ਫਰੀਦਕੋਟ 6 ਜਨਵਰੀ (ਵਰਲਡ ਪੰਜਾਬੀ ਟਾਈਮਜ਼)
ਪੰਜਾਬੀ ਸਾਹਿਤ ਸਭਾ ਰਜ਼ਿ ਫਰੀਦਕੋਟ ਦੀ ਮਾਸਿਕ ਇਕੱਤਰਤਾ ਸਭਾ ਦੇ ਪ੍ਰਧਾਨ ਕਰਨਲ ਬਲਬੀਰ ਸਿੰਘ ਸਰਾਂ ਦੀ ਪ੍ਰਧਾਨਗੀ ਹੇਠ ਸਥਾਨਕ ਪੈਨਸ਼ਨਜ ਭਵਨ ਫਰੀਦਕੋਟ ਵਿਖੇ ਮਿਤੀ 5 ਜਨਵਰੀ 2025 ਦਿਨ ਐਤਵਾਰ ਨੂੰ ਹੋਈ ਜਿਸ ਵਿੱਚ ਤਕਰੀਬਨ ਡੇਢ ਦਰਜਨ ਮੈਂਬਰਾਂਨ ਲੇਖਕਾਂ ਨੇ ਭਾਗ ਲਿਆ ਜਿਨ੍ਹਾਂ ਵਿੱਚ ਕਰਨਲ ਬਲਬੀਰ ਸਿੰਘ ਸਰਾਂ ਤੋਂ ਇਲਾਵਾ ਪ੍ਰਿੰਸੀਪਲ ਨਵਰਾਹੀ ਘੁਗਿਆਣਵੀ , ਇਕਬਾਲ ਘਾਰੂ, ਸੁਰਿੰਦਰਪਾਲ ਸ਼ਰਮਾ ਭਲੂਰ, ਇੰਜਨੀਅਰ ਦਰਸ਼ਨ ਰੋਮਾਣਾ, ਵਤਨਵੀਰ ਜ਼ਖਮੀ, ਜੰਗਪਾਲ ਸਿੰਘ ਕੋਟਕਪੂਰਾ, ਸਾਧੂ ਸਿੰਘ ਚਮੇਲੀ , ਮੁਖਤਿਆਰ ਸਿੰਘ ਵੰਗੜ, ਜਗਦੀਪ ਹਸਰਤ, ਬਲਵਿੰਦਰ ਫਿੱਡੇ, ਗੁਰਤੇਜ ਪੱਖੀ ਕਲਾਂ, ਸੁਖਚੈਨ ਥਾਂਦੇਵਾਲ ,ਨੇਕ ਸਿੰਘ ਮਾਹੀ, ਧਰਮ ਪ੍ਰਵਾਨਾ, ਪਰਮਜੀਤ ਸਿੰਘ , ਸ਼ਿਵਨਾਥ ਦਰਦੀ, ਪ੍ਰੋਫੈਸਰ ਬੀਰਇੰਦਰ ਸਿੰਘ, ਹਰਸੰਗੀਤ ਗਿੱਲ ਆਦਿ ਨੇ ਭਾਗ ਲਿਆ। ਪ੍ਰਸਿੱਧ ਲੇਖਕ / ਗਾਇਕ ਇਕਬਾਲ ਘਾਰੂ ਨੇ ਸਟੇਜ ਸੰਭਾਲਦੇ ਹੋਏ ਹਾਜ਼ਰ ਮੈਬਰਾਨ ਪੰਜਾਬੀ ਸਾਹਿਤ ਸਭਾ ਰਜ਼ਿ ਫਰੀਦਕੋਟ ਨੂੰ ਬਿਸਮਿਲ ਫਰੀਦਕੋਟੀ ਯਾਦਗਾਰੀ ਸਮਾਗਮ 2 ਫਰਵਰੀ 2025 ਨੂੰ ਕਰਵਾਏ ਜਾਣ ਦੀ ਰੂਪ-ਰੇਖਾ ਬਾਰੇ ਵਿਸਥਾਰ ਨਾਲ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਐਤਕੀਂ ਸਾਲ 2024 ਦਾ ਬਿਸਮਿਲ ਫ਼ਰੀਦਕੋਟੀ ਯਾਦਗਾਰੀ ਐਵਾਰਡ ਮਾਲਵੇ ਦੇ ਉੱਚ ਕੋਟੀ ਦੇ ਸ਼ਾਇਰ ਗੁਰਦਾਸਰੀਣ ਕੋਟਕਪੂਰਵੀ ( ਬਾਹਮਣ ਵਾਲਾ ) ਜੀ ਨੂੰ ਉਨ੍ਹਾਂ ਦੀਆਂ ਸਾਹਿਤ ਪ੍ਰਤੀ ਕੀਤੀਆਂ ਘਾਲਣਾਵਾਂ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਦਿੱਤਾ ਜਾਵੇਗਾ ਅਤੇ ਵਿਸ਼ੇਸ਼ ਸਨਮਾਨ ਉੁੱਘੇ ਸਟੇਜੀ ਕਵੀ ਦਿਆਲ ਸਿੰਘ ਸਾਕੀ ਉਰਫ ਸਾਕੀ ਫਰੀਦਕੋਟ ਮੈਂਬਰ ਪੰਜਾਬੀ ਸਾਹਿਤ ਸਭਾ ਰਜ਼ਿ ਫਰੀਦਕੋਟ ਨੂੰ ਦੇ ਕੇ ਨਿਵਾਜਿਆ ਜਾਵੇਗਾ। ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਸ੍ਰੀ ਸਿਮਰਜੀਤ ਸਿੰਘ ਸੇਖੋਂ ( ਐਡਵੋਕੇਟ) ਚੇਅਰਮੈਨ ਬਾਬਾ ਫਰੀਦ ਵਿੱਦਿਅਕ ਸੰਸਥਾਵਾਂ ਫਰੀਦਕੋਟ ਅਤੇ ਵਿਸ਼ੇਸ਼ ਮਹਿਮਾਨ ਪਵਨ ਹਰਚੰਦਪੁਰੀ( ਧੂਰੀ) ਪ੍ਰਧਾਨ ਕੇਂਦਰੀ ਪੰਜਾਬੀ ਲੇਖਕ ਸਭਾ ( ਸੇਖੋਂ) ਪੰਜਾਬ, ਹੋਣਗੇ। ਪ੍ਰਧਾਨਗੀ ਮੰਡਲ ਦੀ ਸ਼ੋਭਾ ਪ੍ਰਸਿੱਧ ਸ਼ਾਇਰ ਹਰਮੀਤ ਵਿਦਿਆਰਥੀ ਜੀ ਵਧਾਉਣਗੇ ਅਤੇ ਪ੍ਰਧਾਨਗੀ ਮੰਡਲ ਨੂੰ ਚਾਰ ਚੰਨ ਸਭਾ ਦੇ ਸਾਬਕਾ ਪ੍ਰਧਾਨ ਪ੍ਰੋ ਪਾਲ ਗਿੱਲ ਪਾਲ ਲਾਉਣਗੇ। ਉੱਘੇ ਵਿਦਵਾਨ ਪ੍ਰਿੰਸੀਪਲ ਕਿਸ਼ਨ ਸਿੰਘ ਸਾਬਕਾ ਪ੍ਰਿੰਸੀਪਲ ਪੰਡਿਤ ਚੇਤਨ ਦੇਵ ਕਾਲਜ ਆਫ ਐਜੂਕੇ਼ਸ਼ਨ ਵੀ ਸਮਾਗਮ ਦੀ ਸ਼ੋਭਾ ਵਧਾਉਣਗੇ। ਪ੍ਰੋ ਨਰਿੰਦਰਜੀਤ ਸਿੰਘ ਬਰਾੜ, ਨਵਰਾਹੀ ਘੁਗਿਆਣਵੀ ਜਿਹੀਆਂ ਸ਼ਖਸੀਅਤਾਂ ਵੀ ਇਸ ਸਮਾਗਮ ਨੂੰ ਚਾਰ ਚੰਨ ਲਗਾਉਣਗੀਆਂ। ਉਪਰੰਤ ਇਸ ਸਮਾਗਮ ਵਿੱਚ ਦੂਰ ਨੇੜੇ ਤੋ ਸਾਹਿਤਕ ਸਭਾਵਾਂ ਦੇ ਨਾਮਵਰ ਸ਼ਾਇਰ ਵੀ ਕਲਮਾਂ ਦੇ ਰੰਗ ਬਿਖੇਰਨਗੇ ਅਤੇ ਸਾਹਿਤ ਸਭਾ ਫਰੀਦਕੋਟ ਦੇ ਉੱਚ ਕੋਟੀ ਦੇ ਸ਼ਾਇਰ ਵੀ ਬਿਸਮਿਲ ਫਰੀਦਕੋਟੀ ਦੀਆਂ ਰਚਨਾਵਾਂ ਪੇਸ਼ ਕਰਕੇ ਬਿਸਮਿਲ ਫਰੀਦਕੋਟੀ ਜੀ ਨੂੰ ਸ਼ਰਧਾਂਜਲੀ ਦੇਣਗੇ। ਅੱਜ ਦੀ ਮੀਟਿੰਗ ਵਿੱਚ ਇੰਜੀਨੀਅਰ ਦਰਸ਼ਨ ਰੋਮਾਣਾ ਨੇ ਆਪਣੇ ਪੁੱਤਰ ਦਲਜੀਤ ਸਿੰਘ ਰੋਮਾਣਾ ਦੇ ਬਤੌਰ ਉਪ ਮੰਡਲ ਅਫ਼ਸਰ ( ਐਸ. ਡੀ.ਓ. ) ਬਿਜਲੀ ਬੋਰਡ ਤਰੱਕੀ ਸਾਬਕਾ ਹੋਣ ਦੀ ਖੁਸ਼ੀ ਦਾ ਇਜ਼ਹਾਰ ਕਰਦਿਆਂ ਸਮੂਹ ਮੈਂਬਰਾਂ ਨੂੰ ਚਾਹ ਪਾਰਟੀ ਕੀਤੀ ਅਤੇ ਸਮੂਹ ਮੈਂਬਰਾਂ ਨੇ ਉਨ੍ਹਾਂ ਨੂੰ ਵਧਾਈ ਦੇ ਕੇ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ।
