ਸਾਡਾ ਮਕਸਦ ਬੱਚਿਆਂ ਨੂੰ ਹੱਥੀ ਹੁਨਰ ਸਿਖਾ ਕੇ ਸਵੈ-ਰੁਜ਼ਗਾਰ ਅਤੇ ਨੌਕਰੀ ਲਈ ਯੋਗ ਬਣਾਉਣਾ ਹੈ : ਖੀਵਾ

ਕਿਹਾ! ਨੌਜਵਾਨ ਹੱਥੀ ਹੁਨਰਮੰਦ ਹੋ ਕੇ ਆਪਣਾ ਜੀਵਨ ਰੁਸ਼ਨਾ ਰਹੇ ਹਨ

ਕੋਟਕਪੂਰਾ, 7 ਫਰਵਰੀ (ਟਿੰਕੂ ਕੁਮਾਰ/ਵਰਲਡ ਪੰਜਾਬੀ ਟਾਈਮਜ਼)

ਦੀਨ ਦਿਆਲ ਉਪਾਧਿਆ ਪੇਂਡੂ ਕੌਸ਼ਲ ਯੋਜਨਾ ਕੇਂਦਰ ਅਤੇ ਪੰਜਾਬ ਸਰਕਾਰ ਦਾ ਵਧੀਆ ਉਪਰਾਲਾ ਹੈ, ਜੋ ਬੱਚਿਆਂ ਨੂੰ ਹੱਥੀ ਹੁਨਰਮੰਦ ਕਰਕੇ ਸਵੈ-ਰੁਜ਼ਗਾਰ ਅਤੇ ਨੌਕਰੀ ਲਈ ਯੋਗ ਬਣਾਉਂਦਾ ਹੈ। ਹੁਣ ਤੱਕ ਹਜ਼ਾਰਾਂ ਦੀ ਗਿਣਤੀ ਵਿੱਚ ਨੌਜਵਾਨ ਹੱਥੀ ਹੁਨਰਮੰਦ ਹੋ ਕੇ ਆਪਣਾ ਜੀਵਨ ਰੁਸ਼ਨਾ ਰਹੇ ਹਨ। ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਬਲਜੀਤ ਸਿੰਘ ਖੀਵਾ ਡਾਇਰੈਕਟਰ ਚਨਾਬ ਗਰੁੱਪ ਆਫ ਐਜੂਕੇਸ਼ਨ ਕੋਟਕਪੂਰਾ ਨੇ ਡੀ.ਡੀ.ਯੂ. ਜੀ.ਕੇ.ਵਾਈ. ਪ੍ਰੋਜੈਕਟ, ਜੋ ਮਨਿਸਟਰੀ ਆਫ ਸਕਿੱਲ ਐਜੂਕੇਸ਼ਨ ਵੱਲੋਂ ਸੱਤਿਆ ਸਾਈ ਐਜੂਕੇਸ਼ਨ ਐਂਡ ਵੈਲਫੇਅਰ ਸੁਸਾਇਟੀ ਦੇ ਬੈਨਰ ਹੇਠ ਸਦਾਰਾਮ ਬਾਂਸਲ ਸਕੂਲ ਜੈਤੋ ਰੋਡ ਕੋਟਕਪੂਰਾ ਵਿਖੇ ਕਰਵਾਇਆ ਜਾ ਰਿਹਾ ਹੈ। ਉਸ ਦੇ ਦਾਖਲਿਆਂ ਦੇ ਸਮੇਂ ਕੀਤੀ ਗਈ ਪ੍ਰੈਸ ਕਾਨਫਰੰਸ ਦੌਰਾਨ ਪੱਤਰਕਾਰਾਂ ਨਾਲ ਸਾਂਝੇ ਕਰਦਿਆਂ ਕਿਹਾ। ਉਹਨਾਂ ਨੇ ਦੱਸਿਆ ਕਿ ਇਸ ਪ੍ਰੋਜੈਕਟ ਵਿੱਚ ਮੁਫਤ ਨਰਸਿੰਗ ਦਾ ਕੋਰਸ ਜੋ ਕੇਵਲ ਪੇਂਡੂ ਲੜਕੀਆਂ ਲਈ ਹੀ ਕਰਵਾਇਆ ਜਾ ਰਿਹਾ ਹੈ, ਜਿਸ ਵਿੱਚ ਜੀ.ਡੀ.ਏ. (ਜਰਨਲ ਡਿਊਟੀ ਅਸਿਸਟੈਂਟ) ਜੋ ਲਗਭਗ ਤਿੰਨ ਮਹੀਨੇ ਦਾ ਕੋਰਸ ਬਿਲਕੁਲ ਮੁਫਤ ਕਰਵਾਇਆ ਜਾਣਾ ਹੈ। ਉਹਨਾਂ ਆਪਣੇ ਸੰਬੋਧਨ ਦੌਰਾਨ ਦੱਸਿਆ ਕਿ ਇਹ ਕੇਵਲ ਲੜਕੀਆਂ ਲਈ ਸ਼ੁਰੂ ਕੀਤੇ ਗਏ ਨਵੇਂ ਬੈਚਾਂ ਵਿੱਚ ਪੜਨ ਵਾਲੀਆਂ ਵਿਦਿਆਰਥੀਆਂ ਨੂੰ ਨਾ ਕੇਵਲ ਮੁਫਤ ਪੜ੍ਹਾਈ ਹੀ ਨਹੀਂ ਸਗੋਂ ਨਾਲ ਹੋਸਟਲ, ਖਾਣਾ, ਵਰਦੀਆਂ, ਕਿਤਾਬਾਂ ਵੀ ਸਰਕਾਰ ਵੱਲੋਂ ਬਿਲਕੁਲ ਮੁਫਤ ਮੁਹੱਈਆ ਕਰਵਾਈਆਂ ਜਾਣਗੀਆਂ। ਸੈਂਟਰ ਹੈਡ ਮੈਡਮ ਨਵਜੋਤ ਕੌਰ ਸੱਗੂ ਨੇ ਦੱਸਿਆ ਕਿ ਪਿਛਲੇ ਸਾਲ ਵੀ ਲਗਭਗ 450 ਦੇ ਕਰੀਬ ਵਿਦਿਆਰਥੀਆਂ ਨੇ ਇਹ ਕੋਰਸ ਕਰਕੇ ਵਧੀਆ ਨੌਕਰੀਆਂ ਪ੍ਰਾਪਤ ਕਰਕੇ ਆਰਥਿਕ ਤੌਰ ’ਤੇ ਤਕੜੀਆਂ ਹੋਈਆਂ ਹਨ। ਉਹਨਾਂ ਸਾਰੇ ਹੀ ਸਰਪੰਚ ਮੈਂਬਰਾਂ, ਸਾਹਿਬਾਨਾਂ, ਰਾਜਨੀਤਿਕ ਨੇਤਾਵਾਂ, ਧਾਰਮਿਕ ਸ਼ਖਸ਼ੀਅਤਾਂ ਅਤੇ ਜੋ ਨੌਜਵਾਨ ਸਮਾਜ ਸੇਵਾ ਕਰ ਰਹੇ ਹਨ, ਉਹਨਾਂ ਨੂੰ ਖਾਸ ਕਰ ਬੇਨਤੀ ਕੀਤੀ ਹੈ ਕਿ ਜੋ ਬੱਚੇ 12ਵੀਂ ਕਰਕੇ ਘਰਾਂ ਵਿੱਚ ਬੈਠੇ ਹਨ, ਉਹਨਾਂ ਤੱਕ ਇਹ ਸੁਨੇਹਾ ਜਰੂਰ ਪਹੁੰਚਾਓ ਤਾਂ ਜੋ ਆਪਾਂ ਸਾਰੇ ਰਲ ਮਿਲ ਕੇ ਉਹਨਾਂ ਨੂੰ ਆਰਥਿਕ ਤੌਰ ’ਤੇ ਤਕੜੇ ਕਰੀਏ। ਜਿਸ ਨਾਲ ਉਹ ਆਪਣੇ ਅਤੇ ਆਪਣੇ ਮਾਪਿਆਂ ਦੇ ਸੁਪਨੇ ਪੂਰੇ ਕਰ ਸਕਣ। ਜਿਕਰਯੋਗ ਹੈ ਕਿ ਇਹ ਸਕੀਮ ਕੇਵਲ ਪੇਂਡੂ ਖੇਤਰ ਦੀਆਂ ਲੜਕੀਆਂ ਲਈ ਬਹੁਤ ਹੀ ਲਾਹੇਵੰਦ ਸਿੱਧ ਹੋ ਰਹੀ ਹੈ। ਬਲਜੀਤ ਸਿੰਘ ਖੀਵਾ ਨੇ ਅੱਗੇ ਦੱਸਿਆ ਕਿ ਦਾਖਲਾ ਸਿਰਫ 8 ਫਰਵਰੀ 2026 ਤੱਕ ਹੀ ਕੀਤਾ ਜਾਵੇਗਾ। ਜ਼ਿਆਦਾ ਜਾਣਕਾਰੀ ਲਈ 81156-75000 ’ਤੇ ਵੀ ਸੰਪਰਕ ਕੀਤਾ ਜਾ ਸਕਦਾ ਹੈ।