ ਮਾਂ ਬੋਲੀ ਨੂੰ ਪ੍ਰਫੁੱਲਿਤ ਕਰਨ ਲਈ ਅਜਿਹੇ ਉਪਰਾਲੇ ਕਰਨ ਦਾ ਵਾਅਦਾ ਕੀਤਾ। ਇਸ ਤਰ੍ਹਾਂ ਇਹ ਗੀਤ- ਗ਼ਜ਼ਲ ਮਹਿਫ਼ਿਲ ਅਮਿੱਟ ਪੈੜਾਂ ਛੱਡਦੀ ਹੋਈ ਸੰਪੰਨ ਹੋਈ।
