ਫ਼ਰੀਦਕੋਟ 5 ਮਾਰਚ : (ਵਰਲਡ ਪੰਜਾਬੀ ਟਾਈਮਜ਼)

ਪੰਜਾਬੀ ਸਾਹਿਤ ਸਭਾ ( ਰਜ਼ਿ ) ਫ਼ਰੀਦਕੋਟ ਦੀ ਮਾਸਿਕ ਮੀਟਿੰਗ ਮਿਤੀ 3 ਮਾਰਚ 2024 ਨੂੰ ਪੈਨਸ਼ਨਰਜ਼ ਭਵਨ ਫਰੀਦਕੋਟ ਵਿਖੇ ਹੋਈ। ਜਿਸ ਦੀ ਪ੍ਰਧਾਨਗੀ ਪ੍ਰੋ: ਪਾਲ ਸਿੰਘ ਨੇ ਕੀਤੀ। ਇਸ ਮੀਟਿੰਗ ਵਿੱਚ ਕਰਨਲ ਬਲਬੀਰ ਸਿੰਘ ਸਰਾਂ , ਇਕਬਾਲ ਘਾਰੂ , ਇੰਜ: ਦਰਸ਼ਨ ਸਿੰਘ ਰੋਮਾਣਾ , , ਸੁਰਿੰਦਰਪਾਲ ਸ਼ਰਮਾ ਭਲੂਰ , ਵਤਨਵੀਰ ਜ਼ਖਮੀ , ਧਰਮ ਪ੍ਰਵਾਨਾ , ਜਤਿੰਦਰਪਾਲ ਟੈਕਨੋ, ਸਾਧੂ ਸਿੰਘ ਚੰਮੇਲੀ , ਰਾਜ ਧਾਲੀਵਾਲ , ਹਰਸੰਗੀਤ ਗਿੱਲ , ਗੁਰਤੇਜ ਪੱਖੀ ਕਲਾਂ , ਬਲਬੀਰ ਸਿੰਘ ਧੀਰ , ਸ਼ਿਵਨਾਥ ਦਰਦੀ , ਬਲਵੰਤ ਰਾਏ ਗੱਖੜ , ਨੇਕ ਸਿੰਘ ਮਾਹੀ , ਆਦਿ ਲੇਖਕਾਂ ਨੇ ਭਾਗ ਲਿਆ। ਹਾਜ਼ਰ ਲੇਖਕਾਂ ਦੀ ਸਰਬ ਸੰਮਤੀ ਨਾਲ ਸਭਾ ਦੀ ਸਾਲ 2024 ਲਈ ਚੋਣ ਕੀਤੀ ਗਈ। ਜਿਸ ਵਿੱਚ ਪ੍ਰੋ: ਪਾਲ ਸਿੰਘ ਮੁੱਖ ਸਰਪ੍ਰਸਤ , ਲਾਲ ਸਿੰਘ ਕਲਸੀ ਸਰਪ੍ਰਸਤ , ਕਰਨਲ ਬਲਬੀਰ ਸਿੰਘ ਸਰਾਂ ਪ੍ਰਧਾਨ , ਜੀਤ ਗੋਲੇਵਾਲੀਆ ਮੀਤ ਪ੍ਰਧਾਨ , ਇਕਬਾਲ ਘਾਰੂ ਜਨਰਲ ਸਕੱਤਰ, ਧਰਮ ਪ੍ਰਵਾਨਾ ਪ੍ਰਚਾਰ ਸਕੱਤਰ, ਵਤਨਵੀਰ ਜ਼ਖਮੀ ਯੂਨੀਅਰ ਪ੍ਰਚਾਰ ਸਕੱਤਰ , ਸੁਰਿੰਦਰਪਾਲ ਸ਼ਰਮਾ ਵਿੱਤ ਸਕੱਤਰ, ਪ੍ਰਿੰ: ਨਵਰਾਹੀ ਘੁਗਿਆਣਵੀ ਮੁੱਖ ਸਲਾਹਕਾਰ , ਇੰਜ: ਦਰਸ਼ਨ ਸਿੰਘ ਰੋਮਾਣਾ ਸਲਾਹਕਾਰ ਅਤੇ ਮੈਂਬਰ ਕਮੇਟੀ ਵਿੱਚ ਰਾਜ ਧਾਲੀਵਾਲ , ਸੁਖਚੈਨ ਥਾਂਦੇਵਾਲਾ, ਬਲਵੰਤ ਰਾਏ ਗੱਖੜ , ਬੀਬੀ ਪ੍ਰਕਾਸ਼ ਕੌਰ ਬਰਾੜ , ਗੁਰਤੇਜ ਪੱਖੀ ਕਲਾਂ ਨਾਮਜ਼ਦ ਕੀਤੇ ਗਏ। ਚੋਣ ਉਪਰੰਤ ਹਾਜ਼ਰ ਲੇਖਕਾਂ ਨੇ ਆਪਣੇ ਆਪਣੇ ਕਲਾਮ ਪੇਸ਼ ਕੀਤੇ ਜਿੰਨ੍ਹਾਂ ਤੇ ਭਖਵੀ ਬਹਿਸ ਹੋਈ। ਅਖੀਰ ਵਿੱਚ ਸਭਾ ਵੱਲੋਂ ਕੁਝ ਸ਼ੋਕ ਮਤੇ ਪਾਏ ਗਏ। ਪੰਜਾਬੀ ਦੀ ਨੌਜਵਾਨ ਕਵਿੱਤਰੀ ਸੋਨੀਆ ਭਾਰਤੀ , ਪ੍ਰਸਿੱਧ ਸੀਰੀਅਲ ਉਡਾਣ ਦੀ ਅਦਾਕਾਰਾ ਕਵਿਤਾ ਚੌਧਰੀ , ਪੰਜਾਬੀ ਲੇਖਕ ਸੁਖਜੀਤ ਦੰਗਲ ਫ਼ਿਲਮ ਦੀ ਅਦਾਕਾਰਾ ਸੁਹਾਨੀ ਭਟਨਾਗਰ ਤੇ ਪ੍ਰਸਿੱਧ ਗ਼ਜ਼ਲ ਗਾਇਕ ਪੰਕਜ ਉਧਾਸ ਦੇ ਅਕਾਲ ਚਲਾਣੇ ਤੇ ਡੂੰਘਾ ਦੁੱਖ ਪ੍ਰਗਟ ਕੀਤਾ ਗਿਆ। ਪੰਜਾਬੀ ਦੀ ਪ੍ਰਸਿੱਧ ਕਵਿੱਤਰੀ ਸਰਬਜੀਤ ਕੌਰ ਸੰਧਾਵਾਲੀਆ ਨੂੰ ਮਾਤਾ ਜਸਵੰਤ ਕੌਰ ਪੁਰਸਕਾਰ 2024 , ਪ੍ਰਸਿੱਧ ਸ਼ਾਇਰ ਗੁਲਜ਼ਾਰ ਨੂੰ ਗਿਆਨ ਪੀਠ ਐਵਾਰਡ , ਪੰਜਾਬੀ ਦੇ ਮਸ਼ਹੂਰ ਸ਼ਾਇਰ ਬਾਬਾ ਨਜ਼ਮੀ ਨੂੰ ਲਾਈਫ ਟਾਈਮ ਅਚੀਵਮੈਂਟ ਐਵਾਰਡ , ਪ੍ਰਸਿੱਧ ਹਾਸ ਵਿਅੰਗ ਲੇਖਕ ਕੇ. ਐਲ. ਗਰਗ ( ਮੋਗਾ ) ਨੂੰ ਇਕਬਾਲ ਰਾਮੂਵਾਲੀਆ ਪੁਰਸਕਾਰ ਅਤੇ ਪ੍ਰਸਿੱਧ ਸ਼ਾਇਰ ਬੂਟਾ ਸਿੰਘ ਚੌਹਾਨ ਨੂੰ ਇਕਬਾਲ ਰਾਮੂਵਾਲੀਆ ਕਾਵਿ ਪੁਰਸਕਾਰ ਮਿਲਣ ਤੇ ਬਹੁਤ – ਬਹੁਤ ਵਧਾਈ ਦਿੱਤੀ।