ਆਪਣੀ ਇੱਕ ਪੁਰਾਣੀ ਯਾਦ ਸਾਂਝੀ ਕਰ ਰਹੀ ਹਾਂ। ਸ਼ਾਇਦ ਪਹਿਲਾਂ ਵੀ ਕਦੀ ਕੀਤੀ ਹੋਏ ਹੁਣੇ ਮੇਮੂਰੀ ਆਈ ਤੇ ਸੋਚਿਆ ਕਿ ਮੈਂ ਆਪਣੀ ਡਾਇਰੀ ਦਾ ਇੱਕ ਪੰਨਾ ਇਹ ਵੀ ਸ਼ੇਅਰ ਕਰਾਂ ।

ਚੰਡੀਗੜ੍ਹ 9 ਜੂਨ (ਰਮਿੰਦਰ ਵਾਲੀਆ /ਵਰਲਡ ਪੰਜਾਬੀ ਟਾਈਮਜ਼)

“ ਆਪਣੀਆਂ ਯਾਦਾਂ ਦੇ ਝਰੋਖੇ ਚੋਂ ਇਕ ਪੰਨਾ ਮੈਂ ਆਪ ਜੀ ਨਾਲ ਹੋਰ ਸਾਂਝਾ ਕਰ ਰਹੀ ਹਾਂ ..ਇਹ ਯਾਦਾਂ ਮੇਰੇ ਧੁਰ ਅੰਦਰ ਤੱਕ ਰੱਚ ਚੁੱਕੀਆਂ ਨੇ ..ਕੁਝ ਯਾਦਗਾਰੀ ਤਸਵੀਰਾਂ ਇਹਨਾਂ ਯਾਦਾਂ ਦੀਂਆਂ :- “
1993 ਵਿੱਚ ਚੰਡੀਗੜ੍ਹ 35 ਸੈਕਟਰ ਦੇ ਗੁਰਦੁਆਰਾ ਸਾਹਿਬ ਜੀ ਦੇ ਪ੍ਰਧਾਨ ਬੀਬੀ ਸੁਰਜੀਤ ਕੌਰ ਜੀ ਸੰਧੂ ਦੇ ਸਹਿਯੋਗ ਤੇ ਉਪਰਾਲੇ ਨਾਲ ਇਕ ਸਮੂਹ ਇਸਤਰੀ ਸਤਿਸੰਗ ਸੰਸਥਾ ਬਣਾਈ ਗਈ ..ਜਿਸਦੇ ਉਹ ਪ੍ਰਧਾਨ ਤੇ ਮੈਨੂੰ ਸੈਕਟਰੀ ਜਰਨਲ ਦੀ ਸੇਵਾ ਸੌਂਪੀ ਗਈ ..ਇਹ ਸੰਸਥਾ ਰਜਿਸਟਰਡ ਹੈ ..ਚੰਡੀਗੜ੍ਹ ਦੇ ਬਹੁਤ ਸਾਰੇ ਗੁਰਦੁਆਰਾ ਸਾਹਿਬ ਜੀ ਦੇ ਇਸਤਰੀ ਸਤਿਸੰਗ ਜੱਥਿਆਂ ਦੀ ਮੀਟਿੰਗ ਕੀਤੀ ਗਈ ਤੇ ਇਹ ਫੈਸਲਾ ਕੀਤਾ ਗਿਆ ਕਿ ਮਹੀਨੇ ਵਿੱਚ ਹਰ ਗੁਰਦੁਆਰਾ ਸਾਹਿਬ ਵਿਖੇ ਇਕ ਧਾਰਮਿਕ ਪ੍ਰੋਗ੍ਰਾਮ ਹੋਇਆ ਕਰੇਗਾ ਤੇ ਉੱਥੇ ਸਮੂਹ ਗੁਰਦੁਆਰਾ ਸਾਹਿਬ ਜੀ ਦੇ ਇਸਤਰੀ ਸਭਾਵਾਂ ਦੇ ਜੱਥੇ ਹਾਜ਼ਰੀ ਭਰਿਆ ਕਰਨ ਗੇ ..ਉਸ ਮੀਟਿੰਗ ਵਿੱਚ 10 ਪਾਤਸ਼ਾਹੀਆਂ ਦੀ ਦੇ ਪ੍ਰਕਾਸ਼ ਪੁਰਬ ..ਸ਼ਹੀਦੀ ਪੁਰਬ ..ਵਿਸਾਖੀ ..ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਪ੍ਰਕਾਸ਼ ਪੁਰਬ ਤੇ ਗੁਰਗੱਦੀ ਦਿਵਸ ਤੇ ਹੋਰ ਪੁਰਬ ਮਨਾਉਣ ਦੀ ਫੈਸਲਾ ਕੀਤਾ ਗਿਆ ..
ਚੂੰ ਕਿ ਮੈਂ 37 ਸੀ ਦੇ ਗੁਰਦੁਆਰਾ ਸਾਹਿਬ ਜੀ ਦੀ ਇਸਤਰੀ ਸਤਿਸੰਗ ਦੀ ਮੁੱਖ ਸੇਵਾਦਾਰ ਸੀ ਤੇ ਅਸੀਂ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਗੁਰੂ ਗੱਦੀ ਦਿਵਸ ਮਨਾਉਣ ਲਈ ਕਿਹਾ ..ਜੋ ਕਿ 1993 ਤੋਂ ਅਜੇ ਤੱਕ ਬਹੁਤ ਵਧੀਆ ਤਰੀਕੇ ਨਾਲ ਮਨਾਇਆ ਜਾਂਦਾ ਹੈ ..ਇਸੇ ਤਰਾਂ ਮਹੀਨੇ ਵਿੱਚ ਇਕ ਜਾਂ ਦੋ ਗੁਰਪੁਰਬ ਸਮੂਹਿਕ ਤੌਰ ਤੇ ਇਸ ਸੰਸਥਾ ਵੱਲੋਂ ਮਨਾਇਆ ਜਾਂਦਾ ਹੈ ..ਇਕ ਗੁਰਦੁਆਰਾ ਸਾਹਿਬ ਵਿੱਚ ਕੋਈ ਪੁਰਬ ਮਨਾਇਆ ਜਾਂਦਾ ਹੈ ਤੇ ਉੱਥੇ ਚੰਡੀਗੜ੍ਹ ਦੇ ਸਮੂਹ ਸੈਕਟਰਜ਼ ਦੇ ਜਥੇ ਵੀ ਪਹੁੰਚਦੇ ਹਨ ..ਹਰ ਜਥੇ ਦੀ ਮੁਖੀ ਬੀਬੀ ਨੂੰ ਵਾਹਿਗੁਰੂ ਜੀ ਦੀ ਬਖ਼ਸ਼ਿਸ਼ ਦੀ ਸਿਰੋਪਾ ਜਾਂ ਕੋਈ ਧਾਰਮਿਕ ਤੁੱਕ ਜਾਂ ਚਿੰਨ ਵਾਲਾ ਸਿਰੋਪਾ ਜਾਂ ਮੋਮੈਂਟੋ ਦੇ ਕੇ ਸਨਮਾਨਿਤ ਕੀਤਾ ਜਾਂਦਾ ਹੈ ..ਚਾਹ ਪਾਣੀ ਤੇ ਲੰਗਰ ਦਾ ਵੀ ਪ੍ਰਬੰਧ ਹੁੰਦਾ ਹੈ ..ਪ੍ਰਬੰਧਕ ਕਮੇਟੀ ਮੈਂਬਰਜ਼ ਨੂੰ ਵੀ ਬੁਲਾਇਆ ਜਾਂਦਾ ਹੈ ..ਪ੍ਰੋਗਰਾਮ ਦੀ ਸਮਾਪਤੀ ਦੇ ਬਾਦ ..ਕਮੇਟੀ ਮੈਂਬਰਜ਼ ..ਸਾਰੇ ਸੇਵਾਦਾਰ ..ਰਾਗੀ ਸਿੰਘ ..ਗ੍ਰੰਥੀ ਸਾਹਿਬਾਨ ਤੇ ਭਾਈ ਸਾਹਿਬ ਜੀ ਤੇ ਹੋਰ ਸਾਰੇ ਸਟਾਫ਼ ਨੂੰ ਸਨਮਾਨਿਤ ਕੀਤਾ ਜਾਂਦਾ ਹੈ ..