😎 ਬਾਬਿਆਂ ਦੀਆਂ ਮੌਜਾਂ 😎

*ਬਾਬਾ ਬਣਨ ਲਈ ਦੇਸ਼ ਦੇ ਅੰਦਰ,
ਨਾ ਕਰਨਾ ਪੈਂਦਾ ਡਿਗਰੀ-ਡਿਪਲੋਮਾ ਏ,
ਬਸ ਥੋੜੀ ਜਿਹੀ ਚਲਾਕੀ ਦੇ ਨਾਲ,
ਸਰਕਾਰਾਂ ਦਾ ਬਣਨਾ ਪੈਂਦਾ ਗੋਲਾ ਏ-੨
ਥੋੜੀ ਜਿਹੀ ਚਲਾਕੀ ਦੇ ਨਾਲ……

*ਧਰਮ-ਕਰਮ ਤੇ ਗਿਆਨ ਨਾ ਕੋਈ,
ਬਸ ਚੋਲਾ ਪਾਇਆ ਧਰਮਾਂ ਦਾ,
ਬਸ ਲੋਕਾਂ ਨੂੰ ਲੁੱਟਣ ਖਾਤਰ,
ਜਾਲ ਵਿਛਾਇਆ ਵਹਿਮਾਂ-ਭਰਮਾਂ ਦਾ-੨
ਸੁਰਗ-ਨਰਕ ਤੇ ਸੱਚਖੰਡ ਦਾ,
ਸਾਨੂੰ ਪਾਇਆ ਰੋਲ-ਘਚੋਲਾ ਏ,
ਥੋੜੀ ਜਿਹੀ ਚਲਾਕੀ ਦੇ ਨਾਲ…..

*ਕਰਾਮਾਤ ਨਾ ਇਹਨਾਂ ਕੋਲ ਕੋਈ,
ਨਾ ਇਹ ਸਪੈਸ਼ਲ ਰੱਬ ਦੇ ਬੰਦੇ ਨੇ,
ਰੱਬ ਦੇ ਨਾਂ ਤੇ ਖੋਲ ਦੁਕਾਨਾਂ,
ਇਹਨਾਂ ਤੋਰੇ ਆਪਣੇ ਧੰਦੇ ਨੇ-੨
ਲਾਈਲੱਗ ਲੋਕਾਂ ਇਹ ਰੱਬ ਬਣਾ ਤੇ,
ਬਸ ਇਸੇ ਗੱਲ ਦਾ ਰੌਲਾ ਏ,
ਥੋੜੀ ਜਿਹੀ ਚਲਾਕੀ ਦੇ ਨਾਲ……

*ਜਿੰਨੀ ਮਰਜ਼ੀ ਜ਼ਮੀਨ ਬਣਾ ਲਓ,
ਕੱਠੇ ਕਰ ਲਓ ਪੈਸੇ ਧੇਲੇ ਬਈ,
ਲੈਂਡ-ਕਰੂਜ਼ਰ ਕਾਰਾਂ ਵਿੱਚ ਬਹਿ ਕੇ,
ਬਾਬਾ ਚਿੱਟੇ ਕੱਪੜੇ ਪਾ ਕੇ ਮੇਹਲੇ ਬਈ-੨
ਲੋਕੀ ਇਹਨਾਂ ਨੂੰ ਰੱਬ ਸਮਝਦੇ,
ਇਹ ਤਾਂ ਲੋਟੂਆਂ ਦਾ ਟੋਲਾ ਏ,
ਥੋੜੀ ਜਿਹੀ ਚਲਾਕੀ ਦੇ ਨਾਲ…..

*ਜੇ ਰੱਬ ਇੱਕ ਹੈ ਤਾਂ ਦੋ ਤਰ੍ਹਾਂ ਦੇ,
ਬੰਦੇ ਕਿਉਂ ਬਣਾਏ ਨੇ,
ਇੱਕ ਧਰਤੀ ਤੇ ਰਹਿੰਦੇ ਦੂਜੇ,
ਅਰਸ਼ਾਂ ਤੋਂ ਕਿਉਂ ਆਏ ਨੇ-੨
ਇੱਕ ਵਿਹਲੇ ਬੈਠੇ ਐਸ਼ ਉਡਾਉਂਦੇ,
ਇੱਕ ਦੇ ਹੱਥ ਫੜਿਆ ਕੌਲਾ ਏ,
ਥੋੜੀ ਜਿਹੀ ਚਲਾਕੀ ਦੇ ਨਾਲ……

*ਮੰਨ ਜਾ ਨਾ ਮੰਨ ਤੂੰ ਲਾਲੀ,
ਬਾਬਿਆਂ ਦੀਆਂ ਅੱਜ-ਕੱਲ ਮੌਜਾਂ ਨੇ,
ਦੁਨੀਆਂ ਤੇ ਆਫਤ ਰੋਕਣ ਦੇ ਲਈ,
ਇਹਨਾਂ ਕੀਤੀਆਂ ਕਿਹੜੀਆਂ ਖੋਜਾਂ ਨੇ-੨
ਸਵਾਲ ਪੁੱਛੇ ਤਾਂ ਲੋਕੀ ਕਹਿੰਦੇ,
ਲਾਲੀ ਬੜਾ ਬੜਬੋਲਾ ਏ,
ਬਸ ਥੋੜੀ ਜਿਹੀ ਚਲਾਕੀ ਦੇ ਨਾਲ,
ਸਰਕਾਰਾਂ ਦਾ ਬਣਨਾ ਪੈਂਦਾ ਗੋਲਾ ਏ……..

💥ਪਰਮਜੀਤ ਲਾਲੀ💥
💢98962-44038💢