ਕੋਟਕਪੂਰਾ, 25 ਫਰਵਰੀ (ਟਿੰਕੂ ਕੁਮਾਰ/ਵਰਲਡ ਪੰਜਾਬੀ ਟਾਈਮਜ਼)

ਨੇੜਲੇ ਪਿੰਡ ਲਾਲੇਆਣਾ ਦੇ ਵਸਨੀਕ ਬਾਲਕ ਦਾਸ ਜੋ ਕਿ ਸਮੇਂ-ਸਮੇਂ ’ਤੇ ਕੁਦਰਤ ਦੀ ਸੇਵਾ ’ਚ ਆਪਣਾ ਅਹਿਮ ਯੋਗਦਾਨ ਪਾਉਂਦੇ ਰਹਿੰਦੇ ਹਨ। ਅੱਜ ਇਸੇ ਲੜੀ ਤਹਿਤ ਉਹਨਾਂ ਨੇ ਪਿੰਡ ਲਾਲੇਆਣਾ ਦੇ ਸ਼ਮਸ਼ਾਨ ਘਾਟ ਅੰਦਰ ਸਜਾਵਟੀ ਅਤੇ ਛਾਂਦਰ ਬੂਟੇ ਦਾਨ ਕਰਨ ਤੋਂ ਇਲਾਵਾ ਖੁਦ ਹੱਥੀ ਸੇਵਾ ਕੀਤੀ। ਬਾਲਕ ਦਾਸ ਜੀ ਨਾਲ ਗੱਲ ਕਰਦਿਆਂ ਉਹਨਾਂ ਕਿਹਾ ਕਿ ਮਨੁੱਖ ਨੂੰ ਜਿਵੇਂ ਭੋਜਨ ਦੀ ਲੋੜ ਹੈ, ਉਸੇ ਤਰਾਂ ਸਾਫ ਹਵਾ ਦੀ ਸਭ ਤੋਂ ਵੱਧ ਜਰੂਰਤ ਮਨੁੱਖ ਨੂੰ ਹੈ, ਇਹ ਤਾਂ ਹੀ ਸੰਭਵ ਹੈ ਜੇਕਰ ਅਸੀਂ ਆਪਣੇ ਰੁਝੇਵਿਆਂ ’ਚੋਂ ਸਮਾਂ ਕੱਢ ਕੇ ਆਪਣੀ ਜਿੰਮੇਵਾਰੀ ਨੂੰ ਸਮਝਦੇ ਹੋਏ ਵਾਤਾਵਰਨ ਪ੍ਰਤੀ ਸੰਵੇਦਨਸ਼ੀਲ ਹੋਈਏ। ਉਹਨਾਂ ਕਿਹਾ ਕਿ ਮਾਰਚ ਦਾ ਮਹੀਨਾ ਬੂਟੇ ਲਾਉਣ ਲਈ ਢੁਕਮਾ ਸਮਾਂ ਹੈ, ਇਸ ਸੇਵਾ ’ਚ ਉਹਨਾਂ ਦੇ ਪਰਿਵਾਰ ਦੇ ਬੱਚੇ ਹਰਿੰਦਰ ਕੁਮਾਰ ਲੱਲਾ, ਕਰਨ ਕੁਮਾਰ, ਵਿਕਾਸ ਕੁਮਾਰ, ਵੰਸ਼, ਡਿੰਪਲ ਕੁਮਾਰ, ਸੁਰਿੰਦਰ ਕੁਮਾਰ, ਖੁਸ਼ੀ ਰਾਮ ਤੋਂ ਇਲਾਵਾ ‘ਮਿਸ਼ਨ ਇੱਕ ਕਦਮ ਕੁਦਰਤ ਵੱਲ’ ਦੇ ਪ੍ਰਧਾਨ ਜਸਵਿੰਦਰ ਸਿੰਘ ਖਾਲਸਾ ਤੋਂ ਇਲਾਵਾ ਸੁਖਮੰਦਰ ਸਿੰਘ ਆਦਿ ਸੇਵਾਦਾਰ ਹਾਜਰ ਸਨ।