ਆਮ ਲੋਕਾਂ ਵਿੱਚ ਵਿਚਰਨ ਵਾਲਾ ਹੀ ਬਣ ਸਕਦੈ ਵਧੀਆ ਸਾਹਿਤਕਾਰ: ਬੂਟਾ ਸਿੰਘ ਚੌਹਾਨ
ਚੰਡੀਗੜ੍ਹ, 18 ਮਾਰਚ (ਹਰਦੇਵ ਚੌਹਾਨ/ਵਰਲਡ ਪੰਜਾਬੀ ਟਾਈਮਜ਼)
ਚੰਡੀਗੜ੍ਹ ਦੇ ਪੰਜਾਬ ਭਵਨ ਕਲਾ ਵਿਖੇ ਸਾਵਿਤਕ ਮੰਚ, ਖਰੜ ਵੱਲੋਂ ਪੰਜਾਬ ਸਾਵਿਤ ਅਕਾਦਮੀ, ਚੰਡੀਗੜ੍ਹ ਅਤੇ ਅਦਾਰਾ ਸੰਵੇਦਨਾ ਦੇ ਸਹਿਯੋਗ ਨਾਲ ਚਰਚਿਤ ਲੇਖਕ ਬੂਟਾ ਸਿੰਘ ਚੌਹਾਨ, ਮੈਂਬਰ, ਜਨਰਲ ਕੌਂਸਲ, ਭਾਰਤੀ ਸਾਹਿਤ
ਅਕਾਦਮੀ ਦਾ ਰੂਬਰੂ ਅਤੇ ਸਨਮਾਨ ਸਮਾਗਮ ਰਚਾਇਆ ਗਿਆ। ਇਸ ਸਨਮਾਨ ਸਮਾਰੋ ਵਿੱਚ ਜੰਗ ਬਹਾਦਰ ਗੋਇਲ ਮੁੱਖ ਮਹਿਮਾਨ ਤੇ ਪ੍ਰਿੰਸੀਪਲ ਸਤਨਾਮ ਸਿੰਘ ਸ਼ੋਕਰ, ਵਿਸ਼ੇਸ਼ ਮਵਿਮਾਨ ਵਜੋਂ ਸ਼ਾਮਿਲ ਹੋਏ। ਡਾ. ਲਾਭ ਸਿੰਘ ਖੀਵਾ ਨੇ ਇਸ ਸਮਾਗਮ ਦੀ ਪ੍ਰਧਾਨਗੀ ਕੀਤੀ।
ਪ੍ਰਧਾਨ ਤਰਸੇਮ ਬਸ਼ਰ ਨੇ ਹਾਜਰੀਨਾਂ ਦਾ ਸਵਾਗਤ ਕੀਤਾ। ਸਨਮਾਨ ਸਮਾਰੋਹ ਦੇ ਕਨਵੀਨਰ ਇੰਦਰਜੀਤ ਪ੍ਰੇਮੀ ਨੇ ਬੂਟਾ ਸਿੰਘ ਚੌਹਾਨ ਬਾਰੇ ਜਾਣ-ਪਛਾਣ ਕਰਵਾਉਂਦਿਆਂ ਉਨ੍ਹਾਂ ਦੀ ਸਾਹਿਤ ਨੂੰ ਦੇਣ ਅਤੇ ਆਪਣੇ ਕਿੱਤੇ ਪ੍ਰਤੀ ਸੁਹਿਰਦਤਾ ਦਾ ਵਰਨਣ ਕੀਤਾ।
ਬੂਟਾ ਸਿੰਘ ਚੌਹਾਨ ਨੇ ਰੂਬਰੂ ਦੌਰਾਨ ਆਪਣੀ ਜਿੰਦਗੀ ਵਿੱਚ ਹੰਢਾਈਆਂ ਦੁਸ਼ਵਾਰੀਆਂ, ਤੰਗੀਆਂ-ਤੁਰਸੀ਼ਆਂ, ਸੰਘਰਸ਼ ਤੇ ਸਾਹਿਤ ਸਫ਼ਰ ਬਾਰੇ ਚਾਨਣਾ ਪਾਇਆ। ਉਨ੍ਹਾਂ ਆਪਣੀ ਪੱਤਰਕਾਰੀ ਦੇ ਸਫ਼ਰ ਦੌਰਾਨ ਲੋਕ ਪੱਖੀ ਮੁੱਦਿਆਂ ਨੂੰ
ਉਭਾਰਨ ਦਾ ਵਰਨਣ ਵੀ ਕੀਤਾ।
ਉਨ੍ਹਾਂ ਰਾਮ ਸਰੂਪ ਅਣਖੀ, ਸੰਤ ਬਲਬੀਰ ਸਿੰਘ ਘੁੰਨਸ ਤੇ ਭਗਵੰਤ ਮਾਨ ਨਾਲ
ਆਪਣੇ ਰਿਸ਼ਿਤਿਆਂ ਦੀ ਗੱਲ ਵੀ ਛੋਹੀ।
ਉਨ੍ਹਾਂ ਦੀਆਂ ਦੋ ਦਰਜਨ ਤੋਂ ਜਿਆਦਾ ਪੁਸਤਕਾਂ ਪ੍ਰਕਾਸ਼ਿਤ ਹੋ ਚੁੱਕੀਆਂ ਹਨ।
ਉਨ੍ਹਾਂ ਕਿਹਾ ਕਿ ਲੇਖਕ ਨੂੰ ਉਸਾਰੂ ਸੋਚ ਅਪਣਾ ਕੇ ਸਮਾਜ ਵਿੱਚਲੀਆਂ ਘਾਟਾਂ ਪ੍ਰਤੀ ਸੁਚੇਤ ਰਹਿਣਾ ਚਾਹੀਦਾ ਹੈ।
ਜੰਗ ਬਹਾਦਰ ਗੋਇਲ ਨੇ ਕਿਹਾ ਕਿ ਬੂਟਾ ਸਿੰਘ ਚੌਹਾਨ ਹਰ ਕਿਸੇ ਨੂੰ ਪ੍ਰਭਾਵਿਤ ਕਰਨ ਵਾਲ਼ੀ ਸ਼ਖਸੀਅਤ ਹੈ।
ਉਨ੍ਹਾਂ ਠੇਠ ਮਲਵਈ ਬੋਲੀ ਰਾਹੀਂ ਪੰਜਾਬੀ ਸਾਹਿਤ ਦਾ ਮੂੰਹ ਮੱਥਾ ਸੰਵਾਰਨ ਵਿੱਚ ਅਹਿਮ ਯੋਗਦਾਨ ਪਾਇਆ ਹੈ।
ਡਾ. ਲਾਭ ਸਿੰਘ ਖੀਵਾ ਨੇ ਕਿਹਾ ਕਿ ਬੂਟਾ ਸਿੰਘ ਚੌਹਾਨ ਨੇ ਆਪਣੀਆਂ ਵਡਮੁੱਲੀਆਂ ਰਚਨਾਵਾਂ ਰਾਹੀਂ
ਆਪਣੀ ਸਾਹਿਤਕ ਪ੍ਰਤਿਭਾ ਦਾ ਲੋਹਾ ਮਨਵਾਇਆ ਹੈ। ਉਹ ਸਾਡੇ ਹਿੰਮਤੀ ਸਹਿਤਕਾਰ ਹਨ। ਸਮਾਗਮ ਵਿੱਚ ਲੇਖਕਾਂ ਅਤੇ ਚੌਹਾਨ ਦੇ ਪਾਠਕਾਂ ਨੇ ਭਰਵੀਂ ਹਾਜ਼ਰੀ ਲਗਵਾਈ।
ਫੋਟੋ: ਸਨਮਾਨ ਸਮਾਰੋਹ ਦਾ ਦ੍ਰਿਸ਼ (ਚੌਹਾਨ)
Leave a Comment
Your email address will not be published. Required fields are marked with *