ਫਰੀਦਕੋਟ 22 ਫਰਵਰੀ (ਧਰਮ ਪ੍ਰਵਾਨਾਂ/ਵਰਲਡ ਪੰਜਾਬੀ ਟਾਈਮਜ਼)
ਪੰਜਾਬੀ ਸਾਹਿਤ ਸਭਾ ( ਰਜਿ ) ਫਰੀਦਕੋਟ ਵੱਲੋਂ ਮਿਤੀ 20 ਅਤੇ 21 ਫਰਵਰੀ 2024 ਨੂੰ ਸਰਕਾਰੀ ਹਰਿੰਦਰਾ ਪ੍ਰਾਇਮਰੀ ਅਤੇ ਮਿਡਲ ਸਕੂਲ ਮੁਹੱਲਾ ਕੰਮੇਆਣਾ ਗੇਟ ਡਾ. ਅੰਬੇਦਕਰ ਨਗਰ , ਫ਼ਰੀਦਕੋਟ ਵਿਖੇ ਕੌਮਾਂਤਰੀ ਮਾਤ ਭਾਸ਼ਾ ਦਿਵਸ ਮਨਾਇਆ ਗਿਆ। ਇਸ ਦਿਵਸ ਦੀ ਸ਼ੁਰੂਆਤ ਪ੍ਰਾਇਮਰੀ ਸਕੂਲ ਅਤੇ ਸਮਾਪਤੀ ਮਿਡਲ ਸਕੂਲ ਵਿਖੇ ਕੀਤੀ ਗਈ। ਕੌਮਾਂਤਰੀ ਮਾਤ ਭਾਸ਼ਾ ਦਿਵਸ ਮਨਾਉਣ ਲਈ ਦੋਹਾਂ ਸਕੂਲਾਂ ਦੇ ਮੁਖੀ ਅਧਿਆਪਕ ਸਾਹਿਬਾਨ ਜਿੰਨ੍ਹਾਂ ਵਿੱਚ ਪਰਮਜੀਤ ਕੌਰ , ਨਿਰਮਲ ਕੌਰ , ਬਲਵੀਰ ਕੌਰ , ਰਮਨਪ੍ਰੀਤ ਕੌਰ, ਅਨੀਤਾ ਰਾਣੀ , ਕੁਲਦੀਪ ਸਿੰਘ , ਅਵਤਾਰ ਸਿੰਘ ( ਸਾਰੇ ਅਧਿਆਪਕ ਪ੍ਰਾਇਮਰੀ ਸਕੂਲ ਅਤੇ ਅਮਿਤ ਮੈਣੀ , ਗਰਗ ਸਾਹਿਬ , ਰਿਸ਼ੂ ਬਾਲਾ , ਮੀਨਾਕਸ਼ੀ , ਪ੍ਰਿਯੰਕਾ( ਸਾਰੇ ਅਧਿਆਪਕ ਮਿਡਲ ਸਕੂਲ ) ਅਤੇ ਬੱਚਿਆਂ ਨੇ ਪੂਰਨ ਸਹਿਯੋਗ ਦਿੱਤਾ। ਇਕਬਾਲ ਘਾਰੂ ਨੇ ਸਕੂਲ ਦੇ ਬੱਚਿਆਂ ਨੂੰ ਪੰਜਾਬੀ ਮਾਂ ਬੋਲੀ ਬਾਰੇ ਅਤੇ ਆਮ ਗਿਆਨ ਬਾਰੇ ਪ੍ਰਸ਼ਨ ਪੁੱਛੇ ਜਿਸ ਦੇ ਬੱਚਿਆਂ ਨੇ ਆਪਣੀ ਯੋਗ ਬੁੱਧੀ ਅਨੁਸਾਰ ਜਵਾਬ ਦਿੱਤੇ।ਜਿੰਨ੍ਹਾਂ ਨੂੰ ਸਭਾ ਵੱਲੋਂ ਟਰਾਫੀਆਂ ਤੇ ਪੈੱਨ – ਕਾਪੀਆਂ ਦੇ ਕੇ ਉਤਸ਼ਾਹਿਤ ਕੀਤਾ ਗਿਆ। ਬੱਚਿਆਂ ਨੂੰ ਇਨਾਮ ਦੇਣ ਦੀ ਰਸਮ ਪ੍ਰਾਇਮਰੀ ਸਕੂਲ ਦੇ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ (2) ਜਸਕਰਨ ਸਿੰਘ ਰੋਮਾਣਾ ਅਤੇ ਜ਼ਿਲ੍ਹਾ ਭਾਸ਼ਾ ਅਫਸਰ ਫਰੀਦਕੋਟ ਸ੍ਰੀ ਮਨਜੀਤ ਪੁਰੀ ਨੇ ਆਪਣੇ ਕਰ ਕਮਲਾਂ ਨਾਲ ਕੀਤੀ। ਸਭਾ ਵੱਲੋਂ ਰੋਮਾਣਾ ਸਾਹਿਬ ਅਤੇ ਪੁਰੀ ਸਾਹਿਬ ਨੂੰ ਵੀ ਸਨਮਾਨ ਚਿੰਨ੍ਹ ਦੇ ਕੇ ਨਿਵਾਜਿਆ ਗਿਆ। ਪ੍ਰੋਫੈਸਰ ਪਾਲ ਸਿੰਘ ਪਾਲ ਅਤੇ ਇੰਜ: ਦਰਸ਼ਨ ਰੋਮਾਣਾ ਨੇ ਜੱਜਮੈਂਟ ਦੇ ਫ਼ਰਜ਼ ਨਿਭਾਏ। ਪ੍ਰੋਫੈਸਰ ਪਾਲ ਸਿੰਘ ਅਤੇ ਪ੍ਰਿੰਸੀਪਲ ਕ੍ਰਿਸ਼ਨ ਕੁਮਾਰ ਬਕੋਲੀਆ ਨੇ ਪੰਜਾਬੀ ਮਾਂ ਬੋਲੀ ਦੇ ਬਾਰੇ ਬੱਚਿਆਂ ਨੂੰ ਵਿਸਥਾਰ ਪੂਰਵਕ ਚਾਨਣਾ ਪਾਇਆ ਅਤੇ ਆਪਣੇ ਦਸਤੇ ਮੁਬਾਰਕ ਨਾਲ ਬੱਚਿਆਂ ਨੂੰ ਇਨਾਮ ਪ੍ਰਦਾਨ ਕੀਤੇ ਅਤੇ ਉਹਨਾਂ ਨੂੰ ਭਵਿੱਖ ਵਿੱਚ ਇਸ ਤਰ੍ਹਾਂ ਦੀਆਂ ਮੱਲਾਂ ਮਾਰਦੇ ਰਹਿਣ ਲਈ ਪ੍ਰੇਰਿਤ ਕੀਤਾ। ਅਖੀਰ ਵਿੱਚ ਸਕੂਲ ਦੇ ਬੱਚਿਆਂ , ਅਧਿਆਪਕਾਂ ਅਤੇ ਸਭਾ ਦੇ ਮੈਂਬਰਾਂ ਨੇ ਪੰਜਾਬੀ ਮਾਂ ਬੋਲੀ ਦੇ ਨਾਅਰੇ ਬੋਲਦਿਆਂ ਮਾਰਚ ਵੀ ਕੀਤਾ। ਇਸ ਸਾਰੇ ਪ੍ਰੋਗਰਾਮ ਵਿੱਚ ਪੰਜਾਬੀ ਸਾਹਿਤ ਸਭਾ ਰਜ਼ਿ ਫਰੀਦਕੋਟ ਦੇ ਮੈਂਬਰਾਨ ਇਕਬਾਲ ਘਾਰੂ , ਇਕਬਾਲ ਘਾਰੂ , ਦਰਸ਼ਨ ਰੋਮਾਣਾ , ਵਤਨਵੀਰ ਜ਼ਖਮੀ , ਹਰਸੰਗੀਤ ਗਿੱਲ , ਧਰਮ ਪ੍ਰਵਾਨਾ , ਸੁਰਿੰਦਰਪਾਲ ਸ਼ਰਮਾ ਭਲੂਰ , ਮੁਖਤਿਆਰ ਸਿੰਘ ਵੰਗੜ , ਸੁਖਦੇਵ ਸਿੰਘ ਮਚਾਕੀ , ਬਲਵੰਤ ਰਾਏ ਗੱਖੜ , ਅਤੇ ਜਤਿੰਦਰਪਾਲ ਟੈਕਨੋ ਨੇ ਵੱਧ ਚੜ੍ਹ ਕੇ ਹਿੱਸਾ ਪਾਇਆ।
Leave a Comment
Your email address will not be published. Required fields are marked with *