ਹਰ ਪਿੰਡ, ਹਰ ਵਾਰਡ ਦੀ ਜਾਂਚ ਹੋਵੇ, ਪਾਣੀ ਸੰਕਟ ’ਤੇ ਅਰਸ਼ ਸੱਚਰ ਦੀ ਸਰਕਾਰ ਨੂੰ ਅਪੀਲ

ਫਰੀਦਕੋਟ ਵਿੱਚ ਧਰਤੀ ਹੇਠਲਾ ਪਾਣੀ ਪੀਣਯੋਗ ਨਹੀਂ, ਭਿਆਨਕ ਬਿਮਾਰੀਆਂ ਫੈਲਣ ਦਾ ਖਤਰਾ : ਅਰਸ਼ ਸੱਚਰ

ਅਰਸ਼ ਸੱਚਰ ਵੱਲੋਂ ਮੁੱਖ ਮੰਤਰੀ ਕੋਲ ਲੋਕ ਸਿਹਤ ਐਮਰਜੈਂਸੀ ਐਲਾਨਣ ਦੀ ਮੰਗ

ਕੋਟਕਪੂਰਾ, 10 ਜਨਵਰੀ (ਟਿੰਕੂ ਕੁਮਾਰ/ਵਰਲਡ ਪੰਜਾਬੀ ਟਾਈਮਜ਼)

ਫ਼ਰੀਦਕੋਟ ਅੱਜ ਇੱਕ ਐਸੇ ਸੰਕਟ ਦੇ ਸਾਹਮਣੇ ਖੜਾ ਹੈ, ਜੋ ਸ਼ਾਂਤ ਦਿਸਦਾ ਹੈ ਪਰ ਅੰਦਰੋਂ ਜਾਨਲੇਵਾ ਹੈ। ਪੀਣ ਵਾਲਾ ਪਾਣੀ, ਜੋ ਜੀਵਨ ਹੈ, ਅੱਜ ਹੌਲੀ-ਹੌਲੀ ਬਿਮਾਰੀ ਬਣਦਾ ਜਾ ਰਿਹਾ ਹੈ। ਇਹ ਮਸਲਾ ਹੁਣ ਸਿਰਫ਼ ਸਹੂਲਤ ਦਾ ਨਹੀਂ, ਸਿੱਧਾ ਮਨੁੱਖੀ ਅਧਿਕਾਰ ਅਤੇ ਜਨਤਕ ਸਿਹਤ ਦਾ ਬਣ ਚੁੱਕਾ ਹੈ। ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਅਤੇ ਸਮਾਜਸੇਵੀ ਅਰਸ਼ ਸੱਚਰ ਨੇ ਮੁੱਖ ਮੰਤਰੀ ਪੰਜਾਬ ਨੂੰ ਭੇਜੀ ਆਪਣੀ ਵਿਸਥਾਰਤ ਅਰਜ਼ੀ ਵਿੱਚ ਫ਼ਰੀਦਕੋਟ ਵਿਧਾਨ ਸਭਾ ਹਲਕੇ ਵਿੱਚ ਧਰਤੀ ਹੇਠਲੇ ਪਾਣੀ ਨੂੰ ਲੈ ਕੇ ਲੋਕ ਸਿਹਤ ਐਮਰਜੈਂਸੀ ਘੋਸ਼ਿਤ ਕਰਨ ਅਤੇ ਤੁਰਤ ਉੱਚ ਪੱਧਰੀ ਦਖ਼ਲ ਦੀ ਮੰਗ ਕੀਤੀ ਹੈ। ਪਿਛਲੇ ਕਈ ਮਹੀਨਿਆਂ ਤੋਂ ਅਰਸ਼ ਸੱਚਰ ਵੱਲੋਂ ਕੀਤੀਆਂ ਗਈਆਂ ਪਿੰਡਾਂ ਅਤੇ ਸ਼ਹਿਰੀ ਖੇਤਰਾਂ ਦੀਆਂ ਮੁਲਾਕਾਤਾਂ ਦੌਰਾਨ ਲੋਕਾਂ ਨੇ ਜੋ ਦਰਦ ਸਾਂਝਾ ਕੀਤਾ, ਉਹ ਸਿਰਫ਼ ਸ਼ਿਕਾਇਤ ਨਹੀਂ, ਇੱਕ ਖ਼ਤਰੇ ਦੀ ਘੰਟੀ ਹੈ। ਲੋਕ ਦੱਸ ਰਹੇ ਹਨ ਕਿ ਨਲਕਿਆਂ ਦਾ ਪਾਣੀ ਬਦਬੂਦਾਰ, ਖਾਰਾ ਅਤੇ ਗੰਦਾ ਹੋ ਚੁੱਕਾ ਹੈ, ਬੱਚੇ ਪੇਟ, ਹੱਡੀਆਂ, ਚਮੜੀ ਅਤੇ ਗੁਰਦੇ ਦੀਆਂ ਬਿਮਾਰੀਆਂ ਨਾਲ ਜੂਝ ਰਹੇ ਹਨ, ਕੈਂਸਰ ਅਤੇ ਕਿਡਨੀ ਫੇਲ ਦੇ ਮਾਮਲੇ ਚਿੰਤਾਜਨਕ ਢੰਗ ਨਾਲ ਵੱਧ ਰਹੇ ਹਨ ਅਤੇ ਲੋਕ ਆਪਣੇ ਹੀ ਘਰਾਂ ਦੇ ਪਾਣੀ ਤੋਂ ਡਰਦੇ ਹਨ, ਇਹ ਸਿਰਫ਼ ਪਾਣੀ ਦੀ ਸਮੱਸਿਆ ਨਹੀਂ ਰਹੀ… ਇਹ ਸਾਡੇ ਬੱਚਿਆਂ ਦੀ ਜ਼ਿੰਦਗੀ, ਮਾਵਾਂ ਦੀਆਂ ਅੱਖਾਂ ਦੇ ਹੰਝੂ ਅਤੇ ਆਉਣ ਵਾਲੀਆਂ ਪੀੜ੍ਹੀਆਂ ਦਾ ਭਵਿੱਖ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਗੰਭੀਰ ਮਸਲੇ ਨੂੰ ਲੈ ਕੇ ਉਹ ਪਹਿਲਾਂ ਹੀ ਸਰਕਾਰ ਕੋਲ ਸਰਕਾਰੀ ਗ੍ਰੀਵੈਂਸ ਦਰਜ ਕਰਵਾ ਚੁੱਕੇ ਹਨ। ਅਰਸ਼ ਸੱਚਰ ਨੇ ਕਿਹਾ ਕਿ ‘ਜਦੋਂ ਮਾਂ ਆਪਣੇ ਬੱਚੇ ਨੂੰ ਪਾਣੀ ਪਿਲਾਉਣ ਤੋਂ ਪਹਿਲਾਂ ਸੋਚਦੀ ਹੈ, ਤਾਂ ਇਹ ਸਿਸਟਮ ਦੀ ਨਾਕਾਮੀ ਦੀ ਸਭ ਤੋਂ ਵੱਡੀ ਗਵਾਹੀ ਹੁੰਦੀ ਹੈ। ਵਿਗਿਆਨਕ ਖ਼ਤਰਾ ਹੌਲੀ-ਹੌਲੀ ਮੌਤ ਜ਼ਮੀਨੀ ਰਿਪੋਰਟਾਂ ਅਤੇ ਪਹਿਲਾਂ ਸਾਹਮਣੇ ਆਈਆਂ ਜਾਂਚਾਂ ਮੁਤਾਬਕ ਕਈ ਖੇਤਰਾਂ ਵਿੱਚ ਯੂਰੇਨੀਅਮ, ਆਰਸੈਨਿਕ, ਲੀਡ, ਕੈਡਮਿਅਮ, ਮਰਕਰੀ, ਫਲੋਰਾਈਡ, ਨਾਈਟਰੇਟ ਅਤੇ ਹੋਰ ਹੈਵੀ ਮੈਟਲਜ਼ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ। ਇਹ ਤੱਤ ਸਾਲਾਂ ਵਿੱਚ ਸਰੀਰ ਨੂੰ ਅੰਦਰੋਂ ਖਤਮ ਕਰਦੇ ਹਨ, ਬਿਨਾਂ ਤੁਰਤ ਦਰਦ ਦੇ, ਪਰ ਘਾਤਕ ਨਤੀਜਿਆਂ ਨਾਲ। ਸ਼ਹਿਰ ਤੋਂ ਪਿੰਡਾਂ ਤੱਕ, ਪੂਰੀ ਮੈਪਿੰਗ ਨਾਲ ਸੈਂਪਲਿੰਗ ਦੀ ਮੰਗ ਅਰਸ਼ ਸੱਚਰ ਨੇ ਸਰਕਾਰ ਨੂੰ ਦਿੱਤੀ ਅਰਜ਼ੀ ਵਿੱਚ ਸ਼ਹਿਰ ਦੇ 22 ਮੁੱਖ ਸਰਕਾਰੀ ਪੁਆਇੰਟ ਅਤੇ ਵਿਧਾਨ ਸਭਾ ਹਲਕੇ ਦੇ 80 ਤੋਂ ਵੱਧ ਪਿੰਡ ਦਰਜ ਕਰਕੇ ਪੂਰੀ ਮੈਪਿੰਗ-ਅਧਾਰਿਤ ਸੈਂਪਲਿੰਗ ਦੀ ਮੰਗ ਕੀਤੀ ਹੈ। ਸ਼ਹਿਰ ਵਿੱਚ ਨਹਿਰੂ ਸਟੇਡੀਅਮ, ਬਰਜਿੰਦਰਾ ਕਾਲਜ, ਬਲਬੀਰ ਸੀਨੀਅਰ ਸੈਕੰਡਰੀ ਸਕੂਲ, ਬੱਸ ਸਟੈਂਡ, ਸਿਵਲ ਹਸਪਤਾਲ, ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਕਾਲਜ, ਬਲਬੀਰ ਬਸਤੀ, ਪੁਰਾਣਾ ਬੱਸ ਸਟੈਂਡ ਤਲਵੰਡੀ ਚੌਕ, ਮੇਨ ਵਾਟਰ ਵਰਕਸ ਦੇ ਬੋਰ, ਨਵੀਂ ਦਾਣਾ ੰੰਡੀ, ਪੁਰਾਣੀ ਦਾਣਾ ਮੰਡੀ, ਗੁਰਦੁਆਰਾ ਬਾਬਾ ਫ਼ਰੀਦ ਜੀ, ਕਿਲ੍ਹੇ ਦੇ ਪਿਛਲੇ ਵਾਲਾ ਇਲਾਕਾ, ਗੋਦੜੀ ਸਾਹਿਬ, ਡੋਗਰ ਬਸਤੀ, ਫਿਰੋਜ਼ਪੁਰ ਰੋਡ, ਭਾਨ ਸਿੰਘ ਕਲੋਨੀ, ਭਗਤ ਸਿੰਘ ਪਾਰਕ, ਬਾਜ਼ੀਗਰ ਬਸਤੀ, ਕੰਮੇਆਣਾ ਚੌਂਕ, ਕੈਂਟ ਰੋਡ, ਪੁਰਾਣਾ ਕੈਂਟ ਰੋਡ ਆਦਿ। ਇਸੇ ਤਰ੍ਹਾਂ ਪਿੰਡਾਂ ਵਿੱਚ ਕਾਬਲਵਾਲਾ, ਹੱਸਣਭੱਟੀ, ਪਹਿਲੂਵਾਲਾ, ਨਵਾਂ ਪਹਿਲੂਵਾਲਾ, ਮੱਲੇਵਾਲਾ, ਹਰਦਿਆਲੇਆਣਾ, ਰਾਜੋਵਾਲਾ, ਝਾੜੀਵਾਲਾ, ਘੋਨੀਵਾਲਾ, ਖਿਲਚੀਆਂ, ਨੱਥਲਵਾਲਾ, ਪੱਖੀ ਖੁਰਦ, ਸਾਧਾਂਵਾਲਾ, ਚੁੱਘੇਵਾਲਾ, ਚੱਕ ਬੋਦਲਾ, ਅਰਾਈਆਂਵਾਲਾ ਕਲਾਂ, ਗੁਰੂ ਨਾਨਕ ਨਗਰ, ਬਾਬਾ ਫਰੀਦ ਨਗਰ, ਬਸਤੀ ਹਿੰਮਤਪੁਰਾ, ਦਸ਼ਮੇਸ਼ ਨਗਰ, ਗੋਬਿੰਦਸਰ, ਫਰੀਦਕੋਟ ਦਿਹਾਤੀ ਨੰ.1, ਨਾਨਕਸਰ, ਮਾਈ ਗੋਦੜੀ ਸਾਹਿਬ, ਟਿੱਬੀ ਭਰਾਈਆਂ, ਗੋਬਿੰਦ ਨਗਰ, ਫਰੀਦਕੋਟ ਦਿਹਾਤੀ, ਹਰਗੋਬਿੰਦ ਨਗਰ, ਧਿੰਥਲੀ, ਪਿੱਪਲੀ ਪੁਰਾਣੀ, ਭੋਲੂਵਾਲਾ, ਪੱਖੀ ਕਲਾਂ, ਭਾਗਥਲਾਂ, ਨਰੈਣਗੜ੍ਹ, ਵੀਰੇਵਾਲਾ ਖੁਰਦ, ਮੁਮਾਰਾ, ਗੁੱਜਰ, ਚੰਨੀਆਂ, ਸੰਗਰਾਹੂਰ, ਬੁੱਟਰ, ਅਰਾਈਆਂ ਵਾਲਾ ਖੁਰਦ, ਝੋਕ ਸਰਕਾਰੀ, ਕਾਉਣੀ, ਸੈਦੇਕੇ, ਦੀਪ ਸਿੰਘ ਵਾਲਾ, ਅਹਿਲ, ਚੱਕ ਸੇਮਾ ਅਹਿਲ, ਕਾਨਿਆਂਵਾਲੀ, ਪਿੰਡੀ ਬਲੋਚਾਂ, ਵੀਰੇਵਾਲਾ ਕਲਾਂ, ਮਰਾੜ੍ਹ, ਸੰਗਤਪੁਰਾ, ਘੁੱਦੂਵਾਲਾ, ਭਾਗ ਸਿੰਘ ਵਾਲਾ, ਕਿੰਗਰਾਂ, ਮਾਨੀ ਸਿੰਘ ਵਾਲਾ, ਸਾਦਿਕ, ਰੁਪਈਆਂਵਾਲਾ, ਜਨੇਰੀਆਂ, ਸਾਧੂਵਾਲਾ, ਗੋਲੇਵਾਲਾ, ਡੱਲੇਵਾਲਾ, ਬੇਗੂਵਾਲਾ, ਘੁਗਿਆਣਾ, ਬੀੜ ਘੁਗਿਆਣਾ, ਸਿਮਰੇਵਾਲਾ, ਡੋਡ, ਬੀਹਲੇਵਾਲਾ, ਜੰਡਵਾਲਾ, ਢਿਲਵਾ ਖੁਰਦ, ਝੋਟੀਵਾਲਾ, ਬੁਰਜਮਸਤਾ, ਮਚਾਕੀ ਖੁਰਦ, ਮਿੱਡੂਮਾਨ, ਮਹਿਮੂਆਣਾ, ਮਚਾਕੀ ਕਲਾਂ, ਚੇਤ ਸਿੰਘ ਵਾਲਾ, ਸ਼ੇਰ ਸਿੰਘ ਵਾਲਾ, ਢਾਬ ਸ਼ੇਰ ਸਿੰਘ ਵਾਲਾ, ਸੁੱਖਣਵਾਲਾ, ਕਿਲ੍ਹਾ ਨੌ। ਹਰੇਕ ਪਿੰਡ ਅਤੇ ਹਰੇਕ ਸਰਕਾਰੀ ਜਲ ਸਰੋਤ ਨੂੰ ਸੈਂਪਲਿੰਗ ਯੋਜਨਾ ਵਿੱਚ ਸ਼ਾਮਲ ਕਰਨ ਦੀ ਲਿਖਤੀ ਮੰਗ ਕੀਤੀ ਗਈ ਹੈ।
ਸਰਕਾਰ ਅੱਗੇ ਰੱਖੀਆਂ ਗਈਆਂ ਮੂਲ ਮੰਗਾਂ :- ਅਰਸ਼ ਸੱਚਰ ਨੇ ਮੰਗ ਕੀਤੀ ਹੈ ਕਿ ਡਿਪਟੀ ਕਮਿਸ਼ਨਰ ਦੀ ਅਗਵਾਈ ਹੇਠ ਵਿਸ਼ੇਸ਼ ਟਾਸਕ ਫੋਰਸ ਬਣੇ, ਜੀ.ਪੀ.ਐੱਸ. ਅਤੇ ਵੀਡੀਓ ਸਬੂਤਾਂ ਨਾਲ ਸਰਕਾਰੀ ਸੈਂਪਲਿੰਗ ਹੋਵੇ, ਪਿੰਡ-ਵਾਈਜ਼ ਅਤੇ ਵਾਰਡ-ਵਾਈਜ਼ ਅਟੈਸਟਡ ਰਿਪੋਰਟ ਜਨਤਕ ਕੀਤੀ ਜਾਵੇ, ਜਿੱਥੇ ਪਾਣੀ ਅਸੁਰੱਖਿਅਤ, ਉੱਥੇ ਤੁਰਤ ਸਾਫ਼ ਪੀਣ ਵਾਲਾ ਪਾਣੀ ਮੁਹੱਈਆ ਕਰਵਾਇਆ ਜਾਵੇ, ਪੂਰੇ ਮਾਮਲੇ ਦੀ ਸਮਾਂ ਨਿਰਧਾਰਤ ਰਿਪੋਰਟ ਜਾਰੀ ਹੋਵੇ।
ਨੈਤਿਕ ਅਤੇ ਰਾਜਨੀਤਕ ਸੰਦਰਭ :- ਅਰਸ਼ ਸੱਚਰ ਨੇ ਕਿਹਾ ਕਿ ਇਹ ਮਸਲਾ ਪਾਰਟੀਆਂ ਦਾ ਨਹੀਂ, ਪੀੜ੍ਹੀਆਂ ਦਾ ਹੈ। ਜੇਕਰ ਅਸੀਂ ਅੱਜ ਫ਼ਰੀਦਕੋਟ ਨੂੰ ਬਚਾ ਲਿਆ ਤਾਂ ਕੱਲ੍ਹ ਪੰਜਾਬ ਨੂੰ ਵੀ ਬਚਾ ਲਵਾਂਗੇ। ਉਨ੍ਹਾਂ ਕਿਹਾ ਕਿ ਜੇਕਰ ਇਹ ਕਾਰਵਾਈ ਪੂਰੀ ਪਾਰਦਰਸ਼ਤਾ ਨਾਲ ਹੁੰਦੀ ਹੈ, ਤਾਂ ਫ਼ਰੀਦਕੋਟ ਪੂਰੇ ਪੰਜਾਬ ਲਈ ਲੋਕ ਸਿਹਤ ਸੰਭਾਲ ਮਾਡਲ ਬਣ ਸਕਦਾ ਹੈ।